مَتِيُ 26

شُوغَبَنِّ سُنْيِ شَوَرَا سُكَشٜىٰ عِيسَىٰ

﴿مَرْ 14‏.1‏-2؛ لُكْ 22‏.1‏-2؛ يَحـ 11‏.45‏-53﴾

1دَ عِيسَىٰ يَغَمَ ڢَطِنْ وَطَنَّنْ أَبُبُوَ دُكَ، سَيْيَثٜىٰ وَ أَلْمَجِرَنْسَ، 2‏«‏كُنْ سَنْ بِكٍ ڧٜىٰتَرٜىٰوَ يَضَغٜىٰ سَوْرَنْ ݣُونَ بِيُ، ذَاعَ كُمَ بَادَ طَنْ مُتُمْ أَغِثِّيٜىٰشِ؞»‏#ڢِتْ 12‏.1‏-27

3سَيْ مَنْيَنْ ڢِرِسْتُواْثِے دَ شُوغَبَنِّنْ مُتَنٜىٰ سُكَ تَارُ أَغِدَنْ بَبَّنْ ڢِرِسْتِ، مَيْ سُونَ كَيَڢَ؞ 4سُكَيِ شَوَرَا سُكَامَشِ عَٻُواْيٜىٰ سُكَشٜىٰشِ؞ 5عَمَّا سُكَثٜىٰ ‏«‏بَ دَيْ أَ لُواْكَثِنْ بِكِنْبَ، دُواْمِنْ كَدَ مُتَنٜىٰ سُتَادَ ضِكِثِ؞»‏

أَنْ شَڢَاوَا عِيسَىٰ مَنْ ڧَنْشِ أَ بٜىٰتَنِ

﴿مَرْ 14‏.3‏-9؛ لُكْ 7‏.37‏-38؛ يَحـ 12‏.1‏-8﴾

6تُواْ دَ عِيسَىٰ يَنَ بٜىٰتَنِ أَغِدَنْ سِيمَنْ، وَنْدَ دَا مَيْ ثُوتَرْ ڢَتَرْ جِكِے نٜىٰ، 7سَيْ وَتَ مَثٜىٰ تَذُواْ وُرِنْ عِيسَىٰ دَ یَرْ ݣُولَبَرْ دَ عَكَيِ دَ دُوڟٜىٰنْ عُواْنِسْ ثِكٜىٰ دَ مَنْ ڧَنْشِ مَيْ ڟَادَ سُواْسَيْ؞ أَ لُواْكَثِنْ دَيَكٜىٰ ثِنْ عَبِنْثِ، سَيْ تَظُبَ مَسَ مَنْ عَكَيْ؞#لُكْ 7‏.37‏-38 8عَمَّا دَ أَلْمَجِرَنْ سُكَغَ حَكَ، سَيْ سُكَجِ هَوْشِ سُكَثٜىٰ وَجُونَنْسُ ‏«‏أَيْ، وَنَّنْ ٻَرْنَثٜىٰ؞ 9غَمَا دَ أَنْسَيَرْ دَ مَنَّنْ دَ أَنْسَامِ كُطِ مَيْ يَوَ أَنْبَا تَلَكَاوَا؞»‏

10عَمَّا تُنْدَيَكٜىٰ عِيسَىٰ يَسَنْ أَبِنْدَ سُكٜىٰ ڢَطَا سَيْيَثٜىٰ مُسُ ‏«‏دُوانْمٜىٰ كُكٜىٰ دَامُنْ مَثٜىٰنَّنْ؟ أَيْ، أَبُ مَيْݣَوْ نٜىٰ تَيِمِنِ؞ 11مَاسُ بُڧَاتَ سُنَ تَرٜىٰدَكُو كُلُّمْ، عَمَّا بَ كُلُّمْ نٜىٰ نَكٜىٰ تَرٜىٰدَكُوبَ؞#مَيْ شَـ 15‏.11 12ظُبَ مِنِ مَنَّنْ دَ تَيِ كُوَ تَنَ شِرْيَ نِنٜىٰ دُواْمِنْ بِنّٜىٰوَ؞ 13حَڧِيڧَ إِنَ غَيَ مُكُ، دُكْ عِنْدَ ذَاعَيِ شٜىٰلَرْ لَابَرِ مَيْ دَاطِنَّنْ، عَدُونِيَا دُكَ، ذَاعَ دِنْ‌غَ ڢَطِنْ أَبِنْدَ مَثٜىٰنَّنْ تَيِ دُوانْ تُنَاوَا دَ عِتَ؞»‏

يَهُودَ يَايَرْدَ يَبَادَ عِيسَىٰ

﴿مَرْ 14‏.10‏-11؛ لُكْ 22‏.3‏-6﴾

14سَيْ طَيَ دَغَ ثِكِنْ شَا بِيُنْ، مَيْ سُونَ يَهُودَ إِسْكَرِيُواْتِ، يَجٜىٰ وُرِنْ مَنْيَنْ ڢِرِسْتُواْثِے، 15يَثٜىٰ ‏«‏مٜىٰ ذَاكُ بَا نِے، عِدَنْ نَبَاكُ شِ؟»‏ سُكَ بَاشِ كُطِنْ أَظُرْڢَا تَلَاتِنْ؞#زَكْ 11‏.12 16تُنْدَغَ لُواْكَثِنَّنْ يَڢَارَ نٜىٰمَنْ حَنْيَرْ دَ ذَيْبَادَ عِيسَىٰ؞

عِيسَىٰ يَثِ عَبِنْثِنْ بِكٍ ڧٜىٰتَرٜىٰوَ تَرٜىٰدَ أَلْمَجِرَنْسَ

﴿مَرْ 14‏.12‏-21؛ لُكْ 22‏.7‏-13‏،21‏-23؛ يَحـ 13‏.21‏-30﴾

17تُواْ، أَ رَانَرْ ڢَرْكُواْ تَبِكٍ غُرَاسَرْ مَرَرْ يِسْتِ، سَيْ أَلْمَجِرَنْ سُكَذُواْ وُرِنْ عِيسَىٰ سُكَثٜىٰ مَسَ ‏«‏إِنَا كَكٜىٰسُواْ مُشِرْيَ مَكَ كَثِ بِكٍ ڧٜىٰتَرٜىٰوَ؟»‏#26‏.17 بِكٍ ڧٜىٰتَرٜىٰوَ: دُوبِے مَعَنَرْ وَطَنْسُ كَلْمُواْمِ؞

18يَثٜىٰ ‏«‏كُجٜىٰ ثِكِنْ غَرِ وُرِنْ وَنِ مُتُمْ، كُثٜىٰ مَسَ، ‏‹‏مَلَمْ يَا ثٜىٰ، لُواْكَثِنْسَ يَيِ كُسَ، ذَيْثِ بِكٍ ڧٜىٰتَرٜىٰوَ أَغِدَنْكَ تَرٜىٰدَ أَلْمَجِرَنْسَ؞›‏ »‏

19أَلْمَجِرَنْ كُوَ سُكَيِ يَدَّ عِيسَىٰ يَثٜىٰ سُيِ، سُكَ كُمَ شِرْيَ عَبِنْثِنْ بِكٍ ڧٜىٰتَرٜىٰوَ؞

20دَ يَمَّ تَيِ، سَيْ يَذَوْنَ دُواْمِنْ يَثِ عَبِنْثِ تَرٜىٰدَ أَلْمَجِرَنْسَ شَا بِيُ؞ 21سُنَ ثِكِنْ ثِنْ عَبِنْثِنْ كٜىٰنَنْ سَيْ عِيسَىٰ يَثٜىٰ مُسُ ‏«‏حَڧِيڧَ إِنَ غَيَ مُكُ، طَيَ دَغَ ثِكِنْكُ ذَيْ بَاشٜىٰنِ؞»‏

22سَيْ سُكَ دَامُ سُواْسَيْ، سُكَ ڢَارَ تَمْبَيَرْسَ دَ طَيَ طَيَ سُنَ ثٜىٰوَ ‏«‏أَنْيَ، نِنٜىٰ، عُبَنْ‌غِجِ؟»‏

23سَيْ يَأَمْسَ يَثٜىٰ ‏«‏وَنْدَ يَكٜىٰ ثِنْ عَبِنْثِ عَݣُونُواْ طَيَ تَرٜىٰدَنِ، شِينٜىٰ ذَيْبَادَنِ؞#زَبُو 41‏.9 24طَنْ مُتُمْ ذَيْ مُتُ كَمَرْ يَدَّ عَكَ رُبُوتَ عَثِكِنْ مَغَنَرْ اللَّهْ غَمٜىٰدَشِ؞ عَمَّا كَيْتُوانْ وَنْدَ ذَيْبَادَ طَنْ مُتُمْ!‏ ذَيْڢِيٜىٰ وَمُتُمِنَّنْ دَمَا بَعَ حَيْڢٜىٰشِيبَ؞»‏

25سَيْ يَهُودَ وَنْدَ يَبَاشٜىٰشِ يَثٜىٰ ‏«‏مَلَمْ، كُواْ نِنٜىٰ؟»‏

عِيسَىٰ يَثٜىٰ مَسَ ‏«‏كَيْ مَا كَاڢَطَا؞»‏

جِيبِنْ عُبَنْ‌غِجِ

﴿مَرْ 14‏.22‏-26؛ لُكْ 22‏.14‏-20؛ 1 كُوارْ 11‏.23‏-25﴾

26سُنَ ثِكِنْ ثِنْ عَبِنْثِ، سَيْ عِيسَىٰ يَطَوْكِ غُرَاسَرْ، يَيِ غُواْدِيَ غَ اللَّهْ، يَكَكَّرْيَ غُرَاسَرْ يَبَا أَلْمَجِرَنْسَ يَثٜىٰ ‏«‏كُكَرْٻَ كُثِ، وَنَّنْ جِكِينَ نٜىٰ؞»‏

27سَيْ يَطَوْكِ ݣُوڢْ نَضُوً إِنَبِے؞ بَايَنْدَ يَيِ غُواْدِيَ غَ اللَّهْ، سَيْ يَبَاسُ يَثٜىٰ ‏«‏دُكَنْكُ كُشَا؞ 28غَمَا وَنَّنْ جِنِنَ نٜىٰ نَثِكَرْ يَرْجٜىٰجٜىٰنِيَرْ، وَنْدَ ذَاعَ ظُبَرْ سَبُواْدَ مُتَنٜىٰ دَيَوَ، دُواْمِنْ غَاڢَرَرْ ذُنُبَنْسُ؞#ڢِتْ 24‏.8؛ إِرْمِ 31‏.31‏-34 29إِنَ غَيَ مُكُ، بَذَنْ ڧَارَ شَنْ ضُوً إِنَبِنَّنْبَ، سَيْدَيْ أَ رَانَرْ نَنْ دَ ذَنْشَا وَنِ سَابُواْ تَرٜىٰدَكُو أَمُلْكٍ عُبَانَ؞»‏

30دَ عِيسَىٰ دَ أَلْمَجِرَنْسَ سُكَ رٜىٰرَ وَاڧَا، سَيْ سُكَ ڢِتَ، سُكَ تَڢِے تُدُنْ عِتَتُوَنْ ظَيْتُنْ؞

بِتْرُسْ ذَيْ يِ مُسُونْ سَنِنْ عِيسَىٰ

﴿مَرْ 14‏.27‏-31؛ لُكْ 22‏.31‏-34؛ يَحـ 13‏.36‏-38﴾

31سَيْ عِيسَىٰ يَثٜىٰ مُسُ ‏«‏دُكَنْكُ ذَاكُ غُدُ كُبَرْنِ أَدَرٜىٰنَّنْ، دُوانْ أَبِنْدَ ذَيْ ڢَرُ دَنِے، غَمَا أَرُبُوثٜىٰ يَكٜىٰ ثٜىٰوَ

‏«‏ ‏‹‏ذَنْ بُغِ مَكِيَايِنْ،

تُمَكِنْ غَرْكٜىٰنْ كُمَ ذَاسُ وَڟٜىٰ؞›‏ »‏#زَكْ 13‏.7

32‏«‏عَمَّا ڢَا بَايَنْ أَنْتَاشٜىٰنِ دَغَ مَتَتُّو، ذَنْ رِغَاكُ ذُوَا غَلِيلِ؞»‏#مَتْ 28‏.16

33سَيْ بِتْرُسْ يَثٜىٰ مَسَ ‏«‏كُواْ دُكَنْسُ سُنْ غُدُ دُواْمِنْ أَبِنْدَ ذَيْ ڢَرُ دَكَيْ، نِے بَذَنْ غُدُبَ سَمْ؞»‏

34سَيْ عِيسَىٰ يَثٜىٰ مَسَ ‏«‏غَسْكِيَ إِنَ غَيَ مَكَ، أَدَرٜىٰنَّنْ، كَاڢِنْ ظَكَرَ يَيِ ثَارَ، ذَاكَيِ مُسُونْ سَنِنَ حَرْ سَوْ عُكُ؞»‏

35بِتْرُسْ يَثٜىٰ مَسَ ‏«‏كُواْ ذَاعَ كَشٜىٰنِ، بَذَنْيِ مُسُونْ سَنِنْكَبَ؞»‏

حَكَ مَا دُكَنْ أَلْمَجِرَنْ سُكَثٜىٰ؞

عِيسَىٰ يَيِ أَدُّعَ أَ غٜىٰڟٜىٰمَنِ

﴿مَرْ 14‏.32‏-42؛ لُكْ 22‏.39‏-46﴾

36سَعَنً عِيسَىٰ دَ أَلْمَجِرَنْسَ سُكَجٜىٰ وَنِ وُرِنْ دَ عَكٜىٰ ثٜىٰ دَشِ غٜىٰڟٜىٰمَنِ، وَتُواْ، وُرِنْ مَاڟَ یَیَنْ ظَيْتُنْ؞ يَثٜىٰ وَ أَلْمَجِرَنْ ‏«‏كُذَوْنَ أَنَنْ، ذَنْجٜىٰ ثَنْ إِنْيِ أَدُّعَ؞»‏ 37سَيْ يَتَڢِے دَ بِتْرُسْ دَ یَیَنَّنْ نَ ظَبَدِ غُدَا بِيُ وَتُواْ، يَعْڧُوبَ دَ يَحْيَى، سَيْ يَڢَارَ بَڧِنْ ثِكِ دَ دَامُوَ سُواْسَيْ، 38يَكُمَ ثٜىٰمُسُ ‏«‏بَڧِنْ ثِكِنْ دَيَكٜىٰ أَ رَيْنَ ذَيْ عِيَ كَشٜىٰنِ؞ كُذَوْنَ أَنَنْ، كُيِ ڟَرُواْ تَرٜىٰدَنِ؞»‏

39دَ يَجٜىٰ غَبَ كَطَنْ سَيْ يَڢَاطِ دَ ڢُسْكَرْسَ عَڧَسَا يَيِ أَدُّعَ يَثٜىٰ ‏«‏عُبَانَ، عِدَنْ ذَيْ يِوُ، كَطَوْكٜىٰ مِنِ ݣُوڢْ نَوَهَلَرْ نَنْ؞ دُكْدَهَكَ دَيْ، بَ أَبِنْدَ نَكٜىٰسُواْ ذَاعَيِبَ، سَيْدَيْ أَبِنْدَ كَكٜىٰسُواْ؞»‏

40يَدَاوُاْ وُرِنْ أَلْمَجِرَنْ يَسَامٜىٰسُ سُنَ بَرْثِ، سَيْيَثٜىٰ وَ بِتْرُسْ ‏«‏أَشٜىٰ، بَذَاكُ عِيَيِنْ ڟَرُواْ تَرٜىٰدَنِيبَ كُواْ نَ أَوَ غُدَا؟ 41كُيِ ڟَرُواْ، كُكُمَيِ أَدُّعَ دُواْمِنْ كَدَ كُڢَاطَ ثِكِنْ جَرَّبَ؞ لَلَّيْ رُوحُ يَيَرْدَ، عَمَّا جِكِنْ بَا ڧَرْڢِے؞»‏

42سَيْ يَسَاكٜىٰ كُواْمَاوَا سَوْ نَبِيُ، يَجٜىٰ يَيِ أَدُّعَ يَثٜىٰ ‏«‏عُبَانَ، عِدَنْ وَنَّنْ وَهَلَرْ بَذَاتَ وُثٜىٰبَ سَيْنَا شَاتَ، بَرِ أَعَيْكَتَ نُڢِنْكَ؞»‏ 43يَسَاكٜىٰ دَاوُاْوَ يَسَامٜىٰسُ سُنَ بَرْثِ، دُوانْ عِدَنُونْسُ سُنْثِكَ دَ بَرْثِ؞

44سَيْ يَسَاكٜىٰ بَرِنْسُ، يَجٜىٰ يَيِ أَدُّعَ سَوْ نَعُكُ، يَسَاكٜىٰ ڢَطَا مَغَنَرْ دَ يَيِ أَدَا؞ 45سَيْ يَدَاوُاْ وُرِنْ أَلْمَجِرَنْ يَثٜىٰ مُسُ ‏«‏حَرْ يَنْذُ بَرْثِ كُكٜىٰيِ كُنَ هُوتَوَا؟ تُواْ، غَاشِ لُواْكَثِ يَيِ دَ ذَاعَ بَادَ طَنْ مُتُمْ أَ حَنُّنْ مَاسُ ذُنُوبِ؞ 46كُتَاشِ مُتَڢِے؞ غَا مَيْ بَاشٜىٰنِ نَنْ، يَا إِسُواْ؞»‏

أَنْ كَامَ عِيسَىٰ

﴿مَرْ 14‏.43‏-50؛ لُكْ 22‏.47‏-53؛ يَحـ 18‏.3‏-12﴾

47كَاڢِنْ يَرُڢٜىٰ بَاكِ سَيْغَا يَهُودَ طَيَ دَغَ ثِكِنْ شَا بِيُنَّنْ، تَرٜىٰدَ تَارُوانْ مُتَنٜىٰ دَيَوَ، سُنَ رِڧٜىٰ دَ تَكُبَ دَ سَنْدُنَ؞ مَنْيَنْ ڢِرِسْتُواْثِے دَ شُوغَبَنِّ نٜىٰ سُكَ عَيْكُواْسُ؞ 48تُواْ، دَا مَا شِے مَيْ بَاشٜىٰشِ طِنْ يَارِغَا يَبَاسُ عَلَمَ ثٜىٰوَ ‏«‏وَنْدَ ذَنْ سُمْبَثٜىٰشِ، شِينٜىٰ مُتُمِنْ؞ كُكَامَشِ؞»‏

49دَ ذُوَانْسَ سَيْ يَمِيڧٜىٰ ذُوَا وُرِنْ عِيسَىٰ يَثٜىٰ مَسَ ‏«‏سَلَّمَ دَيْ، مَلَمْ!‏»‏ سَيْ يَهُودَ يَسُمْبَثٜىٰ شِ؞

50 عِيسَىٰ يَثٜىٰ مَسَ ‏«‏أَبُواْكِينَ، يِ أَبِنْدَ يَكَٰوُاْكَ؞»‏

سَيْ مُتَنٜىٰنْ سُكَذُواْ سُكَ كَامَ عِيسَىٰ سُكَ رِڧٜىٰشِ؞ 51دَ غَنِنْ حَكَ سَيْ طَيَ دَغَ ثِكِنْ وَطَنْدَ سُكٜىٰ تَرٜىٰدَ عِيسَىٰ، يَظَارٜىٰ تَكُواْبِنْسَ، يَسَارِ بَاوَنْ بَبَّنْ ڢِرِسْتِ، يَيَنْكٜىٰ كُنّٜىٰنْسَ؞ 52سَيْ عِيسَىٰ يَثٜىٰ مَسَ ‏«‏مَيْ دَ تَكُواْبِنْكَ، غَمَا دُكْ وَنْدَ يَطَوْكِ تَكُواْبِے، تَكُواْبِے نٜىٰ ذَيْ كَشٜىٰشِ؞ 53كُنَ ڟَمَّنِ بَانِ دَ إِيكُواْ إِنْ نٜىٰمِ تَيْمَكُواْ دَغَ وُرِنْ عُبَانَ، كُمَ نَنْ دَنَنْ يَعَيْكُواْ مِنِ دَ مَلاَىِٕكُ ڢِيٜىٰدَ ڧُنْ‌غِيَرْ سُواْجُواْجِ غُواْمَشَا بِيُ؟ 54تُواْ، تَيَيَا كٜىٰنَنْ ذَاعَ ثِكَ أَبِنْدَ رُبُوتَثِّيَرْ مَغَنَرْ اللَّهْ تَڢَطَا ثٜىٰوَ لَلَّيْ وَنَّنْ أَبُ يَڢَرُ؟»‏

55أَ لُواْكَثِنَّنْ عِيسَىٰ يَثٜىٰ وَمُتَنٜىٰنْ ‏«‏كُنْڢِتُواْ نٜىٰ دَ تَكُبَ دَ سَنْدُنَ كُكَامَنِ سَيْ كَثٜىٰ طَنْ ڢَشِ؟ كُواْوَثٜىٰ رَانَ إِنَ ذَمَ أَ هَيْكَلِ إِنَ يِنْ كُواْيَرْوَا بَكُ كَمَنِبَ؞#لُكْ 19‏.47؛ 21‏.37 56عَمَّا دُكْ وَنَّنْ يَڢَرُ نٜىٰ دُواْمِنْ عَثِكَ أَبِنْدَ أَنَّبَاوَا سُكَ رُبُوتَ عَثِكِنْ رُبُوتَثِّيَرْ مَغَنَرْ اللَّهْ؞»‏

دَجِنْ حَكَ دُكَنْ أَلْمَجِرَنْسَ سُكَبَرْ شِ، سُكَ غُدُ؞

عِيسَىٰ أَغَبَنْ یَنْ مَجَلِسَ

﴿مَرْ 14‏.53‏-65؛ لُكْ 22‏.54‏-55‏،63‏-71؛ يَحـ 18‏.13‏-14‏،19‏-24﴾

57سَيْ وَطَنْدَ سُكَ كَامَ عِيسَىٰ سُكَ كَيْ شِ وُرِنْ كَيَڢَ، بَبَّنْ ڢِرِسْتِ، عِنْدَ مَلَمً كُواْيَرْوَرْ مُوسَٰى دَ شُوغَبَنِّ سُنْ رِغَا سُنْ حَطُ؞ 58عَمَّا بِتْرُسْ يَبِيسُ دَغَ نٜىٰسَ نٜىٰسَ، حَرْ ذُوَا ڢِيلِنْ غِدَنْ بَبَّنْ ڢِرِسْتِ؞ يَشِغَ يَذَوْنَ دَ مَاسُ غَادِ دُواْمِنْ يَغَ يَدَّ ذَاعَ غَمَ؞ 59تُواْ، مَنْيَنْ ڢِرِسْتُواْثِے دَ یَنْ مَجَلِسَ، دُكْ سُكَ نٜىٰمِ شَيْدَرْ ڧَضْيَا دَ ذَاعَيِ وَ عِيسَىٰ دُواْمِنْ سُسَامِ دَامَ سُكَشٜىٰشِ؞ 60عَمَّا بَسُ سَامُبَ، كُواْدَيَكٜىٰ وَطَنْسُ دَيَوَ سُنْ بَادَ شَيْدَرْ ڧَضْيَا؞ دَغَ ڧَرْشٜىٰ وَطَنْسُ مُتُمْ بِيُ سُكَ ڢِتُواْ 61سُكَثٜىٰ ‏«‏وَنَّنْ مُتُمْ يَثٜىٰ وَيْ ذَيْ عِيَرُشٜىٰ هَيْكَلِنْ اللَّهْ، يَكُمَ سَاكٜىٰ غِنَاشِ ثِكِنْ ݣُونَ عُكُ؞»‏#يَحـ 2‏.19

62سَيْ بَبَّنْ ڢِرِسْتِ يَتَاشِ يَثٜىٰ ‏«‏بَاكَ دَ وَتَ أَمْسَ؟ شَيْدَرْ دَسُكٜىٰ بَايَرْوَ عَكَنْكَ ڢَا؟»‏ 63عَمَّا عِيسَىٰ يَيِ شِضُ؞ سَيْ بَبَّنْ ڢِرِسْتِ يَثٜىٰ مَسَ ‏«‏نَهَطَكَ دَ اللَّهْ مَيْ رَيْ، كَغَيَ مَنَ كُواْ كَيْنٜىٰ أَلْمَسِيحُ، طَنْ اللَّهْ؞»‏

64 عِيسَىٰ يَثٜىٰ مَسَ ‏«‏يَدَّ كَڢَطَا؞ عَمَّا إِنَ غَيَ مُكُ دَغَ يَنْذُ ذَاكُغَ طَنْ مُتُمْ ظَوْنٜىٰ أَ حَنُّنْ دَامَنْ مَيْ إِيكُواْ، يَنَ كُمَ ذُوَا ثِكِنْ غِرْغِجٜىٰ نَسَرَرِنْ سَمَ؞»‏#دَانْ 7‏.13

65سَيْ بَبَّنْ ڢِرِسْتِ يَيَاغٜىٰ رِيغُنَنْسَ سَبُواْدَ ٻَثِنْ رَيْ يَثٜىٰ ‏«‏يَيِ وَ اللَّهْ صَاٻُواْ!‏ وَثٜىٰ شَيْدَثٜىٰ كُمَ مُكٜىٰ نٜىٰمَ؟ كُنْجِ يَيِ وَ اللَّهْ صَاٻُواْ؞#لِـ ڢِرْ 24‏.16 66مٜىٰكُكَ غَنِ؟»‏

سُكَ أَمْسَ سُكَثٜىٰ ‏«‏يَ إِسَ عَكَشٜىٰشِ!‏»‏#لِـ ڢِرْ 24‏.16

67سَيْ سُكَ تُواْتُّواْڢَ مَسَ مِيَوْ أَ ڢُسْكَ، سُكَ دُدُّكٜىٰشِ، وَطَنْسُ كُمَ سُكَ مَمَّرٜىٰشِ،#عِشـ 50‏.6 68سُنَ ثٜىٰوَ ‏«‏يِمَنَ أَنَّبْثِ، إِنْ كَيْ أَلْمَسِيحُ نٜىٰ!‏ ڢَطَا وَنْدَ يَمَرٜىٰكَ!‏»‏

بِتْرُسْ يَيِ مُسُونْ سَنِنْ عِيسَىٰ

﴿مَرْ 14‏.66‏-72؛ لُكْ 22‏.56‏-62؛ يَحـ 18‏.15‏-18‏،25‏-27﴾

69أَ لُواْكَثِنَّنْ بِتْرُسْ يَنَ ظَوْنٜىٰ عَثِكِنْ ڢِيلِنْ غِدَنْ، سَيْ وَتَ يَارِنْيَ مَيْ عَيْكِ أَغِدَنْ تَذُواْ وُرِنْسَ تَثٜىٰمَسَ ‏«‏كَيْ مَا، أَيْ، تَرٜىٰ كَكٜىٰ دَ عِيسَىٰ مُتُمِنْ غَلِيلِنَّنْ!‏»‏

70عَمَّا بِتْرُسْ يَيِ مُسُو أَغَبَنْسُ دُكَ يَثٜىٰ ‏«‏نِے بَنْسَنْ أَبِنْدَ كِكٜىٰ مَغَنَ عَكَيْبَ!‏»‏ 71دَ يَڢِتُواْ ذَوْرٜىٰ، سَيْ وَتَ يَارِنْيَ مَيْ عَيْكِ أَغِدَنْ كُمَ تَغَنْشِ، تَثٜىٰ وَ وَطَنْدَ سُكٜىٰ ڟَيٜىٰ أَوُرِنْ ‏«‏وَنَّنْ مُتُمْ يَنَ تَرٜىٰدَ عِيسَىٰ بَنَظَرٜىٰتْ!‏»‏

72بِتْرُسْ يَسَاكٜىٰيِنْ مُسُو حَرْ دَ ضَنْڟُوَا يَنَ ثٜىٰوَ ‏«‏بَنْ مَا سَنْ مُتُمِنْبَ؞»‏

73أَنْ جِمَ كَطَنْ سَيْ وَطَنْدَ سُكٜىٰ ڟَيٜىٰ أَوُرِنْ سُكَذُواْ سُكَثٜىٰ وَ بِتْرُسْ ‏«‏بَاشَكَّ كَيْ مَا طَيَنْسُ نٜىٰ؞ يَدَّ كَكٜىٰ مَغَنَ يَتُواْنٜىٰكَ؞»‏

74سَيْ يَڢَارَ لَعَنْتَ كَنْسَ، يَنَ ضَنْڟُوَا، يَنَ ثٜىٰوَ ‏«‏بَنْ مَا سَنْ مُتُمِنْبَ!‏»‏

نَنْ تَكٜىٰ ظَكَرَ يَيِ ثَارَ؞ 75سَيْ بِتْرُسْ يَتُنَ دَ مَغَنَرْ دَ عِيسَىٰ يَيِ مَسَ ثٜىٰوَ ‏«‏كَاڢِنْ ظَكَرَ يَيِ ثَارَ، ذَاكَيِ مُسُونْ سَنِنَ سَوْ عُكُ؞»‏ سَيْ بِتْرُسْ يَڢِتَ وَجٜىٰ يَيِ كُوكَا مَيْذَاڢِ؞

Currently Selected:

مَتِيُ 26: hauAS

Highlight

Copy