يَحْيَى 17
17
عِيسَىٰ يَيِ أَدُّعَ دُواْمِنْ كَنْسَ
1بَايَنْدَ عِيسَىٰ يَڢَطِ وَطَنَّنْ أَبُبُوَ سَيْ يَطَغَ كَنْسَ يَدُوبِے سَمَ يَيِ أَدُّعَ يَثٜىٰ،
«يَا عُبَا، لُواْكَثِ يَيِ؞ كَطَوْكَكَا طَنْكَ دُوانْ شِے مَا يَطَوْكَكَاكَ؞ 2غَمَا كَا بَا طَنْ إِيكُواْ عَكَنْ دُكَنْ مُتَنٜىٰ، دُواْمِنْ يَبَادَ رَيْ نَهَرْ أَبَدَا غَ وَطَنْدَ كَبَاشِ؞ 3رَيْ نَهَرْ أَبَدَا كُوَ شِينٜىٰ، مُتَنٜىٰ سُسَنْكَ، كَيْ دَ كَكٜىٰ اللَّهْ مَكَطَيْثِ نَغَسْكِيَ، سُكُمَ سَنْ عِيسَىٰ أَلْمَسِيحُ وَنْدَ كَاعَيْكُواْ؞ 4نَطَوْكَكَاكَ عَدُونِيَا تَوُرِنْ ثِكَ دُكَنْ عَيْكِنْدَ كَبَا نِے إِنْيِ؞ 5يَنْذُ كُمَ، يَا عُبَا، كَطَوْكَكَانِ دَ طَوْكَكَرْ نَنْ دَ نَكٜىٰ دَ عِتَ أَغَبَنْكَ تُنْ كَاڢِنْ حَلِتَّرْ دُونِيَا؞»
عِيسَىٰ يَيِ أَدُّعَ دُواْمِنْ أَلْمَجِرَنْسَ
6«نَارِغَا نَا بَيَّنَ يَدَّ كَكٜىٰ غَ مُتَنٜىٰنْدَ كَبَا نِے أَنَنْ دُونِيَا؞ تُنْدَا مَا سُو نَاكَنٜىٰ، عَمَّا كَبَانِسُ، سُنْ كُمَيِ بِيَيَّ دَ كَلْمَرْكَ؞ 7يَنْذُ كُوَ سُنْ سَنِ ثٜىٰوَ دُكْ أَبِنْدَ كَبَانِ دَغَ غَرٜىٰكَ يَكٜىٰ؞ 8غَمَا كَلْمَرْدَ كَڢَطَا مِنِ نَڢَطَا مُسُ، سُنْ كُوَ كَرْٻَ؞ سُنْ سَنْ حَڧِيڧَ دَغَ وُرِنْكَ نٜىٰ نَڢِتُواْ، سُنْ كُمَ بَادَ غَسْكِيَ كَيْنٜىٰ كَا عَيْكُواْنِ؞ 9إِنَ ضُواْڧُواْ نٜىٰ دُواْمِنْسُ؞ بَدُواْمِنْ مُتَنٜىٰنْ دُونِيَا نَكٜىٰيِنْ ضُواْڧُوانْبَ، عَمَّا دُواْمِنْ مُتَنٜىٰنْدَ كَبَانِ، دُواْمِنْ سُو نَاكَنٜىٰ؞ 10دُكْ أَبِنْدَ نَكٜىٰ دَشِ نَاكَنٜىٰ، كُمَ دُكْ أَبِنْدَ كَكٜىٰ دَشِ نَوَنٜىٰ؞ أَنْكُمَ بَيَّنَ طَوْكَكَتَ تَوُرِنْسُ؞ 11إِنَ ذُوَا وُرِنْكَ؞ بَذَنْ ذَوْنَ عَدُونِيَا بَ كُمَ، عَمَّا سُو سُنَ ثِكِنْ دُونِيَا تُكُنَ؞ يَا عُبَا مَيْ ڟَرْكِے، كَلُورَ دَسُو دَ إِيكُوانْ سُونَنْكَ، وَتُواْ سُونَنْدَ كَبَانِ، دُواْمِنْ سُذَمَ طَيَ، كَمَرْ دَيْ يَدَّ نَكٜىٰ دَكَيْ؞ 12لُواْكَثِنْ دَ نَكٜىٰ تَرٜىٰدَسُو، نَلُورَ دَسُو دَ إِيكُوانْ سُونَنْكَ، سُونَنْ دَكَيْ كَا بَانِ؞ نَكِيَايٜىٰسُ، كُمَ بَاوَنْدَ يَٻَثٜىٰ سَيْدَيْ طَيَنْسُ نَنْ كَطَيْ وَنْدَ يَكٜىٰ طَنْ هَلَّكَ، دُواْمِنْ عَثِكَ أَنَّبْثِنْ رُبُوتَثِّيَرْ مَغَنَرْ اللَّهْ؞ 13يَنْذُ إِنَ ذُوَا وُرِنْكَ؞ عَمَّا إِنَ ضُواْڧُوانْ وَطَنَّنْ أَبُبُوَ نٜىٰ تُنْ إِنَ دُونِيَا دُواْمِنْ وَطَنَّنْ مَاسُبِينَ سُسَامِ ڢَضٍ ثِكِنَ ثِكَكّٜىٰ أَ ظُكَاتَنْسُ؞ 14نَڢَطَا مُسُ كَلْمَرْكَ؞ دُونِيَا كُمَ تَڧِيسُ، دُواْمِنْ سُو بَنَدُونِيَرْ بَنٜىٰ، كَمَرْ يَدَّ نِے مَا بَنَدُونِيَرْ بَنٜىٰ؞ 15بَ إِنَ ضُواْڧُوانْكَ ثٜىٰوَ كَطَوْكٜىٰسُ دَغَ دُونِيَا بَ، عَمَّا إِنَ ضُواْڧُواْ نٜىٰ كَڟَرٜىٰسُ دَغَ مُوغُنَّنْ؞ 16سُو بَنَدُونِيَرْ بَنٜىٰ، كَمَرْ يَدَّ نِے مَا بَ نَدُونِيَا بَنٜىٰ؞ 17كَڟَرْكَكٜىٰسُ تَوُرِنْ غَسْكِيَ، غَمَا كَلْمَرْكَ كُوَ عِتَثٜىٰ غَسْكِيَ؞ 18نَا عَيْكٜىٰسُ ثِكِنْ دُونِيَا، كَمَرْ يَدَّ كَيْ مَا كَا عَيْكُواْ نِے؞ 19سَبُواْدَ سُونٜىٰ نَكٜىٰ ڟَرْكَكٜىٰ كَيْنَ دُواْمِنْ سُو مَا أَڟَرْكَكٜىٰسُ دَ غَسْكٜىٰ؞»
عِيسَىٰ يَيِ أَدُّعَ دُواْمِنْ دُكَنْ مَاسُ بَادَ غَسْكِيَ
20«بَا كُوَ وَطَنَّنْ كَطَيْ نَكٜىٰ ضُواْڧَاوَبَ، عَمَّا إِنَ ضُواْڧُواْ كُمَ دُواْمِنْ دُكَنْ وَطَنْدَ ذَاسُ بَادَ غَسْكِيَ بِسَغَ مَغَنَرْسُ؞ 21يَا عُبَا، إِنَ ضُواْڧُواْ دُواْمِنْ دُكَنْسُ سُذَمَ طَيَ؞ كَمَرْ يَدَّ كَكٜىٰ ثِكِنَ، نِے كُمَ إِنَ ثِكِنْكَ، إِنَ ضُواْڧُواْ بَرِ سُو مَا سُكَسَنْثٜىٰ عَثِكِنْمُ، دُواْمِنْ مُتَنٜىٰنْ دُونِيَا سُبَادَ غَسْكِيَ ثٜىٰوَ كَيْنٜىٰ كَا عَيْكُواْ نِے؞ 22نِے نَبَا مُتَنٜىٰنَّنْ طَوْكَكَرْ دَ كَيْ كَا بَانِ، دُواْمِنْ سُذَمَ طَيَ كَمَرْ يَدَّ مُكٜىٰ طَيَ؞ 23ذَنْ ذَوْنَ عَثِكِنْسُ، كَيْ كُمَ عَثِكِنَ، دُواْمِنْ سُذَمَ طَيَ سُواْسَيْ، دُواْمِنْ مُتَنٜىٰنْ سُسَنِ كَيْنٜىٰ كَعَيْكُواْ نِے، سُكُمَ سَنِ كَڧَوْنَثٜىٰسُ كَمَرْ يَدَّ كَڧَوْنَثٜىٰنِ؞
24«يَا عُبَا، إِنَ سُواْ وَطَنَّنْ مُتَنٜىٰنْدَ كَبَانِ سُذَوْنَ تَرٜىٰدَنِ عِنْدَ نَكٜىٰ؞ إِنَ سُواْ سُغَ طَوْكَكَرْكَ، وَدَّ كَبَانِ سَبُواْدَ كَنَ ڧَوْنَتَ كَاڢِنْ أَ حَلِثِّ دُونِيَا؞ 25يَا عُبَا، مَيْ أَدَلْثِے، مُتَنٜىٰنْ دُونِيَا بَسُ سَنْكَبَ، عَمَّا نِے كَمْ نَسَنْكَ، وَطَنَّنْ مُتَنٜىٰ كُمَ سُنْ سَنِ ثٜىٰوَ كَيْنٜىٰ كَا عَيْكُواْنِ؞ 26نَسَنَرْ مُسُ يَدَّ كَكٜىٰ، ذَنْ كُمَ ثِيغَبَدَ سَنَرْ مُسُ، دُواْمِنْ ڧَوْنَرْ دَ كَكٜىٰيِ مِنِ تَكَسَنْثٜىٰ عَثِكِنْسُ، نِے كُمَ إِنْكَسَنْثٜىٰ عَثِكِنْسُ؞»
Currently Selected:
يَحْيَى 17: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
