مَتِيُ 27
27
عِيسَىٰ أَغَبَنْ ڠُومْنَ بِلَتُسْ
﴿مَرْ 15.1؛ لُكْ 23.1-2؛ يَحـ 18.28-32﴾
1دَ غَرِ يَوَايٜىٰ، سَيْ دُكَنْ مَنْيَنْ ڢِرِسْتُواْثِے دَ شُوغَبَنِّنْ جَمَعَ سُكَيِ شَوَرَا سُكَشٜىٰ عِيسَىٰ؞ 2سَيْسُكَ طَوْرٜىٰ شِ، سُكَ تَڢِے دَشِ، سُكَ بَادَشِ غَ ڠُومْنَ بِلَتُسْ؞
مُتُوَرْ يَهُودَ
﴿أَيُّكَنْ 1.18-19﴾
3سَعَدَّ يَهُودَ وَنْدَ يَبَاشٜىٰشِ يَغَ أَنْيَنْكٜىٰوَ عِيسَىٰ حُكُنْثِنْ مُتُوَ، سَيْ يَيِ بَڧِنْ ثِكِ، يَدَاوُاْ وُرِنْ مَنْيَنْ ڢِرِسْتُواْثِے دَ شُوغَبَنِّ، يَمَيَرْ مُسُ دَ كُطِنْ أَظُرْڢَا تَلَاتِنْ طِنَّنْ؞ 4يَثٜىٰ «نَيِ ذُنُوبِ دَ نَبَادَ مَرَرْ لَيْڢِے عَكَشٜىٰشِ؞»
عَمَّا سُكَثٜىٰ «إِنَا ضُوَنْمُ؟ وَنَّنْ دَامُوَرْكَثٜىٰ؞»
5سَيْ يَظُبَرْدَ كُطِنْ أَظُرْڢَرْ نَنْ أَ هَيْكَلِ، يَڢِتَ، يَجٜىٰ يَرَاتَيٜىٰ كَنْسَ؞
6عَمَّا مَنْيَنْ ڢِرِسْتُواْثِے سُكَ ݣُوشِ كُطِنْ سُكَثٜىٰ «بَيْ كَمَاتَ أَ سَا كُطِنَّنْ أَوُرِنْ أَجِيَرْ كُطِنْ هَيْكَلِبَ، دُواْمِنْ كُطِنْ جِنِ نٜىٰ؞» 7سَيْ سُكَيِ شَوَرَا، سُكَ سَيِ وَنِ ڢِيلِ دَ كُطِنْ؞ أَنَ ثٜىٰ دَ ڢِيلِنْ، ڢِيلِنْ مَيْ غِنِنْ تُݣُونٜىٰ، دُوانْ وُرِنْ يَذَمَ وُرِنْ بِنّٜىٰ بَاڧِ إِنْ سُنْ مُتُ؞ 8دُواْمِنْ حَكَ هَرْوَيَوْ#27.8 هَرْوَيَوْ: أَنَ نُڢِ حَرْ ذُوَا لُواْكَثِنْ دَ عَكَ رُبُوتَ لِتَّڢِنْ مَتِيُ؞ أَنَثٜىٰ دَ ڢِيلِنْ، ڢِيلِنْ جِنِ؞#أَيُّكَنْ 1.18-19
9تَهَكَ عَكَ ثِكَ أَبِنْدَ أَنَّبِے إِرْمِيَ يَڢَطَا ثٜىٰوَ «عَكَ طَوْكِ كُطِنْ أَظُرْڢَا تَلَاتِنْ، كُطِنْ دَ مُتَنٜىٰنْ إِسْرَٰٓءِيلَ سُكَ يَرْدَ عَبِيَ عَكَنْسَ كٜىٰنَنْ؞#زَكْ 11.12-13 10سُكَ سَيِ ڢِيلِنْ مَيْ غِنِنْ تُݣُونٜىٰ دَسُو، يَدَّ عُبَنْغِجِ يَعُمَرْثٜىٰنِ؞»
بِلَتُسْ يَيِ وَ عِيسَىٰ تَمْبَيُواْيِ
﴿مَرْ 15.2-5؛ لُكْ 23.3-5؛ يَحـ 18.33-38﴾
11تُواْ، عِيسَىٰ يأَنَانً ڟَيٜىٰ أَغَبَنْ ڠُومْنَ كٜىٰنَنْ، سَيْ ڠُومْنَنْ يَتَمْبَيٜىٰشِ يَثٜىٰ «كَيْ نٜىٰ سَرْكِنْ يَهُودَاوَا؟» عِيسَىٰ يَثٜىٰ مَسَ،
«كَيْنٜىٰ كَڢَطِ حَكَ؞» 12عَمَّا دَ مَنْيَنْ ڢِرِسْتُواْثِے دَ شُوغَبَنِّ سُكَ ظَرْغٜىٰ شِ، بَيْثٜىٰ كُواْمٜىٰبَ؞
13سَيْ بِلَتُسْ يَثٜىٰ مَسَ «بَ كَجِ أَبُبُوَنَّنْ دَ سُكَ ظَرْغٜىٰكَ عَكَيْبَ؟»
14عَمَّا عِيسَىٰ بَيْ أَمْسَ مَسَ كُواْ تَمْبَيَ طَيَبَ، حَرْ ڠُومْنَ يَيِ مَامَاكِ سُواْسَيْ؞
أَنْ يَنْكٜىٰوَ عِيسَىٰ حُكُنْثِنْ مُتُوَ
﴿مَرْ 15.6-15؛ لُكْ 23.13-25؛ يَحـ 18.39—19.16﴾
15تُواْ، أَ لُواْكَثِنْ بِكٍ ڧٜىٰتَرٜىٰوَ كُوَ، ڠُومْنَ يَسَابَا سَكَرْ وَمُتَنٜىٰ مَيْ لَيْڢِے غُدَا طَيَ دَسُكٜىٰسُواْ؞ 16أَ لُواْكَثِنْ أَݣَويْ وَنِ سَنَنّٜىٰنْ طَنْ كُرْكُكُ مَيْ سُونَ بَرَبَّسْ؞ 17دَ يَهُودَاوَا سُكَ تَارُ سَيْ بِلَتُسْ يَثٜىٰ مُسُ «وَ كُكٜىٰسُواْ إِنْ سَكٜىٰمُكُ؟ بَرَبَّسْ كُواْ كُوَ عِيسَىٰ دَ عَكٜىٰ ثٜىٰ دَشِ أَلْمَسِيحُ؟» 18غَمَا بِلَتُسْ يَسَنِ سَبُواْدَ كِيشِنٜىٰ سُكَ بَادَ عِيسَىٰ؞
19دَ بِلَتُسْ يَذَوْنَ أَوُرِنْ شَرِيعَ، سَيْ مَاتَرْسَ تَ عَيْكُواْ عَثٜىٰمَسَ «كَڢِتَ شَعَنِنْ مَرَرْ لَيْڢِنَّنْ، دُواْمِنْ يَوْ نَشَا وَهَلَ سُواْسَيْ أَمَڢَرْكِ عَكَنْسَ؞»
20تُواْ، سَيْ مَنْيَنْ ڢِرِسْتُواْثِے سُكَ ذُغَ جَمَعَ سُثٜىٰ أَ سَكِ بَرَبَّسْ، عَكَشٜىٰ عِيسَىٰ؞ 21ڠُومْنَنْ كُوَ يَسَاكٜىٰ ثٜىٰ مُسُ «وَنٜىٰنٜىٰ عَثِكِنْ بِيُنَّنْ كُكٜىٰسُواْ إِنْ سَكٜىٰ مُكُ؟»
سَيْ سُكَثٜىٰ «بَرَبَّسْ؞»
22سَيْ بِلَتُسْ يَثٜىٰ مُسُ «تُواْ، مٜىٰ ذَنْيِ دَ عِيسَىٰ دَ عَكٜىٰ ثٜىٰ دَشِ أَلْمَسِيحُ؟» دُكْ سَيْ سُكَثٜىٰ «أَغِثِّيٜىٰشِ!»
23بِلَتُسْ يَثٜىٰ «سَبُواْدَمٜىٰ؟ وَنٜىٰ مُوغُنْ أَبُ نٜىٰ يَيِ؟» عَمَّا مُتَنٜىٰنْ سُنْ ڧَارَ تَادَ مُرْيَ سُنَ ثٜىٰوَ «أَغِثِّيٜىٰشِ!»
24دَ بِلَتُسْ يَغَ بَا أَبِنْدَ ذَيْ عِيَيِ، كُمَ مُتَنٜىٰنْ سُنَ شِرِنْ تَادَ حَنْكَلِ، سَيْ يَطٜىٰبِے ضُوَ يَوَنْكٜىٰ حَنُّوَنْسَ أَغَبَنْ مُتَنٜىٰ، يَثٜىٰ «نِے دَيْ، بَا ضُوَنَ دَ أَلْحَكِنْ جِنِنْ#27.24 أَلْحَكِنْ جِنِنْ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ «جِنِ مَيْ أَدَلْثِے» كُواْ كُوَ «جِنِنْ مُتُمِنَّنْ مَيْ أَدَلْثِے»؞ مَرَرْ لَيْڢِنَّنْ؞ وَنَّنْ ضُوَنْكُ نٜىٰ؞»#مَيْ شَـ 21.6-9
25سَيْ مُتَنٜىٰنْ دُكَ سُكَ أَمْسَ سُكَثٜىٰ «أَلْحَكِنْ جِنِنْسَ يَذَوْنَ أَوُيَنْمُ، مُو دَ یَیَنْمُ!»
26سَعَنً يَسَكٜىٰ مُسُ بَرَبَّسْ؞ بَايَنْ يَسَا عَكَيِ وَ عِيسَىٰ بُلَلَ، سَيْ يَبَادَشِ أَغِثِّيٜىٰشِ؞
سُواْجُواْجِ سُنْيِ وَ عِيسَىٰ بَعَ
﴿مَرْ 15.16-20؛ يَحـ 19.2-3﴾
27دَغَ نَنْ سُواْجُواْجِنْ ڠُومْنَ سُكَ كَيْ عِيسَىٰ ثِكِنْ ڢَادَرْ ڠُومْنَ، سُكَ تَارَ دُكَنْ ڧُنْغِيَرْ سُواْجُواْجِنْ عَكَنْسَ، 28سُكَ تُوٻٜىٰ مَسَ كَايَ، سُكَ يَاڢَ مَسَ وَتَ جَرْ رِغَا إِرِنْ تَسَرَاكُنَ؞ 29سُكَيِ وَتَ هُولَرْ مُلْكِ تَڧَيَ، سُكَسَا مَسَ عَكَيْ، سُكَسَا يَرِڧٜىٰ سَنْدَا أَ حَنُّنْسَ نَدَمَ، سَعَنً سُكَ دُرْڧُسَ أَغَبَنْسَ سُنَيِمَسَ بَعَ سُنَ ثٜىٰوَ «رَنْكَيَدَطٜىٰ، سَرْكِنْ يَهُودَاوَا!» 30سُكَ تُواْتُّواْڢَ مَسَ مِيَوْ، سُكَ كَرْٻِ سَنْدَنْ سُكَ بُبُّغٜىٰشِ دَ عِتَ عَكَيْ؞ 31دَ سُكَ غَمَيِ مَسَ بَعَ، سَيْ سُكَ ثِرٜىٰ مَسَ جَرْ رِغَرْ، سُكَسَا مَسَ رِيغُنَنْسَ، سُكَ تَڢِے دَشِ دُواْمِنْ سُغِثِّيٜىٰشِ؞
أَنْ غِثِّيٜىٰ عِيسَىٰ
﴿مَرْ 15.21-32؛ لُكْ 23.26-43؛ يَحـ 19.17-27﴾
32سُنَ تَڢِيَ كٜىٰنَنْ، سَيْ سُكَ غَمُ دَ وَنِ مُتُمِنْ سَيِرِنْ، مَيْ سُونَ سِيمَنْ، سُكَسَاشِ دُواْلٜىٰ يَطَوْكِ غِثِّيٜىٰنْ عِيسَىٰ؞ 33سُكَ كَيْ وُرِنْ دَ عَكٜىٰثٜىٰ دَشِ غُوالْغُواْتَ، وَتُواْ وُرِنْ ڧُواْڧُوانْ كَيْ؞ 34سُكَ بَاشِ ضُوً إِنَبِے حَطٜىٰ دَ وَنِ أَبُ مَيْ طَاثِ دُواْمِنْ يَشَا، عَمَّا دَ يَطَنْطَنَ سَيْ يَڧِشَا؞#زَبُو 69.21
35دَ سُكَ غِثِّيٜىٰشِ، سَيْ سُكَجٜىٰڢَ ڧُرِعَ سُكَ رَبَ رِيغُنَنْسَ؞#زَبُو 22.18 36بَايَنْ حَكَ سَيْ سُكَ ذَوْنَ أَنَنْ سُنَ غَادِنْسَ؞ 37دَيْدَيْ كَنْسَ عَكَ كَڢَ سَنَرْوَرْ لَيْڢِنْسَ ثٜىٰوَ «وَنَّنْ شِينٜىٰ عِيسَىٰ، سَرْكِنْ يَهُودَاوَا؞» 38عَكَ كُمَ غِثِّيٜىٰ وَطَنْسُ یَنْ ڢَشِ غُدَا بِيُ تَرٜىٰدَشِ، طَيَ أَدَمَنْسَ، طَيَ أَ هَغُنْسَ؞
39مُتَنٜىٰنْ دَسُكٜىٰ وُثٜىٰوَ سُكَ يِتَيِ مَسَ رٜىٰنِ سُنَ كَطَ كَيْ،#زَبُو 22.8؛ 109.25 40سُنَ ثٜىٰوَ «كَيْ دَ كَاثٜىٰ ذَاكَ رُشٜىٰ هَيْكَلِ، كَكُمَ غِنَا شِ ثِكِنْ ݣُونَ عُكُ، كَثٜىٰثِ كَنْكَ مَنَ! عِدَنْ كَيْ طَنْ اللَّهْ نٜىٰ، كَسَوْكُواْ دَغَ غِثِّيٜىٰنْ مَنَ!»#مَتْ 26.61؛ يَحـ 2.19
41حَكَكُمَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى دَ شُوغَبَنِّ سُكَ دِنْغَيِ مَسَ بَعَ، سُنَ ثٜىٰوَ 42«يَاثٜىٰثِ وَطَنْسُ، يَكَاسَ ثٜىٰتُوانْ كَنْسَ؞ عِدَنْ شِے سَرْكِنْ إِسْرَٰٓءِيلَ نٜىٰ، بَرِ يَسَوْكُواْ دَغَ غِثِّيٜىٰنْ مَنَ، سَعَنً ذَامُ غَسْكَتَشِ؞ 43يَدُواْغَرَ غَ اللَّهْ؞ بَرِ اللَّهْ يَثٜىٰثٜىٰشِ يَنْذُ، عِدَنْ يَنَسُواْ، غَمَا يَاثٜىٰ وَيْ شِے طَنْ اللَّهْ نٜىٰ؞»#زَبُو 22.9
44حَكَ مَا یَنْ ڢَشِنْ دَ عَكَ غِثِّيٜىٰسُ تَرٜىٰ، سُو مَا سُكَيِ مَسَ بَڧَرْ مَغَنَ؞
مُتُوَرْ عِيسَىٰ
﴿مَرْ 15.33-41؛ لُكْ 23.44-49؛ يَحـ 19.28-30﴾
45تُنْدَغَ ڟَكَرْ رَانَ، دُهُ يَرُڢٜىٰ ڧَسَرْ دُكَ، حَرْ ذُوَا وَجٜىٰنْ ڧَرْڢٜىٰ عُكُ نَيَمَّ؞ 46وَجٜىٰنْ ڧَرْڢٜىٰ عُكُ كُمَ عِيسَىٰ يَطَغَ مُرْيَ دَ ڧَرْڢِے يَثٜىٰ «عٜىٰلُواْإِ، عٜىٰلُواْإِ، لَمَ سَبَكْتَنِ؟» وَتُواْ «يَا اللَّهْ نَا، يَا اللَّهْ نَا، دُوانْمٜىٰ كَيَاشٜىٰنِ؟»#زَبُو 22.1
47سَعَدَّ وَطَنْسُ دَسُكٜىٰ ڟَيٜىٰ أَوُرِنْ سُكَجِ حَكَ، سَيْ سُكَثٜىٰ «مُتُمِنَّنْ يَنَ كِرَنْ إِلْيَاسُ نٜىٰ؞» 48سَيْ نَنْ دَنَنْ وَنِ يَيِ غُدُ، يَجٜىٰ يَطَوْكِ سُواْسُواْ، يَجِڧَشِ عَثِكِنْ ضُوً ڟَامِ دَغَ یَیَنْ إِنَبِے، يَسُواْكَ أَ سَنْدَا، يَمِيڧَ مَسَ يَشَا؞#زَبُو 69.21
49عَمَّا سَوْرَنْ سُكَثٜىٰ «كُبَرِ مُغَنِ، كُواْ إِلْيَاسُ ذَيْذُواْ يَثٜىٰثٜىٰشِ؞»
50سَيْ عِيسَىٰ يَسَاكٜىٰ طَغَ مُرْيَ دَ ڧَرْڢِے، سَعَنً يَسَكِ رَنْسَ؞
51سَيْ لَبُلٜىٰنْ دَيَكٜىٰ ثِكِنْ هَيْكَلِ#27.51 لَبُلٜىٰنْ دَيَكٜىٰ ثِكِنْ هَيْكَلِ: وَتُواْ، يَدِنْ دَ عَكَ رُڢٜىٰ ڧُواْڢَرْ وُرِے مَڢِے ڟَرْكِے عَثِكِنْ هَيْكَلِ؞ يَيَاغٜىٰ كَشِ بِيُ دَغَ سَمَ ذُوَا ڧَسَا؞ عَكَيِ ضَوَرْ ڧَسَا، دُوَڟُو سُكَ ڢَرْڢَشٜىٰ؞#ڢِتْ 26.31-33 52عَكَ بُبُّوطٜىٰ كَبُرْبُرَ، ڟَرْكَكَا دَيَوَ دَ سُكَ مُتُ سُكَتَاشِ دَ رَيْ 53سُكَ ڢِڢِّتُواْ دَغَ كَبُرْبُرَنْسُ؞ بَايَنْ عِيسَىٰ يَتَاشِ دَغَ مَتَتُّو، سَيْ سُكَ شِغَ بِرْنِ مَيْ ڟَرْكِے، مُتَنٜىٰ دَيَوَ سُكَ غَنْسُ؞
54أَ لُواْكَثِنْ دَ بَبَّنْ سُواْجَنْ رُواْمَ دَ سَوْرَنْ وَطَنْدَ سُكٜىٰ غَادِنْ عِيسَىٰ سُكَغَ ضَوَرْ ڧَسَا دَ كُمَ دُكْ أَبِنْدَ يَڢَرُ، سَيْ سُكَجِڟُواْرُواْ سُواْسَيْ، سُكَثٜىٰ «لَلَّيْ، وَنَّنْ طَنْ اللَّهْ نٜىٰ!»
55أَݣَويْ كُمَ وَطَنْسُ مَاتَادَيَوَ دَ سُكَبِے عِيسَىٰ تُنْدَغَ غَلِيلِ سُنَيِ مَسَ حِدِمَ؞ سُكَ ڟَيَ دَغَ نٜىٰسَ سُنَ كَلُّوانْ أَبِنْدَ يَكٜىٰ ڢَرُوَ؞ 56ثِكِنْسُ أَݣَويْ مَرْيَمُ دَغَ مَغَدَلَ دَ مَرْيَمُ مَامَرْ يَعْڧُوبَ دَ يُوسُڢَ دَ كُمَ مَامَرْ یَیَنْ ظَبَدِ؞#لُكْ 8.2-3
بِنّٜىٰوَرْ عِيسَىٰ
﴿مَرْ 15.42-47؛ لُكْ 23.50-56؛ يَحـ 19.38-42﴾
57دَ يَمَّ تَيِ، سَيْ وَنِ مَيْ أَرْزِڧِ، مُتُمِنْ أَرِمَتِيَ، مَيْ سُونَ يُوسُڢَ يَذُواْ، شِے مَا أَلْمَجِرِنْ عِيسَىٰ نٜىٰ؞ 58يَجٜىٰ وُرِنْ بِلَتُسْ يَضُواْڧَا عَبَاشِ غَاوَرْ عِيسَىٰ؞ بِلَتُسْ كُوَ يَبَادَ عُمَرْنِ عَبَاشِ؞ 59سَيْ يُوسُڢَ يَطَوْكِ غَاوَرْ عِيسَىٰ يَنَطٜىٰ أَ ذَنٜىٰنْ لِيلِنْ مَيْ ڟَبْتَ؞ 60يَسَاشِ عَثِكِنْ سَابُوانْ كَبَرِ نَاسَ، وَنْدَ يَحَڧَ أَجِكِنْ دُوڟٜىٰ؞ سَيْ يَتُورَ بَبَّنْ دُوڟٜىٰ عَبَڧِنْ كَبَرِنْ، يَتَڢِے؞ 61مَرْيَمُ دَغَ مَغَدَلَ دَ طَيَ مَرْيَمُنْ سُنَانَنْ ظَوْنٜىٰ أَغَبَنْ كَبَرِنْ؞
مَاسُ غَادِنْ كَبَرِنْ
62وَشٜىٰغَرِ، وَتُواْ بَايَنْ رَانَرْ شِرِ،#27.62 رَانَرْ شِرِ: دُوبِے مَعَنَرْ وَطَنْسُ كَلْمُواْمِ؞ سَيْ مَنْيَنْ ڢِرِسْتُواْثِے دَ ڢَرِسِيَاوَا سُكَ تَارُ أَغَبَنْ بِلَتُسْ، 63سُكَثٜىٰ «رَنْكَيَدَطٜىٰ! مُنْ تُنَ دَ أَبِنْدَ مَيْ رُوطِنْ مُتَنٜىٰنَّنْ يَثٜىٰ تُنْيَنَدَ رَيْ، وَيْ بَايَنْ ݣُونَ عُكُ ذَيْتَاشِ دَغَ مَتَتُّو؞#مَتْ 16.21؛ 17.23؛ 20.19؛ مَرْ 8.31؛ 9.31؛ 10.33-34؛ لُكْ 9.22؛ 18.31-33 64سَبُواْدَ حَكَ كَسَا عَيِ غَادِنْ كَبَرِنَّنْ سُواْسَيْ حَرْ ذُوَا رَانَ تَ عُكُ، دُواْمِنْ كَدَ أَلْمَجِرَنْسَ سُتَڢِے سُسَاثِ غَاوَرْسَ، سَعَنً سُثٜىٰ وَمُتَنٜىٰ يَتَاشِ دَغَ مَتَتُّو؞ رُوطِنْ ڧَرْشٜىٰ ڢَا ذَيْڢِ نَڢَرْكُوانْ مُونِ؞»
65بِلَتُسْ يَثٜىٰ مُسُ «كُطٜىٰبِے سُواْجُواْجِ، كُجٜىٰ كُيِ غَادِنْسَ دُكْ يَدَّ ذَاكُ عِيَ؞»
66سَيْ سُكَجٜىٰ سُكَ ڟَرٜىٰ كَبَرِنْ، سُكَ بُغَ هَاتِمِنْ سَرْكِے أَدُوڟٜىٰنْ كَبَرِنْ، سُكَ كُمَسَا سُواْجُواْجِ سُيِ غَادِنْ وُرِنْ؞
Currently Selected:
مَتِيُ 27: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
