Amɔɔsi 9
9
Sii-yɛ soorobaa ǹ wɔ: bǎã sonbore a ziziɛ̃
1Má maa Dɛnaa yɛ golee-n lon
*wúlu bɔ ǹ bǎã kɛ lalan.
A na á goã kɛ pii:
«Bìbìn kɛn mìi yiyiɛ,
kiɛnlɛn kɛn nə bìn dada.
A wuru a n kɔ ǹ tumaa lɛ.
Ta ǹ mɛnɛn nə́ la,
ma á re bɛn dii ka gɔya sa nɛ.
Ǹ kɔn ba re boe la a baa si a la wa,
ǹ kɔn ba re n boe a-n wa.
2Ta ǹ dinin man nə́ woo
yǎa geren piɛ,
ma á re ǹ wɛɛ walan ma soo ǹ ne.
Ta maǹ nə́ dii lon,
ma á re ǹ gisĩ ma ǹ kaa tán.
3Ta maǹ nə́ woo n duru
Karmɛli kele kɛ mìi ni,
ma á re woe giɛ ǹ li walan,
ma ǹ kũ ma gisĩ ǹ ni.
Ta maǹ nə́ n duru
masɛ la yìsi mu giulun,
ma á re yìsi mu li ǹ miɛ̃
kɛ diɛ ǹ ganaa,
bɛ á re sɔn dodoe ǹ ganaa walan.
4Ta ǹ nə́ woo bɛ̀rɛ baa ǹ zɔ́ɔn li,
ma á re yui zia nɛ ǹ ganaa walan,
ǹ nə ǹ dɛ.
Man die n yii soe ǹ ganaa,
ǹ ba re yii-nyɛɛ goon yii wa,
yǎa bɔ́n!»
Lawa n màn tumaa mìi la
5Bɛ̀ pàã tumaa a Dɛnaa Lawa
nə́ n gɔn da tán lɛ ganaa lɔn gɔrɔ
a n bìn diɛ.
Min tumaa nə n duwi.
Tań lɛ tumumaa n yui
ka Niili tà kɛa mu bɛ́ lɔn,
a wusoo bɛ̀ a waa,
ka bɛa tà lɛ a mu bɛ́ lɔn.
6Min mɛn a giã ǹ bǎã á ke lon,
asɛ mɛn bɛ́ á lon zɛnaa á kɔ tán lɛ,
yìsi mu bíi bɛ̀ a kaa tán la,
a tɔ mà Dɛnaa Lawa.
Zɛ̀rɛdɛnan dɔlɔ
7Dɛnaa Lawa n kɛ pii:
Izirayeli minin lɛn,
ka dɔn laanka Etiopii minin kɛn
man goon masɛ gɔn.
Má ka waa má ka bɔ Ezipti
gána nɛ.
Má Filisiti minin kɛn dɔn waa
má ǹ bɔ Kafutɔɔrɔ kiwi,
má Siirii minin kɛn waa
má ǹ bɔ Kiiri kiwi.
8Á ke,
Izirayeli gána lɛ na á sii
baraa zɛnaa,
Dɛnaa Lawa na á n yii soo a ganaa
á pɛ kɛnɛn:
«Man die ǹ dii lenlen
ma ǹ bɔ kanaa.
Sɛnɛ, Zakɔba tɔrɔn kɛn,
ma a die bɛn tumaa dii wa.»
Dɛnaa Lawa a da ǹ boo ne.
9Sonbore, á ke:
«Man die bìn diɛ Izirayeli tɔrɔn
kɛn ganaa tɔrɔ kɔsɔn bii,
ka ǹ bɛ́ màn zazaaboe ka
tɛ̀mɛ-n lɔn,
kɔlɔ boɛɛn kɔn din ba re soe
a mɛnaa tán wa.
10Maa zaman lɛ a sii baraa-zɛnaalin
mɛnɛn bɛ́ pii,
ma baraa ba ǹsɛn yii wa,
ma a ba n mɔrɛ ǹsɛn ganaa wa,
gɔya sa n die ǹsɛn lɛn dinin dii.»
Izirayeli minin tá re wusii ǹ kaa ǹ bǎã nɛ
11 #
NDS 15.16-18. Dɛnaa Lawa n kɛ pii:
"Davida a kiwi" kɛ n ka
mɔnaa zìã bɛ́ lɔn,
á ziziɛ̃.
Sɛnɛ bɛa pinaa kɛ lɛ nɛ,
yala bɛ́ a kungɔn kɛa paǹan
mɛnɛn ganaa,
ma á re bɛn titiɛ̃.
A bǎãn mɛnɛn nə kaa,
ma á re wusii ma bɛn dɔ.
Ma á re goɛ ma koa lon,
a goã ka a bɛ́ lɔn lɛlɛ.
12Bɛa biikoo li kəni,
Edɔmu minin kɛn bǎãn
mɛnɛn nə goã,
tɔrɔ kɔsɔn mɛnɛn tumaa bɛ́
maa wɔ lɛa lɛlɛ,
bɛn tá re Izirayeli tɔrɔn lɛn wɔ biɛ.
Dɛnaa Lawa a da ǹ boo ne,
a din dɔn die bɛ zɛnɛɛ.
13Dɛnaa Lawa wusoo á kɛ pɛ doo:
Á ke, biikoo á re die,
kaa-piɛ waáraa á die n biɛ
wuru dí a yoo lɛa doo,
rezɛ̃ tɔtɔrɛɛ a nya á die n biɛ
màn nàn diɛ a biikoo lɛa doo.
Duvɛ̃ dii tá re baa sii tán kelen
mii ni
a da tentenen mui.
14Man die wusii ma maa zaman,
Izirayeli minin lɛn sii bɔyaa
ma da a giala la.
Kiwin mɛnɛn nə ziziɛ̃,
ǹ tá re wusii ǹ bɛn dɔ,
ǹ giã ǹ nɛ.
Ǹ tá re *rezɛ̃ dan zuzumi
ǹ bɛa duvɛ̃ mi.
Ǹ tá re dù gɔrɔn boboe,
ǹ bɛa mànan bii.
15Ma á re wusii ma da ǹ nɛ
ǹ gána nɛ,
ma gána mɛn lɛ kɔ ǹ la.
Ǹ gòãn tá re we tán walan,
min ná a re boe la a ǹ loo doo wa.
Masɛ, kaa Dɛnaa Lawa lɛ a
da ǹ boo n ka bɛ nɛ.
Currently Selected:
Amɔɔsi 9: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
