لُكَّ 8
8
وَطَنْسُ مَاتَا سُنْ تَڢِے تَرٜىٰدَ عِيسَىٰ
1أَنْ جِمَ كَطَنْ سَيْ عِيسَىٰ يَظَظْذَاغَ غَرُرُوَ دَ ڧَوْيُكَ، يَنَ وَعَظِ يَنَ شٜىٰلَرْ لَابَرِ مَيْ دَاطِے نَمُلْكٍ اللَّهْ؞ أَلْمَجِرَنْسَ شَا بِيُنَّنْ كُوَ سُنَ تَرٜىٰ دَشِ، 2دَ وَطَنْسُ مَاتَا وَطَنْدَ عَكَ رَبَسُ دَ مُوغَيٜىٰنْ رُوحُواْحِ عَكَ كُمَ وَرْكَرْ دَسُو دَغَ رَشِنْ لَاڢِيَرْسُ؞ عَثِكِنْسُ كُوَ أَݣَويْ مَرْيَمُ دَغَ مَغَدَلَ، وَدَّ عَكَ ڢِتَرْدَ أَلْجَنُ بَݣَويْ دَغَ ثِكِنْتَ؞ 3أَݣَويْ كُمَ يُواْوَنَ مَاتَرْ كُوظَ، شُوغَبَنْ غِدَنْ هِرُدُسْ، تَرٜىٰدَ سُظَنَّ دَ وَطَنْسُ مَاتَادَيَوَ وَطَنْدَ سُكٜىٰيِ مُسُ حِدِمَ دَ كَايَنْسُ؞#مَتْ 27.55-56؛ مَرْ 15.40-41؛ لُكْ 23.49
مِصَالِ نَمَيْ شُوكَ
﴿مَتْ 13.1-9؛ مَرْ 4.1-9﴾
4دَ مُتَنٜىٰ دَيَوَ سُنَ تَتَارُوَ دَغَ غَرُرُوَ دَبَمْ دَبَمْ سُنَ تَظُوَ وُرِنْ عِيسَىٰ، سَيْ يَبَاسُ وَنَّنْ مِصَالِ؞
5«أَنْ تَٻَيِنْ وَنِ مُتُمِنْدَ يَجٜىٰ يَشُوكَ إِرِ أَغُواْنَرْسَ؞ يَنَ ثِكِنْ يَاڢَ إِرِ كٜىٰنَنْ، سَيْ وَطَنْسُ سُكَ ڢَاطِ عَكَنْ حَنْيَ، عَكَ تَتَّاكَسُ، سَيْ ڟُنْڟَيٜىٰ كُمَ سُكَ ثِنْيٜىٰسُ؞
6«وَطَنْسُ سُكَ ڢَاطِ عَكَنْ دُوڟٜىٰ؞ دَ سُكَ ڟِيرَا سَيْ سُكَ بُوشٜىٰ سَبُواْدَ بَابُ ضُوَ أَوُرِنْ؞ 7وَطَنْسُ كُمَ سُكَ ڢَاطِ عَثِكِنْ ڧَيُواْيِ، سُكَيِ غِرْمَ تَرٜىٰ، حَرْ ڧَيُواْيِ سُكَشَا ڧَرْڢِنْسُ؞ 8وَطَنْسُ إِرِنْ كُمَ سُكَ ڢَاطِ عَڧَسَا مَيْݣَوْ، سُكَيِ غِرْمَ، سُكَيِ ڟَابَ طَرِے طَرِے؞»
دَ عِيسَىٰ يَغَمَ ڢَطِنْ حَكَ سَيْ يَطَغَ مُرْيَ يَثٜىٰ «بَرِ مَيْكُنّٜىٰنْجِ، يَجِ!»
مَعَنَرْ مِصَالِ نَمَيْ شُوكَ
﴿مَتْ 13.10-17؛ مَرْ 4.10-12﴾
9سَعَدَّ أَلْمَجِرَنْ عِيسَىٰ سُكَ تَمْبَيٜىٰشِ مَعَنَرْ مِصَالِنَّنْ 10سَيْيَثٜىٰ «أَنْ يَرْدَ مُكُ كُسَنْ أَسِيرِنْ مُلْكٍ اللَّهْ، عَمَّا غَ سَوْرَنْ مُتَنٜىٰ إِنَ مَغَنَ دَ مِصَلَيْ نٜىٰ دُواْمِنْ
« ‹كُواْ سُنْ دُوبَ بَذَاسُ غَنِبَ،
كُواْ سُنْجِ بَذَاسُ غَانٜىٰبَ؞› »#عِشـ 6.9-10
عِيسَىٰ يَبَادَ بَيَانِنْ مِصَالِ نَمَيْ شُوكَ
﴿مَتْ 13.18-23؛ مَرْ 4.13-20﴾
11«غَا مَعَنَرْ مِصَالِنَّنْ؞ إِرِنْ شِينٜىٰ كَلْمَرْ اللَّهْ؞ 12وَطَنْدَ سُكَ ڢَاطِ عَكَنْ حَنْيَ سُونٜىٰ ݣُوتَنْثِنْ مُتَنٜىٰنْ دَ سُكَجِ، عَمَّا شَيْطَنْ يَذُواْ يَڨُوثٜىٰ كَلْمَرْ دَغَ ذُوثِيَارْسُ، دُواْمِنْ كَدَ سُبَادَ غَسْكِيَ سُكُمَ سَامِ ثٜىٰتُواْ؞ 13إِرِنْ دَ سُكَ ڢَاطِ عَكَنْ دُوڟٜىٰنْ كُوَ، سُونٜىٰ ݣُوتَنْثِنْ مُتَنٜىٰنَّنْ دَ سُكَجِ كَلْمَرْ، سُكَ كُمَ كَرْٻٜىٰتَ دَ ڢَضٍ ثِكِ؞ عَمَّا بَتَيِ تُوشٜىٰ عَثِكِنْسُبَ؞ سُنْ بَادَ غَسْكِيَ نَطَنْ لُواْكَثِ، عَمَّا سَعَدَّ ڠُوجِ يَتَاسُواْ مُسُ، سَيْ سُكَ وَاڟَرْدَ بَنْغَسْكِيَرْسُ؞ 14إِرِنْ دَ سُكَ ڢَاطِ عَثِكِنْ ڧَيَ كُوَ، سُونٜىٰ ݣُوتَنْثِنْ مُتَنٜىٰنْ دَ سُكَجِ، عَمَّا عَكْوَانَ عَتَاشِ، سَيْ دَامُوَرْ دُونِيَا دَ نٜىٰمَنْ أَرْزِڧِ دَ سُوانْ جِنْ دَاطِے يَسَا سُنْ كَاسَ بَادَ أَمْڢَانِ؞ 15إِرِنْ دَ سُكَ ڢَاطِ عَڧَسَا مَيْݣَوْ كُوَ، سُونٜىٰ ݣُوتَنْثِنْ مُتَنٜىٰنْ دَ سُكَجِ كَلْمَرْ سُكَ كُمَ كَرْٻَ دَ ذُوثِيَا طَيَ سُكَ رِڧٜىٰ سُكَ جِمْرٜىٰ سُكَ بَادَ أَمْڢَانِ؞
مِصَالِ عَكَنْ ڢِتِلَ
﴿مَرْ 4.21-25﴾
16«بَاوَنْدَ ذَيْ كُنَّ ڢِتِلَ يَطَوْكِ ݣُونُواْ يَرُڢٜىٰ كُواْ كُوَ يَسَاتَ عَڧَرْڧَشِنْ غَدُواْ؞ أَ مَيْمَكُوانْ حَكَ، ذَيْسَاتَ عَكَنْ سَنْدَا مَيْ رِڧٜىٰ ڢِتِلُ دُواْمِنْ مُتَنٜىٰنْ دَ ذَاسُ شِغَ سُغَ حَصْكٜىٰ؞#مَتْ 5.15؛ لُكْ 11.33
17«غَمَا بَا أَبِنْدَ يَكٜىٰ عَٻُواْيٜىٰ وَنْدَ بَذَاعَ بَيَّنَبَ، كُمَ بَا أَبِنْدَ يَكٜىٰ أَسِيرِ، وَنْدَ بَذَاعَ تُواْنٜىٰشِ أَڢِيلِبَ؞#مَتْ 10.26؛ لُكْ 12.2
18«كُيِ حَنْكَلِ ڢَا دَ يَدَّ كُكٜىٰجِ، دُواْمِنْ وَنْدَ يَكٜىٰدَ أَبُ، ذَاعَ ڧَارَ مَسَ، عَمَّا وَنْدَ بَاشِ دَ أَبُ، أَبِنْدَ يَكٜىٰ ڟَمَّنِ يَنَدَ شِيمَا، ذَاعَ كَرْٻَ دَغَ غَرٜىٰشِ؞»#مَتْ 25.29؛ لُكْ 19.26
مَامَرْ عِيسَىٰ تَرٜىٰدَ یَنْعُوَنْسَ
﴿مَتْ 12.46-50؛ مَرْ 3.31-35﴾
19سَعَنً مَامَرْ عِيسَىٰ دَ یَنْعُوَنْسَ سُكَجٜىٰ وُرِنْسَ، عَمَّا بَسُ عِيَكَيْ وُرِنْسَبَ سَبُواْدَ يَوَنْ مُتَنٜىٰ؞ 20سَيْ وَنِ مُتُمْ يَغَيَوَ عِيسَىٰ ثٜىٰوَ «غَا مَامَرْكَ دَ یَنْعُوَنْكَ سُنَ ڟَيٜىٰ أَوَجٜىٰ سُنَ سُواْ سُغَنْكَ؞»
21 عِيسَىٰ يَثٜىٰ وَدُكَنْ مُتَنٜىٰنْ دَسُكٜىٰ وُرِنْ «وَطَنْدَ سُكَجِ كَلْمَرْ اللَّهْ، سُكَ كُمَ عَيْكَتَ، سُونٜىٰ مَامَاتَ دَ یَنْعُوَنَ؞»
عِيسَىٰ يَڟَاوَتَا وَبَبَّنْ هَدَرِ
﴿مَتْ 8.23-27؛ مَرْ 4.35-41﴾
22وَتَرَانَ عِيسَىٰ دَ أَلْمَجِرَنْسَ سُكَ شِغَ جِضْغٍ ضُوَ، سَيْيَثٜىٰمُسُ «مُهَيٜىٰ ذُوَا وَنْثَنْ غٜىٰڢٜىٰنْ تٜىٰكُنْ؞» سَيْ سُكَ ڢَارَ تَڢِيَ؞ 23دَ سُكٜىٰ ثِكِنْ تَڢِيَ، سَيْ بَرْثِ يَݣُوشٜىٰشِ؞ بَا لَابَرِ سَيْ بَبَّنْ هَدَرِ مَيْ إِسْكَ يَتَاسُواْ عَتٜىٰكُنْ؞ سُكَ شِغَ وَنِ حَڟَرِ، سَبُواْدَ ضُوَ يَڢَارَ شِغَ ثِكِنْ جِضْغٍ؞ 24أَلْمَجِرَنْ سُكَجٜىٰ سُكَتَادَ عِيسَىٰ، سُكَثٜىٰ «مَيْغِرْمَ! مَيْغِرْمَ! ذَامُ هَلَّكَ!»
عِيسَىٰ يَتَاشِ، يَڟَاوَتَاوَ إِسْكَرْ دَ كُمَ ضُوً دَيَكٜىٰ هَوْكَ سَيْ سُكَيِ ڟِتْ؞ 25سَيْ يَثٜىٰ وَ أَلْمَجِرَنْ «إِنَا بَنْغَسْكِيَرْكُ؟»
عَمَّا سُكَجِڟُواْرُواْ سُواْسَيْ سُكَ كُمَيِ مَامَاكِ سُنَ ثٜىٰوَ جُونَ «وَنٜىٰنٜىٰ وَنَّنْ وَنْدَ يَكٜىٰ وَ إِسْكَ دَ رَاڧُمَنْ ضُوَ عُمَرْنِ حَرْ سُنَيِ مَسَ بِيَيَّ؟»
عِيسَىٰ يَوَرْكَرْ دَ مَيْ أَلْجَنُ
﴿مَتْ 8.28-34؛ مَرْ 5.1-20﴾
26 عِيسَىٰ دَ أَلْمَجِرَنْسَ سُكَيِ تَتَڢِيَ عَثِكِنْ جِضْغٍ ضُوَ حَرْ سُكَكَيْ سَاشٜىٰنْ يَنْكِنْ غَضَسِنَاوَا#8.26 يَنْكِنْ غَضَسِنَاوَا: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ «غَدَرِنَسْ،» وَطَنْسُ كُمَ «غٜىٰرْغٜىٰسٜىٰنَ» نٜىٰ أَنَنْ؞ وَنْدَ يَكٜىٰ أَ هَيِنْ تٜىٰكُنْ غَلِيلِ؞ 27عِيسَىٰ يَنَ سَوْكَ دَغَ جِضْغٍ كٜىٰنَنْ سَيْغَا وَنِ مُتُمِنْ غَرِنْ وَنْدَ يَكٜىٰدَ أَلْجَنُ؞ مُتُمِنْ يَدَطٜىٰ يَنَ يَٰوُاْ بَا رِغَا، كُمَ بَايَ عِيَ ذَمَ أَغِدَا، كُلُّمْ يَنَ وُرِنْ دَ عَكٜىٰبِنّٜىٰ مُتَنٜىٰ؞ 28دَ غَنِنْ عِيسَىٰ، سَيْ مُتُمِنْ يَڢَاطِ أَغَبَنْ عِيسَىٰ، يَتَادَ مُرْيَ دَ ڧَرْڢِے يَنَ إِيهُ يَنَ ثٜىٰوَ «إِنَا ضُوَنْكَ دَنِے، عِيسَىٰ طَنْ اللَّهْ مَڢِے طَوْكَكَ؟ إِنَ ضُواْڧُوانْكَ، كَدَ كَيِمِنِ عَذَابَ!» 29يَڢَطِ حَكَنٜىٰ غَمَا عِيسَىٰ يَارِغَا يَڟَاوَتَا وَڧَظَامِنْ رُوحُ يَبَرْ شِ؞ دُواْمِنْ سَوْ دَيَوَ ڧَظَامِنْ رُوحٌ يَكَنْ بُغٜىٰشِ؞ كُواْدَيَكٜىٰ عَكَنْ ڟَرٜىٰشِ ڧَڢَا دَ حَنُّ دُكْ أَطَوْرٜىٰ دَ سَرْڧَ، دُكْدَهَكَ يَكَنْ ڟِنْڟِنْكٜىٰ سَرْڧُواْڧِنْ؞ أَلْجَنِنْ كُمَ يَكَنْ كُواْرٜىٰشِ ذُوَا هَمَادَ؞
30 عِيسَىٰ يَتَمْبَيٜىٰشِ «مٜىٰنٜىٰنٜىٰ سُونَنْكَ؟»
سَيْ مُتُمِنْ يَأَمْسَ «سُونَنَ تُلِ نٜىٰ،»#8.30 تُلِ نٜىٰ: دَ هٜىٰلٜىٰنَنْثِ أَنْرُبُوتَ لِجِيُوانْ نٜىٰ أَنَنْ، وَتُواْ ڧُنْغِيَرْ سُواْجُواْجِ وَدَّ تَكَيْ مُتُمْ دُبُو حُطُ ذُوَا دُبُو شِدَ؞ غَمَا أَلْجَنُنْ سُنَدَ يَوَ عَثِكِنْسَ؞ 31سُكَيِ تَضُواْڧُوانْسَ كَدَ يَتُورَسُ أَ رَامِنْ دَ عَكٜىٰڟَرٜىٰ أَلْجَنُ عَثِكِ؞
32كُسَ دَ وُرِنَّنْ كُوَ أَݣَويْ وَنِ بَبَّنْ غَرْكٜىٰنْ أَلَدُنْ دَيَكٜىٰ كِيوُاْ أَغَنْغَرٜىٰنْ تُدُنْ؞ سَيْ أَلْجَنُنْ سُكَ ضُواْڧِ عِيسَىٰ يَبَرْسُ سُشِغَ ثِكِنْ أَلَدُنْ؞ شِے كُوَ يَيَرْدَ مُسُ؞ 33سُكَ ڢِتَ دَغَ ثِكِنْ مُتُمِنْ سُكَ شِغَ ثِكِنْ أَلَدُنْ؞ سَيْ دُكَنْ أَلَدُنْ سُكَتَاشِ أَغُجٜىٰ سُكَ غَنْغَرَ ثِكِنْ تٜىٰكُنْ سُكَ مُتُ عَثِكِ؞
34دَمَاسُ لُورَ دَ أَلَدُنْ سُكَغَ أَبِنْدَ يَڢَرُ، سَيْ سُكَ غُدُ ذُوَا غَرِ دَ ڧَوْيُكَ دُواْمِنْ سُكَيْ لَابَرِ؞ 35مُتَنٜىٰ سُكَ ڢِتُواْ دُواْمِنْ سُغَ أَبِنْدَ يَڢَرُ؞ دَ سُكَ كَيْ وُرِنْ عِيسَىٰ، سُكَغَ مُتُمِنْ دَ أَلْجَنُنْ سُكَ ڢِتُواْ دَغَ ثِكِنْسَ يَذَوْنَ كُسَدَ عِيسَىٰ، يَسَا رِغَا يَنَ كُمَ حَنْكَلِنْسَ طَيَ؞ سَيْ ڟُواْرُواْ يَكَامَسُ دُكَ؞ 36وَطَنْدَ سُكٜىٰنَنْ لُواْكَثِنْدَ أَبِنْ يَڢَرُ، سُكَيِ تَغَغَّيَ وَمُتَنٜىٰ يَدَّ عَكَ وَرْكَرْدَ مُتُمِنْ؞ 37سَيْ دُكَنْ مُتَنٜىٰنْ كٜىٰوَيٜىٰنْ يَنْكِنْ غَضَسِنَاوَا سُكَ ضُواْڧِ عِيسَىٰ يَبَرْ غَرِنْسُ، دُوانْ سُنْجِڟُواْرُواْ سُواْسَيْ؞ دَ عِيسَىٰ ذَيْ شِغَ جِضْغِ يَتَڢِے كٜىٰنَنْ، 38سَيْ مُتُمِنْ دَ عَكَ ڢِتَرْدَ أَلْجَنُ دَغَ ثِكِنْسَ يَذُواْ، يَضُواْڧِ عِيسَىٰ يَنَ ثٜىٰوَ «بَرِ إِنْتَڢِے تَرٜىٰدَكَيْ؞»
عَمَّا عِيسَىٰ يَسَلَّمٜىٰشِ يَثٜىٰ، 39«كُواْمَ غِدَا، كَيِ شٜىٰلَرْ مَنْيَنْ أَبُبُوَنْ دَ اللَّهْ يَيِمَكَ؞»
سَيْ مُتُمِنْ يَتَڢِے يَبِے تَثِكِنْ غَرِنْ، يَنَ ڢَطِنْ أَبِنْدَ عِيسَىٰ يَيِمَسَ؞
یَرْ يَايِرُسْ دَ مَثٜىٰ مَيْ ظُبْ دَ جِنِ
﴿مَتْ 9.18-26؛ مَرْ 5.21-43﴾
40دَ كُواْمَاوَرْ عِيسَىٰ دَغَ وَنْثَنْ غٜىٰڢٜىٰنْ تٜىٰكُنْ، مُتَنٜىٰ سُكَيِ مَسَ مَرَبَ دُوانْ دَا مَا سُنَ جِضَانْسَنٜىٰ؞ 41سَيْغَا وَنِ مُتُمْ مَيْ سُونَ يَايِرُسْ، وَنْدَ يَكٜىٰ شُوغَبَنْ مَجَمِعَ يَذُواْ يَدُرْڧُسَ أَغَبَنْ عِيسَىٰ، يَضُواْڧٜىٰشِ يَجٜىٰ غِدَنْسَ، 42دُواْمِنْ وَدَّ تَكٜىٰ یَرْسَ كَطَيْ، وَدَّ تَكَيْ شٜىٰكَرَا غُواْمَشَا بِيُ، تَنَ بَاكِنْ مُتُوَ؞
دَ عِيسَىٰ يَكَامَ حَنْيَ، مُتَنٜىٰ سُكَيِ تَبِنْسَ سُنَ مَڟَشِ عَتَكُواْوَنٜىٰ غٜىٰڢٜىٰ؞ 43عَثِكِنْسُ كُوَ أَݣَويْ وَتَ مَثٜىٰ وَدَّ تَشَا وَهَلَ دَ ثِيوُانْ ظُبْدَ جِنِ نَڟَوُانْ شٜىٰكَرَا غُواْمَشَا بِيُ؞ تَاكَشٜىٰ دُكْ أَبِنْدَ تَكٜىٰدَشِ وُرِنْ نٜىٰمَنْ مَاغَنِ،#8.43 تَاكَشٜىٰ دُكْ أَبِنْدَ تَكٜىٰدَشِ وُرِنْ نٜىٰمَنْ مَاغَنِ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا بَاسُدَ وَطَنَّنْ كَلْمُواْمِنْ؞ عَمَّا بَاوَنْدَ يَ عِيَ وَرْكَرْدَ عِتَ؞ 44سَيْ تَبِے تَثِكِنْ يَوَنْ مُتَنٜىٰنَّنْ تَذُواْ تَبَايَنْسَ، تَتَٻَ بَاكِنْ رِغَرْسَ؞ سَيْ ظُبْدَ جِنِنَّنْ نَاتَ يَڟَيَ ثِكْ؞ 45عِيسَىٰ يَثٜىٰ «وَ يَتَٻَنِ؟»
كُواْوَ يَثٜىٰ بَشِيبَنٜىٰ، سَيْ بِتْرُسْ يَثٜىٰ «مَيْغِرْمَ، أَيْ، مُتَنٜىٰ سُنْ كٜىٰوَيٜىٰكَ تَكُواْوَنٜىٰ غٜىٰڢٜىٰ، سُنَ مَڟَرْكَ؞»
46عَمَّا عِيسَىٰ يَثٜىٰ «نِے دَيْ، وَنِ يَتَٻَنِ، غَمَا نَاجِ إِيكُواْ يَڢِتَ دَغَ غَرٜىٰنِ؞» 47دَمَاتَرْ تَغَ دَيْ أَنْغَانٜىٰتَ، سَيْ تَڢِتَ، جِكِنْتَ يَنَ ضَوَ، تَڢَاطِ أَغَبَنْ عِيسَىٰ؞ تَا كُمَ بَيَّنَ مَسَ أَغَبَنْ كُواْوَ دَلِيلِنْ دَيَسَا تَتَٻَشِ دَ يَدَّ تَوَرْكٜىٰ نَنْ تَكٜىٰ؞ 48عِيسَىٰ يَثٜىٰمَتَ «یَتَ، بَنْغَسْكِيَرْكِ تَوَرْكَرْ دَكٜىٰ؞ كِسَوْكَ لَاڢِيَ؞»
49بَيْ مَا ڧَارٜىٰ مَغَنَرْ بَ، سَيْغَا طَنْ عَيْكَ دَغَ غِدَنْ يَايِرُسْ، يَاذُواْ، يَنَ غَيَوَ يَايِرُسْ ثٜىٰوَ «كَدَ مَا كَسَا مَلَمْ يَيِ وَتَ وَهَلَ، أَيْ، یَرْكَ تَا مُتُ كُواْ؞»
50دَ عِيسَىٰ يَجِ حَكَ، سَيْيَثٜىٰ وَ يَايِرُسْ «كَدَ كَجِڟُواْرُواْ، كَدَيْ بَادَ غَسْكِيَ، ذَاتَ سَاكٜىٰ رَايُوَا؞»
51دَ سُكَ كَيْ غِدَنْ، بَيْ يَرْدَ كُواْوَ يَشِغَ تَرٜىٰ دَشِيبَ سَيْ بِتْرُسْ دَ يَحْيَى دَ يَعْڧُوبَ دَ كُمَ بَابَنْ يَارِنْيَرْ دَ مَامَرْتَ؞ 52دُكَنْ مُتَنٜىٰنْ دَسُكٜىٰ غِدَنْ، سَيْ كُكَ سُكٜىٰيِ سُونَ إِيهُ دُواْمِنْ يَارِنْيَرْ؞ عِيسَىٰ يَثٜىٰ مُسُ «كَدَ كُيِ كُوكَا، يَارِنْيَرْ بَتَمُتُبَ، تَنَ بَرْثِ نٜىٰ كَوَيْ!»
53سَيْ سُكَيِ مَسَ دَارِيَارْ رٜىٰنِ، دُواْمِنْ سُنْ سَنِ تَمُتُ؞ 54عِيسَىٰ كُوَ دَ يَكَامَ حَنُّنْتَ سَيْ يَتَادَ مُرْيَ يَثٜىٰ «يَارِنْيَ، كِتَاشِ!» 55رَنْتَ كُمَ يَدَاوُاْ، تَتَاشِ ڟَبْ، سَيْ عِيسَىٰ يَعُمَرْتَ عَبَاتَ عَبِنْثِ تَثِ؞ 56إِيَايٜىٰنْتَ سُكَ كَامَ بَاكِ سُنَ مَامَاكِ، عَمَّا عِيسَىٰ يَجَا مُسُ كُنّٜىٰ ثٜىٰوَ كَدَ سُڢَطَا وَكُواْوَ أَبِنْدَ يَڢَرُ؞
Currently Selected:
لُكَّ 8: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
