يَحْيَى 14
14
عِيسَىٰ نٜىٰ حَنْيَ ذُوَا وُرِنْ عُبَا
1«كَدَ كُدَامُ؞ كُبَادَ غَسْكِيَ غَ اللَّهْ، كُكُمَ بَادَ غَسْكِيَ غَرٜىٰنِ؞ 2عَثِكِنْ غِدَنْ عُبَانَ أَݣَويْ وُرِنْ ذَمَ دَيَوَ؞ عِدَنْ بَهَكَ بَنٜىٰ دَ بَذَنْ ڢَطَا مُكُ وَنَّنْبَ؞ ذَانِ ثَنْ دُواْمِنْ إِنْشِرْيَ مُكُ وُرِے؞ 3إِنْ كُوَ نَجٜىٰ نَشِرْيَ مُكُ وُرِے، ذَنْ دَاوُاْ إِنْكَيْكُ وُرِينَ، دُواْمِنْ كُو مَا كُذَوْنَ عِنْدَ نَكٜىٰ؞ 4أَيْ، عِنْدَ ذَانِ كُنْسَنْ حَنْيَ؞»
5سَيْ تُواْمَ يَثٜىٰ وَ عِيسَىٰ «يَا عُبَنْغِجِ، أَيْ، بَمُسَنْ عِنْدَ ذَاكَبَ، يَيَ ذَامُسَنْ حَنْيَرْ؟»
6 عِيسَىٰ يَثٜىٰ مَسَ «نِنٜىٰ حَنْيَ، نِنٜىٰ غَسْكِيَ، نِنٜىٰ كُمَ رَيْ؞ بَا مَيْ ذُوَا وُرِنْ عُبَا سَيْ تَوُرِينَ؞ 7دَاكُنْ سَنِّ دَاكُنْسَنْ عُبَانَ مَا؞ عَمَّا دَغَ يَنْذُ كُنْسَنْشِ، كُنْ كُمَ غَنْشِ؞»
8سَيْ ڢِلِبُسْ يَثٜىٰ مَسَ «يَا عُبَنْغِجِ، إِنْ كَنُونَ مَنَ عُبَنْ، تُواْ، أَيْ، بُڧَاتَرْمُ تَابِيَ كٜىٰنَنْ؞»
9 عِيسَىٰ يَثٜىٰ مَسَ «نَا دَطٜىٰ تَرٜىٰدَكُو حَكَ، عَمَّا حَرْ يَنْذُ بَكَسَنِّبَ، ڢِلِبُسْ؟ دُكْ وَنْدَ يَغَنِّ، أَيْ، يَغَ عُبَنْ؞ يَيَ ذَاكَثٜىٰ، ‹نُونَ مَنَ عُبَن›؟ 10بَكَبَادَ غَسْكِيَابَ ثٜىٰوَ إِنَ ثِكِنْ عُبَنْ، عُبَنْ كُمَ يَنَ ثِكِنَ؟ أَيْ، مَغَنَرْ دَ نَكٜىٰيِ مُكُ بَادَ إِيكُوانْ كَيْنَ بَنٜىٰ، عُبَنْ نٜىٰ دَيَكٜىٰ ظَوْنٜىٰ عَثِكِنَ يَكٜىٰيِنْ أَيُّكَنْسَ؞ 11كُغَسْكَتَادَنِے سَعَدَّ نَثٜىٰ إِنَ ثِكِنْ عُبَنْ، عُبَنْ كُمَ يَنَ ثِكِنَ، كُواْ كُوَ كُغَسْكَتَادَنِے سَبُواْدَ أَيُّكَنْ بَنْ مَامَاكِنْدَ نَيِ؞ 12حَڧِيڧَ، إِنَ غَيَ مُكُ، دُكْ وَنْدَ يَكٜىٰ بَادَ غَسْكِيَ غَرٜىٰنِ، ذَيْ يِ أَيُّكَنْ دَ نَكٜىٰيِ؞ حَرْ مَا ذَيْ يِ أَيُّكَنْ دَ سُكَڢِے وَطَنَّنْ، دُواْمِنْ ذَنْتَڢِے وُرِنْ عُبَا؞ 13دُكْ دَيْ أَبِنْدَ كُكَ ضُواْڧَا ثِكِنْ سُونَنَ ذَنْيِ، دُواْمِنْ عُبَنْ يَسَامِ طَوْكَكَ تَوُرِنْ طَنْ؞ 14كُواْ مٜىٰنٜىٰنٜىٰ كُكَ ضُواْڧَا عَثِكِنْ سُونَنَ، ذَنْيِشِ؞»
أَلْڧَوَرِنْ ذُوَانْ رُوحُ مَيْ ڟَرْكِے
15«إِنْ دَيْ كُنَ ڧَوْنَتَ، ذَاكُبِے عُمَرْنَيْنَ؞ 16ذَنْ كُمَ ضُواْڧِ عُبَا، شِے كُوَ ذَيْبَاكُ وَنِ مَيْ تَيْمَكُواْ يَكَسَنْثٜىٰ تَرٜىٰدَكُو حَرْ أَبَدَا؞ 17شِينٜىٰ رُوحُ نَغَسْكِيَ، وَنْدَ دُونِيَا بَتَ عِيَ كَرْٻٜىٰشِيبَ دُوانْ بَتَ عِيَ تَغَنْشِ كُواْ تَسَنْ شِيبَ؞ عَمَّا كُو كَمْ كُنْسَنْشِ، دُوانْ يَنَ ذَمَ تَرٜىٰدَكُو، ذَيْ كُمَ كَسَنْثٜىٰ أَ ذُوثِيَارْكُ؞
18«بَذَنْ بَرْكُ كَمَرْ مَرَايُبَ، ذَنْذُواْ وُرِنْكُ؞ 19سَوْرَ طَنْ لُواْكَثِ كَطَنْ دُونِيَا بَذَاتَ ڧَارَ غَنِينَبَ، عَمَّا كُو ذَاكُ غَنِّ؞ سَبُواْدَ إِنَدَ رَيْ، كُو مَا ذَاكُ رَايُ؞ 20أَ رَانَرْ نَنْ نٜىٰ ڢَا ذَاكُ سَنْ ثٜىٰوَ نِے إِنَ ثِكِنْ عُبَانَ، كُو كُمَ عَثِكِنَ، نِے كُمَ عَثِكِنْكُ؞ 21دُكْ وَنْدَ يَسَنْ عُمَرْنَيْنَ، يَنَ بِنْسُ كُمَ، شِينٜىٰ يَكٜىٰ ڧَوْنَتَ؞ وَنْدَ يَڧَوْنَثٜىٰنِ كُوَ، عُبَانَ ذَيْ ڧَوْنَثٜىٰشِ، نِے كُمَ ذَنْ ڧَوْنَثٜىٰشِ إِنْبَيَّنَ كَيْنَ أَغَرٜىٰشِ؞»
22سَيْ يَهُودَ، بَا إِسْكَرِيُواْتِ بَ، يَثٜىٰ مَسَ «يَا عُبَنْغِجِ، مٜىٰيَسَا ذَاكَ بَيَّنَ كَنْكَ غَرٜىٰمُ، عَمَّا بَ غَ سَوْرَنْ دُونِيَابَ؟» 23عِيسَىٰ يَأَمْسَ مَسَ يَثٜىٰ «دُكْ وَنْدَ يَكٜىٰ ڧَوْنَتَ، ذَيْ كِيَايٜىٰ مَغَنَاتَ، عُبَانَ كُوَ ذَيْ ڧَوْنَثٜىٰشِ، ذَامُ ذُواْ وُرِنْسَ مُذَوْنَ تَرٜىٰدَشِ؞ 24وَنْدَ بَايَ ڧَوْنَتَ كُوَ، بَايَ كِيَايٜىٰ مَغَنَاتَ؞ مَغَنَرْ دَ كُكٜىٰجِ كُوَ بَتَوَ بَثٜىٰ، تَ عُبَا ثٜىٰ وَنْدَ يَأَيْكُواْنِ؞
25«دُكْ وَنَّنْ نَا ڢَطَا مُكُ نٜىٰ تُنْ إِنَ تَرٜىٰدَكُو؞ 26عَمَّا مَيْ تَيْمَكُواْ، وَتُواْ رُوحُ مَيْ ڟَرْكِے، وَنْدَ عُبَا ذَيْ عَيْكُواْ ثِكِنْ سُونَنَ، شِينٜىٰ ذَيْ كُواْيَ مُكُ كُواْمٜىٰ، يَكُمَ تُنَ مُكُ دُكْ أَبِنْدَ نَڢَطَا مُكُ؞
27«نَبَرْكُ دَ سَلَمَ؞ سَلَمَتَ نَكٜىٰ بَاكُ؞ بَكَمَرْ يَدَّ دُونِيَا تَكٜىٰ بَايَرْوَ نَكٜىٰ بَاكُبَ؞ كَدَ كُدَامُ، كَدَ كُمَ كُجِڟُواْرُواْ؞
28«كُنْ دَيْجِ نَثٜىٰمُكُ ذَنْتَڢِے، إِنْسَاكٜىٰ دَاوُاْوَ وُرِنْكُ كُمَ؞ دَاكُنَ ڧَوْنَتَ دَا كُنْيِ مُرْنَ سَبُواْدَ ذَانِ وُرِنْ عُبَا، غَمَا عُبَنْ يَڢِينِ؞ 29تُواْ، يَنْذُ نَڢَطَا مُكُ تُنْ بَيْ ڢَرُبَ، دُواْمِنْ أَ لُواْكَثِنْدَ يَڢَرُ كُبَادَ غَسْكِيَ؞ 30بَذَنْ ڧَارَيِ مُكُ مَغَنَ مَيْ يَوَبَ، دُواْمِنْ مَيْ مُلْكٍ دُونِيَرْ نَنْ يَنَ ذُوَا، عَمَّا بَاشِ دَ إِيكُواْ عَكَيْنَ؞ 31إِنَ يِنْ دَيْدَيْ أَبِنْدَ عُبَا يَڢَطَا مِنِ إِنْيِنٜىٰ دُواْمِنْ دُونِيَا تَسَنِ إِنَ ڧَوْنَرْ عُبَنْ؞ كُتَاشِ مُبَرْ نَنْ؞»
Currently Selected:
يَحْيَى 14: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
