Genesis 11
11
Babel malcaćhümi türricta lulapäcun
1Chay timpucuna juc limayllactam lluy nuna limapäcula. 2Ñatac chay inti ishpimunan lädupïta lipäculmi talïlälin Sinar lädućhu juc pampacta; chayćhümi yaćhapäcula. 3Juc muyunćhüñatacmi limanaculcan: “Ladrillucta lulaycul cusäśhun” nil. Chaynüpam lumiwan pilapäcunantá ladrilluwanña pilapäcula; mituwan chalachinantá briawanña chalachipäcula. 4Jinaman ninaculcan: “Manaña wicman cayman liyänapä, jatun malcacta luläśhun; türrip chupquinpis janay pachäman ćhänancamalä. Chaynüpam sumä allinpä licaśhapis caśhun” nil.
5Ñatac Tayta Diosmi nunacunaca imanuy malcacta, türricta lulapäcuśhanta licä jiꞌalpamula. 6Chayćhümi Tayta Dios nin: “Cay nunacunaca juc caśhtallam lluy cayalcan; limaynincunapis jucllayllatacmi cayan. Lulayta allaycälälinñam; chaynu lulay munaśhancunäta manam pipis manalcachinmanchu. 7Aśhwanpa cananꞌari limaynincunacta pantaycachimü jiꞌalpuśhun; chayćha mayanninpa limapäcuśhantapis mana uyalinaculcanꞌañachu” nil.
8Chaynüpam Tayta Dios nunacunäta jinantin pachäman chiꞌichila; manañamá malcactapis ishpichipäculañachu. 9Chaymi chay malcacta “Babel” nïta śhutichäla, nunacunap limayninta lluy pantalcachil, jinantin pachäman chiꞌichiptin.
Sempa milaynincuna
1Cro 1.24-27
10Caymi Sempa milaynincuna: Chulin Arfaxad näsila tamya fisyu ishcay wata pasäśha cayaptinmi Sem paćhac (100) watanta liyaptin. 11Chay Arfaxad näsishanpïta picha paćhac (50) watalämi Sem cawsala. Chayćhu walaśh wamla chulincunapis calalämi.
12Arfaxad quimsa ćhunca picha (35) watanta liyaptinmi chulin Sala nisha cala. 13Chay Sala näsishanpïta tawa paćhac quimsa (403) watalämi Arfaxad cawsala. Chayćhu walaśh wamla chulincunapis calalämi.
14Sala quimsa ćhunca (30) watanta liyaptinmi chulin Heber cala. 15Chaypïta tawa paćhac quimsa (403) watalämi Sala cawsala. Chayćhu walaśh wamla chulincunapis calalämi.
16Heber quimsa ćhunca tawayu (34) watanta liyaptinñatacmi chulin Peleg cala. 17Chay Peleg näsishanpïta tawa paćhac quimsa ćhunca (430) watalämi Heber cawsala. Chayćhu walaśh wamla chulincunapis calalämi.
18Peleg quimsa ćhunca (30) watanta liyaptinñatacmi chulin Reu cala. 19Chaypïta ishcay paćhac isun (209) watalämi Peleg cawsala. Chayćhu walaśh wamla chulincunapis calalämi.
20Reu quimsa ćhunca ishcay (32) watanta liyaptinñatacmi chulin Serug cala. 21Chaypïta ishcay paćhac anćhish (207) watalämi Reu cawsala. Chayćhu walaśh wamla chulincunapis calalämi.
22Serug quimsa ćhunca (30) watanta liyaptinñatacmi Nacor chulin cala. 23Chaypïta ishcay paćhac (200) watalämi Serug cawsala. Chayćhu walaśh wamla chulincunapis calalämi.
24Nacor ishcay ćhunca isun (29) watanta liyaptinñatacmi chulin Tare cala. 25Chaypïta paćhac ćhunca isun (119) watalämi Nacor cawsala. Chayćhu walaśh wamla chulincunapis calalämi.
26Tare anćhish ćhunca (70) watanta liyaptinñatacmi Abram, Nacor, Haran chulincuna calaña.
Tarepa milaynincuna
27Tarepa milaynincuna caycunam: Abram, Nacor, Haran. Haranpa chulinñatacmi Lot cala. 28Haranmi taytan Tarepïpis puntacta wañucula näsishan Caldeo lädu Ur malcanćhu.
29-30Abramñatacmi casaracüla Saraiwan. Paymi mana waćhacü machüra cala. Nacorñatac casaracüla Milcawan. Milcap ñañan Isca nishanmi cala; taytanñatacmi Haran cala.
31Chay Tarep nishanmi yaćhapäcuśhan Caldeo lädu Ur malcapïta chulin Abramta llumchuynin Saraita, willcan Lottapis puśhaculcul Canaan malcaman liculcäla. Ñatac Haran malcaman ćhälälilmi chayllaćhu quïdaculcäla. 32Ishcay paćhac picha watanta liyalmi Haran malcaćhu Tare wañucula.
Currently Selected:
Genesis 11: QVW
Highlight
Share
Copy
Want to have your highlights saved across all your devices? Sign up or sign in
© 2022, AMWAN (Old Testament text)
© 2006, Wycliffe Bible Translators, Inc. (New Testament text)
Print copy NT 2006, Liga Bíblica del Perú
