لُكَّ 6
6
تَمْبَيَ عَكَنْ كِيَايٜىٰ رَانَرْ هُوتُ
﴿مَتْ 12.1-8؛ مَرْ 2.23-28﴾
1وَتَ رَانَرْ هُوتُ تَمَكُواْ عِيسَىٰ دَ أَلْمَجِرَنْسَ سُكَبِے تَغُواْنَكِنْ حَڟِنْ أَلْكَمَ، سَيْ أَلْمَجِرَنْ سُكَ كَرْيَ وَطَنْسُ كَنْ أَلْكَمَ سُنَ مُرْجٜىٰوَ سُنَثِ؞ #مَيْ شَـ 23.25 2سَيْ وَطَنْسُ ڢَرِسِيَاوَا سُكَثٜىٰ «مٜىٰيَسَا كُكٜىٰيِنْ أَبِنْدَ كُواْيَرْوَرْ مُوسَٰى تَحَنَ عَيِ أَ رَانَرْ هُوتُ تَمَكُواْ؟»
3 عِيسَىٰ يَأَمْسَ مُسُ يَثٜىٰ «أَشٜىٰ، بَكُ كَرَنْتَ أَبِنْدَ دَاوُدَ يَيِبَ سَعَدَّ شِ تَرٜىٰدَ مُتَنٜىٰنْسَ سُكَجِ يُنْوَ؟ 4يَدَّ دَاوُدَ يَشِغَ غِدَنْ اللَّهْ، يَطَوْكِ غُرَاسَرْ دَ عَكَ كٜىٰٻٜىٰ، يَثِ، حَرْ مَا يَبَا أَبُواْكَنْ تَڢِيَرْسَ أَبِنْدَ بَيْ كَمَاتَ كُواْوَ يَثِبَ سَيْ ڢِرِسْتُواْثِے كَطَيْ؟» #1 سَمْ 21.1-6 #لِـ ڢِرْ 24.9
5سَيْ يَغَمَ مَغَنَرْ نَنْ دَ ثٜىٰوَ «أَيْ، طَنْ مُتُمْ عُبَنْغِجِ نٜىٰ نَ رَانَرْ هُوتُ تَمَكُواْ؞»
مَيْ شَنْيَيّٜىٰنْ حَنُّ
﴿مَتْ 12.9-14؛ مَرْ 3.1-6﴾
6أَوَتَ رَانَرْ هُوتُ تَمَكُواْ كُمَ، عِيسَىٰ يَشِغَ مَجَمِعَ يَنَ كُواْيَرْوَا؞ أَݣَويْ وَنِ مُتُمْ أَوُرِنْ وَنْدَ حَنُّنْ دَامَنْسَ يَشَنْيٜىٰ؞ 7سَيْ مَلَمً كُواْيَرْوَرْ مُوسَٰى دَ ڢَرِسِيَاوَا سُكَ ظُبَ عِدُواْ، سُغَ كُواْ عِيسَىٰ ذَيْ يِوَرْكَرْوَ أَ رَانَرْ هُوتُ، دُواْمِنْ سُسَامٜىٰشِ دَ لَيْڢِے؞ 8عَمَّا عِيسَىٰ يَسَنْ أَبِنْدَ سُكٜىٰ تُنَانِ؞ سَيْ يَثٜىٰ وَمُتُمِنَّنْ «تَاشِ كَذُواْ كَڟَيَ أَنَنْ؞» سَيْ مُتُمِنْ يَتَاشِ يَذُواْ يَڟَيَ أَوُرِنْ؞ 9عِيسَىٰ يَثٜىٰ مُسُ «إِنَ تَمْبَيَرْكُ، مٜىٰنٜىٰنٜىٰ يَدَاثٜىٰ عَيِ أَ رَانَرْ هُوتُ؟ عَيِ أَلْحٜىٰرِ كُواْ عَيِ مُغُنْتَا؟ عَثٜىٰثِ رَيْ، كُواْ أَ هَلَكَاشِ؟» 10سَيْ يَدُدُّوبٜىٰسُ دُكَ، سَعَنً يَثٜىٰ وَمُتُمِنْ «كَمِيڧَ حَنُّنْكَ؞» شِے كُوَ يَمِيڧٜىٰ حَنُّنْ، سَيْ حَنُّنْسَ يَوَرْكٜىٰ؞
11سَيْ هَوْشِ يَكَامَ ڢَرِسِيَاوَا دَ مَلَمً كُواْيَرْوَرْ مُوسَٰى سُواْسَيْ، سُكَ ڢَارَ مَغَنَ دَ جُونَنْسُ عَكَنْ أَبِنْدَ ذَاسُيِ دَ عِيسَىٰ؞
عِيسَىٰ يَذَاٻِ أَلْمَجِرَيْ شَا بِيُ
﴿مَتْ 10.1-4؛ مَرْ 3.13-19﴾
12عَݣُونَكِنْنَنْ، عِيسَىٰ يَجٜىٰ يَهَوْ بَبَّنْ تُدُ دُواْمِنْ يَيِ أَدُّعَ؞ يَݣُونَ يَنَ أَدُّعَ غَ اللَّهْ؞ 13دَ غَرِ يَوَايٜىٰ، سَيْ يَكِرَا أَلْمَجِرَنْسَ، يَذَاٻِ غُدَا غُواْمَشَا بِيُ دَغَ ثِكِنْسُ، وَطَنْدَ يَثٜىٰدَسُو مَنْذَنِّے؞ غَا سُونَيٜىٰنْسُ،
14سِيمَنْ، وَنْدَ عِيسَىٰ يَسَا مَسَ سُونَ بِتْرُسْ،
أَنْدَرَوُسْ طَنْعُوَنْ بِتْرُسْ،
يَعْڧُوبَ،
يَحْيَى،
ڢِلِبُسْ،
بَرْتَلُواْمِ،
15مَتِيُ،
تُواْمَ،
يَعْڧُوبَ طَنْ هَلْڢَ،
سِيمَنْ، وَنْدَ عَكٜىٰثٜىٰ دَشِ مَيْ كِيشِنْ ڧَسَرْسَ،
16يَهُودَ طَنْ يَعْڧُوبَ،
يَهُودَ إِسْكَرِيُواْتِ، وَنْدَ يَبَاشٜىٰشِ؞
عِيسَىٰ يَكُواْيَرْ دَ مُتَنٜىٰ، يَكُمَ وَرْكَرْ دَسُو
﴿مَتْ 4.23-25﴾
17سَيْ عِيسَىٰ يَسَوْكُواْ تَرٜىٰدَ مَنْذَنِّےنْسَ، يَڟَيَ أَوَنِ وُرِے مَيْ ڢِيلِ سُواْسَيْ، تَرٜىٰدَ مُتَنٜىٰ دَيَوَ وَطَنْدَ سُكٜىٰ أَلْمَجِرَنْسَ؞ أَ نَنْ كُمَ غَا مُتَنٜىٰ دَيَوَ دَ سُكَذُواْ دَغَ كُواْعِنَ عَيَنْكِنْ يَهُودِيَ دَ عُرُوشَلِيمَ دَ كُمَ يَنْكِنْ غَرُضُوً تَيَ دَ سِدُوانْ وَطَنْدَ سُكٜىٰ عَبَاكِنْ بَبَّرْ تٜىٰكُ؞ 18سُنْ ذُواْ دُواْمِنْ سُجِيشِ، سُكُمَ سَامِ وَرْكٜىٰوَ دَغَ دُكَنْ ثُوتُتُّكَنْسُ؞ عَكَ كُمَ وَرْكَرْدَ مُتَنٜىٰنْ دَ ڧَظَامَنْ رُوحُواْحِ سُكٜىٰ دَامُنْسُ؞ 19كُواْوَ يَيِ ڧُواْڧَرِ يَتَٻَشِ، دُواْمِنْ إِيكُواْ يَنَ ڢِتُواْوَ دَغَ غَرٜىٰشِ، يَكُوَ وَرْكَرْ دَسُو دُكَ؞
أَلْبَرْكُ
﴿مَتْ 5.1-12﴾
20سَيْ عِيسَىٰ يَدُوبِے أَلْمَجِرَنْسَ يَثٜىٰ،
«مَاسُ أَلْبَرْكَنٜىٰ، كُو مَتَلَوْتَ،
غَمَا مُلْكٍ اللَّهْ نَاكُنٜىٰ!
21مَاسُ أَلْبَرْكَنٜىٰ كُو دَ كُكٜىٰ جِنْ يُنْوَ يَنْذُ،
غَمَا ذَاكُ ڧُواْشِ!
مَاسُ أَلْبَرْكَنٜىٰ كُو دَ كُكٜىٰ كُوكَا يَنْذُ،
غَمَا ذَاكُيِ دَارِيَا!
22مَاسُ أَلْبَرْكَنٜىٰ كُو عِدَنْ مُتَنٜىٰ سُكَڧِيكُ،
سُكَ وَارٜىٰكُ، سُنَ ذَاغِنْكُ،
سُنَ ثٜىٰوَ كُو مُوغَيٜىٰنٜىٰ سَبُواْدَ طَنْ مُتُمْ! #1 بِتْ 4.14
23«إِنْ وَنَّنْ يَڢَرُ، كُيِ ڢَضٍ ثِكِ! كُكُمَيِ ضَوَ دُواْمِنْ ڢَضٍ ثِكِ، غَمَا لَادَنْكُ يَنَ دَيَوَ أَ سَمَ؞ غَمَا حَكَ كَاكَنِّنْسُ مَا سُكَيِ وَ أَنَّبَاوَنْ دَ سُكَ رِغَاكُ؞» #2 تَارْ 36.16؛ أَيُّكَنْ 7.52
أَلْعَمُرَنْ كَيْتُواْ
24«عَمَّا كَيْتُوانْكُ،
كُو دَ كُكٜىٰ دَ أَرْزِڧِ يَنْذُ،
غَمَا كُنْ رِغَا كُنْجِ دَاطِنْكُ كُواْ!
25كَيْتُوانْكُ، كُو دَ كُكَ ڧُواْشِ يَنْذُ،
غَمَا ذَاكُ ذَوْنَ دَ يُنْوَ!
كَيْتُوانْكُ، كُو دَ كُكٜىٰ دَارِيَا يَنْذُ،
غَمَا ذَاكُيِ بَڧِنْ ثِكِ، كُنَ كُوكَا!
26كَيْتُوانْكُ، كُو دَ مُتَنٜىٰ سُكٜىٰ يَبُوانْكُ،
غَمَا حَكَ كَاكَنِّنْسُ مَا سُكَيِ وَ أَنَّبَاوَنْ ڧَضْيَا؞»
كُنُونَ ڧَوْنَ غَ مَاسُ غَابَادَكُو
﴿مَتْ 5.38-48؛ 7.12﴾
27«إِنَ غَيَ مُكُ، كُو دَ كُكٜىٰ جِنَ، كُڧَوْنَثِ مَاسُ غَابَادَكُو، كُيِ وَ وَطَنْدَ بَاسَ سُوانْ غَنِنْكُ أَلْحٜىٰرِ؞ 28كُسَا وَمَاسُ ذَاغِنْكُ أَلْبَرْكَ، كُكُمَيِ وَمَاسُ بَاكُ وَهَلَ أَدُّعَ؞ 29عِدَنْ وَنِ يَمَرٜىٰكَ أَوَنَّنْ كُمَتُ، كَجُويَا مَسَ طَيَنْ مَا؞ عِدَنْ وَنِ يَڨُوثٜىٰ مَكَ بَبَّرْ رِغَا، كَثِرٜىٰ رِغَرْ ثِكِنْ مَا كَبَاشِ؞ 30دُكْ وَنْدَ يَضُواْڧٜىٰكَ أَبُ، كَبَاشِ؞ وَنْدَ كُمَ يَيِ مَكَ ڨُوثٜىٰ، كَدَ مَا كَنٜىٰمِ أَ مَيَرْ مَكَ؞ 31كُيِ وَمُتَنٜىٰ أَبِنْدَ كُكٜىٰسُواْ سُيِمُكُ؞ #مَتْ 7.12
32«عِدَنْ كُنَ ڧَوْنَرْ وَطَنْدَ سُكٜىٰ ڧَوْنَرْكُ نٜىٰ كَوَيْ، يَيَ ذَاكُ سَامِ أَلْبَرْكَ؟ كُواْ مَاسُ ذُنُوبِ مَا سُنَ ڧَوْنَرْ وَطَنْدَ سُكٜىٰ ڧَوْنَرْسُ نٜىٰ! 33عِدَنْ كُمَ كُنَ يِنأَلْحٜىٰرِ غَ مَاسُ يِمُكُ نٜىٰ كَوَيْ، يَيَ ذَاكُ سَامِ أَلْبَرْكَ؟ كُواْ مَاسُ ذُنُوبِ مَا سُنَيِنْ حَكَ؞ 34إِنْ كُمَ مُتَنٜىٰنْ دَ ذَاسُ عِيَ بِيَنْكُ نٜىٰ كُكٜىٰبَاسُ بَاشِ، يَيَ ذَاكُ سَامِ أَلْبَرْكَ؟ كُواْ مَاسُ ذُنُوبِ مَا سُنَ بَادَ بَاشِ غَ مَاسُ ذُنُوبِ دُوانْ عَبِيَسُ دَيْدَيْ! 35عَمَّا كُو، كُڧَوْنَثِ مَاسُ غَابَادَكُو، كُكُمَيِ مُسُ أَلْحٜىٰرِ، كُبَادَ بَاشِ بَدَنُڢِ سَيْ أَنْبِيَكُبَ؞ تَيِنْ حَكَنٜىٰ ذَاكُسَامِ لَادَ مَيْ يَوَ، كُكُمَ ذَمَ یَیَنْ اللَّهْ مَڢِے طَوْكَكَ؞ غَمَا شِے مَيْ أَلْحٜىٰرِ نٜىٰ غَ مُتَنٜىٰنْ دَ بَاسَغُواْدِيَ دَ كُمَ مُوغَيٜىٰ؞ 36كُذَمَ مَاسُ تَوْسَيِ كَمَرْ يَدَّ عُبَنْكُ يَكٜىٰ مَيْ تَوْسَيِ؞
كَدَ كُبَا كُواْوَ لَيْڢِ
﴿مَتْ 7.1-5﴾
37«كَدَ كُشَرْعَنْتَ كُواْوَ، كُو كُمَ بَذَاعَيِ مُكُبَ؞ كَدَ كُحُكُنْتَ كُواْوَ، كُو كُمَ بَذَاعَ حُكُنْتَ كُبَ؞ كُيَاڢٜىٰ وَكُواْوَ، كُو كُمَ ذَاعَ يَاڢٜىٰ مُكُ؞ 38كُبَايَرْ، كُو مَا ذَاعَ بَاكُ مُودُ عَثِكٜىٰ، عَثِكَ حَرْ يَيِ تُدُ يَنَ ظُبَ، حَرْ أَ جُويٜىٰ مُكُ سَوْرَنْ أَهَنُّنْ رِغَا؞ غَمَا دَ مُودُنْ دَ كُكٜىٰ عَوْنَاوَا مُتَنٜىٰ دَشِ، دَشِے ذَاعَ عَوْنَ مُكُ؞»
39 عِيسَىٰ يَكُمَبَاسُ وَنِ مِصَالِ يَثٜىٰ «مَكَهُواْ ذَيْ عِيَيِ وَوَنِ مَكَهُواْ جَغُواْرَ؟ عِدَنْ يَا يِهَكَ، تُواْ، دُكَنْسُ ذَاسُ ڢَاطِ أَ رَامِ؞ #مَتْ 15.14 40بَا طَنْ مَكَرَنْتَنْدَ يَڢِ مَلَمِنْسَ، عَمَّا كُواْوَنٜىٰ طَنْ مَكَرَنْتَ وَنْدَ يَغَمَ كَرَاتُنْسَ، ذَيْذَمَ كَمَرْ مَلَمِنْسَ؞ #مَتْ 10.24-25؛ يَحـ 13.16؛ 15.20
41«دُوانْمٜىٰ كَكٜىٰ غَنِنْ طَنْ ڟِنْكٜىٰنْ دَيَكٜىٰ أَعِدُوانْ طَنْعُوَنْكَ، عَمَّا بَكَ كُلَ دَ غُنْغُمٜىٰنْ دَيَكٜىٰ ثِكِنْ عِدُوانْكَبَ؟ 42يَيَ كُمَ ذَاكَ عِيَثٜىٰ وَطَنْعُوَنْكَ، ‹كَيْ، طَنْعُوَنَ، بَرِ إِنْثِرٜىٰ مَكَ طَنْ ڟِنْكٜىٰنَّنْ دَيَكٜىٰ عِدُوانْكَ،› بَايَنْ كُمَ بَكَ عِيَ غَنِنْ غُنْغُمٜىٰنْ دَيَكٜىٰ أَ نَاكَ عِدُوانْ بَ؟ كَيْ مُنَاڢُكِ! كَڢَارَ ثِرٜىٰ غُنْغُمٜىٰنْ دَيَكٜىٰ ثِكِنْ عِدُوانْكَ تُكُنَ، دُوانْ كَاعِيَ غَنِ سُواْسَيْ يَدَّ ذَاكَ عِيَ ثِرٜىٰ طَنْ ڟِنْكٜىٰنْ دَيَكٜىٰ ثِكِنْ عِدُوانْ طَنْعُوَنْكَ؞
أَنَ سَنِنْ إِتَاثٜىٰ تَ إِرِنْ یَیَنْسَ
﴿مَتْ 7.16-20؛ 12.33-35﴾
43«إِتَاثٜىٰ مَيْݣَوْ بَا يَيِنْ یَیَ مَرَسَ ݣَوْ، كُمَ مُومُّنَنْ إِتَاثٜىٰ بَا يَيِنْ یَیَ مَاسُ ݣَوْ؞ 44أَنَ سَنِنْ كُواْوَنٜىٰ إِتَاثٜىٰ تَ إِرِنْ یَیَنْسَ؞ بَايَدَّ ذَاعَ ڟِنْكٜىٰ ٻَوْرٜىٰ أَجِكِنْ ڧَيَ، كُواْ كُوَ إِنَبِے أَجِكِنْ إِتَاثٜىٰنْ ڧَيَ؞ #مَتْ 12.33 45مُتُمِنْ كِرْكِ يَنَ ڢِتَرْدَ أَبُبُوَ مَاسُ ݣَوْ دَغَ أَجِيَرْ أَبُبُوَ مَاسُ ݣَوْ وَطَنْدَ سُكٜىٰ أَ ذُوثِيَارْسَ؞ عَمَّا مُوغُنْ مُتُمْ يَنَ ڢِتَرْدَ أَبُبُوَ مَرَسَ ݣَوْ دَغَ أَجِيَرْ أَبُبُوَ مَرَسَ ݣَوْ وَطَنْدَ سُكٜىٰ أَ ذُوثِيَارْسَ؞ أَبِنْ دَيَكٜىٰ ثِكِنْ ذُوثِيَا، أَيْ، شِے يَكٜىٰ ڢِتُواْوَ عَبَاكِ؞ #مَتْ 12.35
مُتَنٜىٰ بِيُ مَاسُ غِنِ
﴿مَتْ 7.24-27﴾
46«دُوانْمٜىٰ كُكٜىٰثٜىٰ دَنِے ‹عُبَنْغِجِ، عُبَنْغِجِ،› عَمَّا كُنْڧِ يِنْ أَبِنْدَ نَثٜىٰ كُيِ؟ 47دُكْ وَنْدَ يَذُواْ وُرِينَ يَسَوْرَرَتَ، يَكُمَيِ أَبِنْدَ نَثٜىٰ يَيِ، ذَنْ ݣُوتَنْتَا مُكُ يَدَّ مُتُمِنَّنْ يَكٜىٰ؞ 48شِے كَمَرْ مُتُمْ نٜىٰ وَنْدَ دَ ذَيْ غِنَا غِدَنْسَ، سَيْ يَحَڧَ ڧَسَا دَ ظُرْڢِ، يَكُمَ كَڢَ تُوشٜىٰنْ غِنِنْ عَكَنْ دُوڟٜىٰ؞ دَ عَكَيِ أَمْبَلِيَرْ ضُوَ، سَيْ تَبُغِ غِدَنْ، عَمَّا بَتَ عِيَ غِرْغِظَ غِدَنْبَ، سَبُواْدَ أَنْغِنَاشِ دَݣَوْ؞ 49عَمَّا دُكْ وَنْدَ يَجِ مَغَنَاتَ بَيْكُمَيِ أَبِنْدَ نَثٜىٰ يَيِبَ دَيْدَيْ يَكٜىٰ دَ مُتُمِنْدَ يَغِنَ غِدَنْسَ بَاتَرٜىٰدَ يَيِ وَغِدَنَّنْ تُوشٜىٰ مَيْݣَوْبَ؞ دَ عَكَيِ أَمْبَلِيَرْ ضُوَ، سَيْ تَبُغِ غِدَنْ، سَيْ يَڢَاطِ غَبَاطَيَ؞ ڢَاطُوَرْ غِدَنَّنْ كُوَ تَيِ مُونِ سُواْسَيْ؞»
Currently Selected:
لُكَّ 6: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
