Mat 3
3
Kulo omon einosua Yohana Olaibatisani
(Mk 1.1-8; Lk 3.1-18; Yhn 1.9-28)
1Ore te nena olong'i nelotu Yohana Olaibatisani elikioo ti ong'ata e Yudea, ejo, 2#Mat 4.17; Mk 1.15 “Erridutu, amu etinyikua enkitoria e shumata.” 3#Isa 40.3 Amu ore ele, ninye eimaka oloiboni le Nkai oji Isaya otejo,
“Etii oltoilo obuaku ti ong'ata
Entobiraki Olaitoriani enkoitoi nalala
entorioi nkoitoi enyena.”
4 #
2 Int 1.8
Neishopito apa ninye Yohana enkila oo lpapit le ntames, o enkeene te mpolos enye; ore endaa enye na lmaat o naishi e ong'ata. 5Nepuo apa enetii ninye ina kata Yerusalem o Yudea pooki o lkirinen pooki le Yordan; 6neibatisai pooki to lkeju le Yordan eirridu ng'ok enye.
7 #
Mat 12.34; 23.33 Ore pee edolu ninye Ilfarisayo kumok o Sadukayo epuonu meibatisae nejoki ninche, “Naishoi oo lasuriaa ai ng'ae otoroja intae elanya engoro nalotu? 8Entoiu ilng'anayio ooishiaakinore enkirridunoto. 9#Yhn 8.33 Nimijojo ti atua ate, ‘Kiaata iyiook Abraham aa papa lang’; amu ajoki intae, keidim Enkai aishoo Abraham nkera te kulo soito. 10#Mat 7.19 Neiteleikiaki taata entolu intana oo lkeek naa ore pooki shani lemeiu lng'anayio sidain, nedung'i aanang'aki enkima.
11“Aibatisa nanu intae te nkare pee eitodolu nchere irridutua ng'ok; kake ore olaasujita, naa kegol ninye, aalang nanu, maaishiaakino hoo nanu te nanapaki inamuka enyena, naa ninye oibatisa intae te Nkiyang'et Sinyati o te nkima. 12Neeta esilet enye te nkaina enye, naa keor asip olkurroto lenye oidong'ishoreki, nesotoki enkano enye empeche#3.12 empeche olkompe ewueji napiki endaa aashumie ore isuut nepej te nkima nemearayu.”
Eibatisaki Yesu
(Mk 1.9-11; Lk 3.21-22)
13Ore te siadi ina nelotu Yesu eing'uaa Galilaya enetii Yohana te Yordan meibatisae ninye. 14Neyieu Yohana neany eibatisa, nejoki, “Keishiaakino naa iyie likimbatisa nanu, pa nilotu iyie enatii?”
15Newaliki Yesu ajoki, “Tonyorrai taata iyie, amu te ina eishiakino nikintabaya naayieu Enkai pooki.” Nenyorraa Yohana.
16Ore pee eidipi aaibatisa Yesu, neilepu nabo kata aing'uaa enkare; ng'ura, nebolokino shumata nedol ninye Enkiyang'et Sinyati e Nkai edou anaa enturkulu, elotu shumata ninye; 17#Enk 22.2; Olke 2.7; Isa 42.1; Mat 12.18; 17.5; Mk 1.11; Lk 9.35 naa ng'ura, nepuku oltoilo te shumata nejo, “Enkerai ai ena nanyor, natishipe te ninye.”
Currently Selected:
Mat 3: SINYATI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2020
©Bible Society of Tanzania, 2020
