Zonaasi 3
3
Zonaasi Lawa boo mɛn laakalaa Ninivu
1Bɛ kio, Lawa wusoo á boo da ka Zonaasi ni á pɛ nɛ: 2«Masɛ bɛ́ boo mɛn pii n ni, yoo, n wo Ninivu kiwi gole kɛ nɛ, n pɛ ǹ nɛ ka paraa nɛ.» 3Bɛa Biikoo li kəni, Zonaasi yoo, á woo Ninivu ka Dɛnaa Lawa bɛ́ á pɛ-n lɔn. A da ya Ninivu kiwi kɛ dɔ na á gole kɔ á la yii ni yǎa n lɛawaa sɔɔ tɔ we n tɔ na a lɛ dii. 4#MAT 12.41; LUK 11.32. Zonaasi pinin goon tɔ wɔ kiwi lɛ nɛ bɛ̀ á n parɛɛ á n pii: «Kànaa ka lɛawaa pusi, Lawa á die Ninivu bɔ̀n biɛ.» 5Ninivu minin lɛn nə bɛ ma lɔn, ǹ nə́ gole Lawa a boo li. Ǹ nə́ lɛ dia, mà min tumaa nə n lɛ sɔɔ. A saa min golen ganaa, a wo nɛnyaanan yaa, ǹ nə́ gɛ̀ koa ǹ mɔnaan wɔ ǹ dinin ganaa ǹ nə́ nyaa mà ǹsɛn nə́ wusoo ǹ sii baraan kio. 6Boo lɛ dɔ Ninivu n kii li. Á yoo á n bɔ a kii dankan la, a ná a kii dɔnkɛ sɔlɔ á bɔ a ganaa, á boroo wɔ a din ganaa, á giã ton la, á nyaa mà asɛ wusoo a sii baraan kio. 7A kɔnpɛ kii lɛ laanka a kiodɛnan dí-pɛ nɛ, ǹ nə́ lɛ dia Ninivu kiwi gɔ́ɔ̃ nɛ ǹ nə́ pɛ: Minbuiinin laanka tɔɔn nɛ, ǹ nyan màn kɔn wɔ ǹ lɛ-n wa, ǹ nyan mu mi wa. 8Boroon doamaa nɛ ǹ goã minbuiinin laanka tɔɔn ganaa, ǹ nə n lɛ dɛ Lawa ganaa ka ǹ parsiini. Didie nə n taasɛ a wusoo a sii baraan kio, kakaarɛbaa ǹ siin mɛnɛn bɛ́ a gɔn lɛa, a bɛn kaa. 9Min ba boe sii la wa, kɔntan, Lawa bɛ́ mà a n die dɔlɔ mɛn boe, á re wusii ka a kio ne, a ba wɔ dii wa. Bɛ̀ á n baa miɛ̃, wɔ a re bɔ̀n biɛ wa. 10Ǹ goã siin mɛnɛn zɛnɛɛ bɛ kio, Lawa yɛ mà maǹ wusii n boe ǹ sii baraan kio. Bɛ lɛ nɛ á makara bɔ ǹ ganaa, a goã mà a n die dɔlɔ mɛn boe ǹ ganaa a dɔ wusoo ka a kio ne, a bɔ doo wa.
Currently Selected:
Zonaasi 3: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
