Psom 24
24
Enn gran Lerwa
Enn Psom David.
1Lemond ek tou seki ena ladan zot pou LESEGNER;
later ek tou seki viv lor la zot osi pou li.
2Li finn konstrir tousala lor lak souterin;
li finn etabli fondasion dan lili losean.
3Kisann-la gagn drwa mont lor montagn LESEGNER?
Kisann-la gagn drwa rant dan so Tanp sakre?
4Bann ki zot lame prop ek zot leker kler,
ki pa priye idol
e ki pa fer promes dan vid.
5Dimounn prop gagn benediksion LESEGNER;
Bondie so Sover pou rekonet ki li zis.
6Sa bann bon dimounn la zot mars ver Bondie
e zot viv dan prezans Bondie ki Zakob adore.
7Bann portay! Ouver an gran zot batan.
Ouver bann batan laport ansien,
pou les Lerwa dan tou so laglwar rantre.
8Kisann-la sa gran Lerwa-la?
LESEGNER, for ek pwisan,
Limem SEGNER ki vinker dan konba.
9Bann portay! Ouver an gran zot batan.
Ouver bann batan laport ansien,
pou les Lerwa vinker rantre.
10Kisann-la sa gran Lerwa-la?
LESEGNER, ki pli pwisan ki tou.
Limem Lerwa ki ena tou laglwar!
Currently Selected:
Psom 24: KMNT
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.