لُكَّ 17
17
مَغَنَ عَكَنْ ذُنُوبِ دَ يَڢٜىٰوَرْ ذُنُوبِ
﴿مَتْ 18.6-7،21-22؛ مَرْ 9.42﴾
1 عِيسَىٰ يَثٜىٰ وَ أَلْمَجِرَنْسَ «دُواْلٜىٰنٜىٰ أَ سَامِ أَبُبُوَنْ دَ ذَاسُسَا مُتَنٜىٰ سُيِ ذُنُوبِ؞ عَمَّا كَيْتُوانْ وَنْدَ يَذَمَ دَلِيلِنْ كَٰوُاْسُ! 2دَوَنِ يَسَا طَيَ دَغَ ثِكِنْ يَارَا ڧَنَانَنَّنْ يَيِ ذُنُوبِ، غَارَ أَطَوْرَ بَبَّنْ دُوڟٜىٰنْ نِڧَ أَوُيَنْسَ أَ جٜىٰڢَ شِ ثِكِنْ تٜىٰكُ؞ 3كُلُورَ دَ كَنْكُ ڢَا؞
«عِدَنْ طَنْعُوَنْكَ يَيِ مَكَ لَيْڢِے، كَيِ مَسَ مَغَنَ؞ إِنْ يَنٜىٰمِ غَاڢَرَ، كَيَاڢٜىٰمَسَ؞#مَتْ 18.15 4كُواْ دَ يَيِ مَكَ لَيْڢِے سَوْ بَݣَويْ وَتُواْ، بَا إِيَاكَ أَ رَانَ طَيَ، إِنْ حَرْ يَدِنْغَ ثٜىٰوَ ‹نَيِلَيْڢِے، كَيَاڢٜىٰ مِنِ،› سَيْ كَيَاڢٜىٰمَسَ؞»
ڧَارَ مَنَ بَنْغَسْكِيَ
5سَيْ مَنْذَنِّے سُكَثٜىٰ وَ عُبَنْغِجِ «كَڧَارَ مَنَ بَنْغَسْكِيَ؞»
6 عُبَنْغِجِ يَأَمْسَ مُسُ يَثٜىٰ «عِدَنْ كُنَدَ بَنْغَسْكِيَ دَ تَكَيْ كُواْ دَ مِصَالِنْ ڨُويَرْ مَسْتَدْ، وَدَّ تَڢِے ڧَنْڧَنْتَ ثِكِنْ إِرِ دُكَ ذَاكُثٜىٰ وَوَنَّنْ بَبَّنْ إِتَاثٜىٰ، ‹كَبَرْ نَنْ، كَجٜىٰ كَڟَيَ عَثَنْ ثِكِنْ تٜىٰكُ!› ذَيْ كُمَبِے أَبِنْدَ كُكَثٜىٰ يَيِ؞
ذَمَ بَاوَنْ كِرْكِ
7«مِصَالِ، عَثٜىٰ طَيَ دَغَ ثِكِنْكُ يَنَدَ بَاوَ وَنْدَ يَكٜىٰيِ مَسَ نُواْمَ كُواْ كُوَ كِيوُانْ تُمَكِ؞ وَنٜىٰنٜىٰ عَثِكِنْكُ إِنْ يَدَاوُاْ دَغَ غُواْنَ ذَيْثٜىٰ مَسَ، ‹يِمَظَا، كَذُواْ كَذَوْنَ كَثِ عَبِنْثِ؟› 8أَ مَيْمَكُوانْ حَكَ بَذَيْثٜىٰ مَسَ، ‹كَشِرْيَ مِنِ عَبِنْثِنْ يَمَّ تُكُنَ، كَكَٰوُاْ مِنِ إِنْثِ إِنْشَا، كَاڢِنْ كَثِ نَاكَ، بَ؟› 9ذَاعَغُواْدٜىٰ وَبَاوَ سَبُواْدَ يَيِ عَيْكِنْدَ يَكَمَاتَ يَيِنٜىٰ؟ 10حَكَ كُو مَا، عِدَنْ كُكَبِے دُكْ أَبِنْدَ عَكَثٜىٰ مُكُ كُيِ، سَيْكُثٜىٰ، ‹مُو بَايِنٜىٰ مَرَسَ ثَنْثَنْتَ؞ مُو دَيْ مُنَيِنْ أَبِنْدَ يَكَمَاتَ مُيِنٜىٰ كَوَيْ؞› »
عِيسَىٰ يَڟَبْتَثٜىٰ مَاسُ ثُوتَرْ ڢَتَ غُدَا غُواْمَ
11دَ عِيسَىٰ يَكَامَ حَنْيَ ذَيْجٜىٰ عُرُوشَلِيمَ، سَيْ يَبِے كَنْ إِيَاكَرْ دَتَكٜىٰ ڟَكَانِنْ سَمَرِيَ دَ غَلِيلِ؞ 12ذَيْ شِغَ وَنِ ڧَوْيٜىٰ كٜىٰنَنْ سَيْغَا مَاسُ ثُوتَرْ ڢَتَرْ جِكِے غُدَا غُواْمَ سُكَ ڟَيَ دَنِيسَ 13سُكَ طَغَ مُرْيَ سُكَثٜىٰ «يَا عِيسَىٰ مَيْغِرْمَ! كَجِ تَوْسَيِنْمُ!»
14دَ عِيسَىٰ يَغَنْسُ، سَيْيَثٜىٰمُسُ «كُجٜىٰ وُرِنْ ڢِرِسْتُواْثِے سُغَنْكُ؞»
سُنَ كَنْ حَنْيَرْ تَڢِيَ كٜىٰنَنْ سَيْ سُكَ ذَمَ مَرَسَ ڧَظَنْتَا؞#لِـ ڢِرْ 14.1-32 15دَ طَيَنْسُ يَغَ أَنْوَرْكَرْ دَشِ، سَيْ يَكُواْمَ، يَنَ يَبُوانْ اللَّهْ دَ مُرْيَ مَيْ ڧَرْڢِے؞ 16يَذُواْ يَرُسُنَ دَ ڢُسْكَرْسَ حَرْ ڧَسَا أَغَبَنْ عِيسَىٰ، يَغُواْدٜىٰ مَسَ؞ شِے مُتُمِنَّنْ بَسَمَرِيٜىٰ نٜىٰ؞
17 عِيسَىٰ يَثٜىٰ «بَمُتَنٜىٰ غُواْمَ نٜىٰ عَكَ ڟَبْتَثٜىٰسُبَ؟ إِنَا سَوْرَنْ تَرَنْ؟ 18مٜىٰيَسَا سَيْ بَڧُواْنَّنْ نٜىٰ كَطَيْ يَدَاوُاْ دُواْمِنْ يَيِ وَ اللَّهْ غُواْدِيَ؟» 19سَيْ عِيسَىٰ يَثٜىٰ مَسَ «تَاشِ كَتَڢِے أَبِنْكَ، بَنْغَسْكِيَرْكَثٜىٰ تَسَا كَوَرْكٜىٰ؞»
ذُوَانْ مُلْكٍ اللَّهْ
﴿مَتْ 24.23-28،37-41﴾
20دَ وَطَنْسُ ڢَرِسِيَاوَا سُكَ تَمْبَيِ عِيسَىٰ لُواْكَثِنْ دَ مُلْكٍ اللَّهْ ذَيْذُواْ، سَيْيَثٜىٰمُسُ «أَيْ، ذُوَانْ مُلْكٍ اللَّهْ بَ دَ عِدُواْ عَكٜىٰ غَنِنْسَبَ؞ 21بَاوَنْدَ ذَيْثٜىٰ، ‹أَيْ، غَاشِ نَنْ،› كُواْ كُمَ ‹غَاشِ ثَنْ؞› دُواْمِنْ مُلْكٍ اللَّهْ يأَنَانً عَثِكِنْكُ؞»
22 عِيسَىٰ يَكُمَثٜىٰ وَ أَلْمَجِرَنْسَ «لُواْكَثِ يَنَ ذُوَا عِنْدَ ذَاكُيِ مَرْمَرِنْ غَنِنْ رَانَ طَيَ دَغَ ثِكِنْ رَانَكُنْ طَنْ مُتُمْ، عَمَّا بَذَاكُ غَنِبَ؞ 23مُتَنٜىٰ ذَاسُثٜىٰ مُكُ، ‹دُوبَ ثَنْ،› كُواْ كُمَ، ‹دُوبَ نَنْ؞› عَمَّا كَدَ كُجٜىٰ كُدُوبَ؞ 24رَانَرْ دَ طَنْ مُتُمْ ذَيْسَاكٜىٰ ذُوَا، ذَيْذُواْ كَمَرْ وَلْڧِيَرْ دَتَكٜىٰ حَصْكَكَاوَا دَغَ وَنَّنْ إِيَاكَرْ دُونِيَا ذُوَا وَنْثَنْ؞ 25عَمَّا سَيْ يَڢَارَ شَنْ وَهَلَ إِرِ إِرِ تُكُنَ، حَرْ مُتَنٜىٰنْ زَامَانِنَّنْ سُڧِيشِ؞ 26كَمَرْ يَدَّ دَيْ يَڢَرُ أَ زَامَانِنْ نُوحُ، حَكَنٜىٰ ذَيْڢَرُ أَ لُواْكَثِنْ دَ طَنْ مُتُمْ ذَيْ دَاوُاْ؞#ڢَارْ 6.5-8 27مُتَنٜىٰ سُكَ دِنْغَثِ دَ شَا، مَظَا سُنَ عَوْرٜىٰ، أَنَ بَادَ مَتَ غَ عَوْرٜىٰ حَرْ ذُوَا رَانَرْ دَ نُوحُ يَشِغَ جِضْغِ، بَبَّرْ أَمْبَلِيَرْ ضُوَ كُمَ تَذُواْ تَهَلَكَاسُ دُكَ؞#ڢَارْ 7.6-24 28حَكَ مَا عَكَيِ أَ لُواْكَثِنْ لُوطُ؞ أَنَثِ أَنَشَا، أَنَسَيَ أَنَسَيَرْوَ، أَنَ شُوكٜىٰ شُوكٜىٰ، أَنَ كُمَ غِنٜىٰ غِنٜىٰ؞ 29عَمَّا أَ رَانَرْ دَ لُوطُ يَبَرْ سُواْدُوامْ، عَكَ ظُبَ وُتَادَ ڢَرَرْ وُتَا مَيْ وَرِ دَغَ سَمَ، عَكَ كَكَّشٜىٰسُ دُكَ؞#ڢَارْ 18.20—19.25 30حَكَ ذَيْ ذَمَ أَ رَانَرْ دَ طَنْ مُتُمْ ذَيْ بَيَّنَ؞
31«أَ رَانَرْ نَنْ ڢَا، وَنْدَ يَكٜىٰ كَنْ رُڢِنْ طَاكِ كَدَ يَسَوْكُواْ وَيْ ذَيْ ݣُوشِ كَايَنْسَ عَثِكِنْ غِدَا؞ حَكَ مَا دُكْ وَنْدَ يَجٜىٰ غُواْنَ، كَدَ يَكُواْمَ غِدَا؞#مَتْ 24.17-18؛ مَرْ 13.15-16 32كُتُنَ ڢَا دَ مَاتَرْ لُوطُ!#ڢَارْ 19.26 33دُكْ وَنْدَ يَكٜىٰسُواْ يَكِيَايٜىٰ رَنْسَ، ذَيْ رَسَشِ، عَمَّا دُكْ وَنْدَ يَرَسَ رَنْسَ، ذَيْ كِيَايٜىٰشِ؞#مَتْ 10.39؛ 16.25؛ مَرْ 8.35؛ لُكْ 9.24؛ يَحـ 12.25 34إِنَ غَيَ مُكُ، أَدَرٜىٰنْ دَ وَنَّنْ ذَيْ ڢَرُ ذَاعَ غَ مُتَنٜىٰ بِيُ سُنَ ݣُونْثٜىٰ أَغَدُواْ طَيَ ذَاعَ طَوْكِ طَيَ عَبَرْ طَيَ؞ 35مَاتَا بِيُ ذَاسُ كَسَنْثٜىٰ سُنَ نِڧَنْ أَلْكَمَ تَرٜىٰ، ذَاعَ طَوْكِ طَيَ، عَبَرْ طَيَ؞ 36مُتُمْ بِيُ ذَاسُ كَسَنْثٜىٰ أَغُواْنَ، ذَاعَ طَوْكِ طَيَ، عَبَرْ طَيَ؞»#17.36 وَطَنْسُ رُبُوثٜىٰ رُبُوثٜىٰ نَدَا بَاسُدَ وَنَّنْ أَيَ؞
37سَيْ أَلْمَجِرَنْ سُكَ تَمْبَيٜىٰشِ، سُكَثٜىٰ «إِنَا نٜىٰ، عُبَنْغِجِ؟»
يَثٜىٰ مُسُ «أَيْ، عِنْدَ غَاوَا تَكٜىٰ، نَنْ نٜىٰ عُنْغُلَيٜىٰ سُكٜىٰ تَارُوَ؞»
Currently Selected:
لُكَّ 17: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
