Zakarii Da yiri-a ǹ boo
Da yiri-a ǹ boo
Zakarii na á goã Lawa a boo gii diɛ biikoo goon li ka Lawa a boo gii-dali Azee ne. Sɛ́wɔ lɛ n niɛ̃-n kɔn paǹ paa totoro, ǹ kiɛ̃ biikoo dɔ n totoro.
A paǹ bibinaa nɛ (1-8), Zakarii n sii-yɛ kiwisi boo diɛ Dɛnaa Lawa nə ǹ mɛnɛn nyaa nɛ. Lon a dia dí-a wole goon nə bɛa sii-yɛn lɛn giala pii Zakarii ni. Lawa á re die a zaman lɛ a gú ganaa. Lawa a gugurubaa á re wusii doo a n din nyaa Zeruzalɛmu. Gánadɛnaa Zorobabeli laanka Lawa a wúlu-bɔle Yesuwa tá re Lawa a kion lɛ a dí nyɛɛnaandɛnan biɛ.
Tɔrɔn mɛnɛn bɛ́ Izirayeli miãkɛnɛn lɛa, sɛ́wɔ lɛ a paǹ paabaa ǹ (9-14) wɔ kɛ n bɛn kiriwɔma-a boo diɛ ka kii goon a daa boo ne, n din boɛɛn koe a n gɔ̀lɔ̀ dɔ lɛa. Ta Zeruzalɛmu a zɔ́ɔn nə́ mɔnaa lɔn Lawa á re boe ǹ la:
«Dɛnaa Lawa n die kii biɛ
tán tumaa la,
Bɛa pinaa, Dɛnaa Lawa n die goɛ̃ goon toto,
a tɔ dɔ n die goɛ̃ goon toto.» (14.9)
Sɛ́wɔ lɛ a boo mìi dadaran:
Dɛnaa Lawa n sii-yɛ laanka boon nyɛɛ Zakarii ni, 1—8
Lawa n dɔlɔ diɛ Izirayeli miãkɛnɛn la, 9.1-8
Lawa n barka diɛ a zaman ganaa a n là nyantoro koe ǹ la, 9.9—14.21.
Currently Selected:
Zakarii Da yiri-a ǹ boo: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.