يَحْيَى 13
13
عِيسَىٰ يَوَنْكٜىٰ ڧَڢَاڢُنْ أَلْمَجِرَنْسَ
1أَنَانً تُنْ كَاڢِنْ بِكٍ ڧٜىٰتَرٜىٰوَ يَيِ، عِيسَىٰ كُوَ يَارِغَا يَسَنِ ثٜىٰوَ لُواْكَثِنْسَ يَيِ دَ ذَيْ بَرْ وَنَّنْ دُونِيَا يَكُواْمَ وُرِنْ عُبَا؞ دَيَكٜىٰ عِيسَىٰ يَڧَوْنَثِ مُتَنٜىٰنْسَ دَسُكٜىٰ عَدُونِيَا، يَكُمَ نُونَ مُسُ ڧَوْنَرْسَ حَرْ ذُوَا ڧَرْشٜىٰ؞
2أَ لُواْكَثِنْ دَ عِيسَىٰ دَ أَلْمَجِرَنْسَ سُكٜىٰ ثِنْ عَبِنْثِنْ دَرٜىٰ، شَيْطَنْ كُوَ يَارِغَا يَسَا أَ ذُوثِيَارْ يَهُودَ إِسْكَرِيُواْتِ طَنْ سِيمَنْ يَبَاشٜىٰ عِيسَىٰ؞ 3عِيسَىٰ كُمَ يَسَنْ ثٜىٰوَ عُبَنْ يَسَا دُكَنْ كُواْمٜىٰ أَ حَنُّنْسَ، يَكُمَ سَنِ دَغَ وُرِنْ اللَّهْ يَڢِتُواْ، وُرِنْ اللَّهْ كُمَ ذَيْ كُواْمَ؞ 4لُواْكَثِنْ دَسُكٜىٰ ثِنْ عَبِنْثِنْ، عِيسَىٰ يَتَاشِ يَتُوٻٜىٰ رِغَرْسَ تَوَجٜىٰ، يَطَوْكُواْ تَوُلْ يَطَوْرَا كٜىٰوَيٜىٰ دَ جِكِنْسَ؞ 5سَعَنً يَظُبَ ضُوَ عَݣُونُواْ، يَڢَارَ وَنْكٜىٰ ڧَڢَاڢُنْ أَلْمَجِرَنْ، يَنَ شَارٜىٰ ڧَڢَاڢُنْسُ دَ تَوُلْ وَنْدَ يَطَوْرَا كٜىٰوَيٜىٰ دَ جِكِنْسَ؞ 6سَيْ عِيسَىٰ يَذُواْ وُرِنْ بِتْرُسْ؞ بِتْرُسْ كُوَ يَثٜىٰ مَسَ «يَا عُبَنْغِجِ، كَيْنٜىٰ ذَاكَ وَنْكٜىٰ مِنِ ڧَڢَا؟»
7 عِيسَىٰ يَأَمْسَ مَسَ يَثٜىٰ «يَنْذُ كَمْ، بَكَسَنْ أَبِنْدَ نَكٜىٰيِبَ، عَمَّا دَغَ بَايَ ذَاكَ غَانٜىٰ؞»
8سَيْ بِتْرُسْ يَثٜىٰ مَسَ «سَمْ! بَذَاكَ تَٻَ وَنْكٜىٰ مِنِ ڧَڢَبَ؞»
عِيسَىٰ يَأَمْسَ مَسَ يَثٜىٰ «تُواْ، إِنْ بَنْ وَنْكٜىٰ مَكَ بَ، بَكَ دَ رَبُواْ أَوُرِينَ؞»
9بِتْرُسْ يَثٜىٰمَسَ «يَا عُبَنْغِجِ، بَ مَا ڧَڢَاڢُنَ كَطَيْ ذَاكَ وَنْكٜىٰبَ، عَمَّا كَوَنْكٜىٰ حَرْ دَ حَنُّوَنَ دَكَيْنَ مَا؞»
10سَيْ عِيسَىٰ يَثٜىٰ «بَايَنْدَ مُتُمْ يَيِ وَنْكَ، جِكِنْسَ يَڟَبْتَثٜىٰ كٜىٰنَنْ؞ بَايَ بُڧَاتَ وَنْكَ كُمَ سَيْدَيْ يَوَنْكٜىٰ ڧَڢَاڢُنْسَ كَوَيْ؞ غَمَا كُنَدَ ڟَبْتَ، عَمَّا بَ دُكَنْكُبَ؞» 11دُوانْ عِيسَىٰ يَسَنْ وَنْدَ ذَيْ بَاشٜىٰشِ، شِے يَسَا يَثٜىٰ «بَدُكَنْكُ نٜىٰ كُنَدَ ڟَبْتَبَ؞»
12بَايَنْدَ يَوَنْكٜىٰ ڧَڢَاڢُنْسُ، يَسَاكٜىٰسَا رِغَرْسَ، سَيْ يَكُواْمَ وَجٜىٰنْ ذَمَنْسَ يَذَوْنَ؞ سَيْ يَتَمْبَيٜىٰسُ يَثٜىٰ «كُنْ غَانٜىٰ أَبِنْدَ نَيِ مُكُ؟ 13كُنَثٜىٰ دَنِے مَلَمْ دَ كُمَ عُبَنْغِجِ؞ دَيْدَيْ نٜىٰ كُوَ، دُواْمِنْ حَكَ نَكٜىٰ؞ 14تُنْدَيَكٜىٰ نِے دَ نَكٜىٰ عُبَنْغِجِنْكُ دَ مَلَمِنْكُ نَوَنْكٜىٰ مُكُ ڧَڢَا، أَشٜىٰ، كُو مَا يَا كَمَاتَ كُوَنْكٜىٰوَ جُونَ؞ 15غَمَا نَا نُونَ مُكُ مِصَالِنٜىٰ دُواْمِنْ كُو مَا كُيِ يَدَّ نَيِ مُكُ؞ #لُكْ 22.27 16حَڧِيڧَ، إِنَ غَيَ مُكُ، بَاوَ بَايَ ڢِنْ مَيْغِدَنْسَ، طَنْ عَيْكَ كُمَ بَايَڢِنْ وَنْدَ يَعَيْكٜىٰشِ؞ #مَتْ 10.24؛ لُكْ 6.40؛ يَحـ 15.20 17يَنْذُ دَ كُنْ سَنْ وَطَنَّنْ أَبُبُوَ ذَاكُذَمَ مَاسُ أَلْبَرْكَ عِدَنْ كُنْيِسُ؞
18«بَا عَكَنْكُ دُكَ نَكٜىٰ مَغَنَبَ؞ نَسَنْ وَطَنْدَ نَذَاٻَا؞ وَنَّنْ كُوَ دُواْمِنْ عَثِكَ أَبِنْدَ يَكٜىٰ عَثِكِنْ رُبُوتَثِّيَرْ مَغَنَرْ اللَّهْ ثٜىٰوَ ‹وَنْدَ يَكٜىٰ ثِنْ عَبِنْثِ تَرٜىٰ دَ نِ يَاتَيَرْ مِنِ؞› #زَبُو 41.9 19إِنَ غَيَ مُكُ وَنَّنْ نٜىٰ يَنْذُ كَاڢِنْ يَڢَرُ، دُواْمِنْ لُواْكَثِنْدَ يَڢَرُ كُبَادَ غَسْكِيَ ثٜىٰوَ نِنٜىٰ شِ؞ 20حَڧِيڧَ، إِنَ غَيَ مُكُ، وَنْدَ يَكَرْٻِ دُكْ وَنْدَ نَعَيْكَ دَ ذُوثِيَا طَيَ، يَكَرْٻٜىٰنِنٜىٰ؞ وَنْدَ كُمَ يَكَرْٻٜىٰنِ دَ ذُوثِيَا طَيَ، يَكَرْٻِ وَنْدَ يَأَيْكُواْ نِنٜىٰ؞»
عِيسَىٰ يَثٜىٰ ذَاعَ بَاشٜىٰشِ
﴿مَتْ 26.20-25؛ مَرْ 14.17-21؛ لُكْ 22.21-23﴾
21بَايَنْدَ عِيسَىٰ يَيِ وَنَّنْ مَغَنَ، أَبِنْ يَدَامٜىٰشِ سُواْسَيْ أَ ذُوثِيَا؞ سَيْ يَڢَطَا أَ ڢِيلِ ثٜىٰوَ «غَسْكِيَ، إِنَ غَيَ مُكُ، طَيَنْكُ ذَيْبَاشٜىٰنِ؞»
22سَيْ أَلْمَجِرَنْسَ سُكَ دُدُّوبِے جُونَ، دُوانْ بَسُ سَنْ أَلْمَجِرِنْ دَ عِيسَىٰ يَكٜىٰ مَغَنَ عَكَنْسَبَ؞ 23وَنِ دَغَ ثِكِنْ أَلْمَجِرَنْسَ كُوَ، وَنْدَ عِيسَىٰ يَكٜىٰ ڧَوْنَ، يَنَ ظَوْنٜىٰ كُرْكُسَدَ عِيسَىٰ؞ 24سَيْ بِتْرُسْ يَيِ مَسَ مَغَنَ دَ عَلَمَرْ حَنُّ ثٜىٰوَ يَتَمْبَيِ عِيسَىٰ يَغَيَ مُسُ وَنْدَ يَكٜىٰ مَغَنَ عَكَنْسَ؞
25سَيْ أَلْمَجِرِنَّنْ يَمَڟُواْ كُسَدَ عِيسَىٰ يَتَمْبَيٜىٰشِ يَثٜىٰ «وَنٜىٰنٜىٰ شِے عُبَنْغِجِ؟»
26سَيْ عِيسَىٰ يَأَمْسَ يَثٜىٰ «ذَنْ ڟُواْمَ غُڟُرِنْ غُرَاسَرْنَنْ عَݣُونُواْ؞ وَنْدَ نَبَا شِ، شِينٜىٰ مُتُمِنْ؞» دَ عِيسَىٰ يَطَوْكِ غُڟُرِنْ غُرَاسَرْ يَڟُواْمَ، سَيْ يَبَا يَهُودَ طَنْ سِيمَنْ إِسْكَرِيُواْتِ؞ 27دَ يَكَرْٻِ غُڟُرِنْ غُرَاسَرْ سَيْ شَيْطَنْ يَشِغَ ثِكِنْسَ نَنْ دَنَنْ؞ سَيْ عِيسَىٰ يَثٜىٰ وَ يَهُودَ «أَبِنَّنْ دَ ذَاكَيِ، كَيِشِ دَسَوْرِ؞» 28عَمَّا ثِكِنْ وَطَنْدَ سُكٜىٰ ثِنْ عَبِنْثِنْ، بَاوَنْدَ يَسَنْ دَلِيلِنْدَ يَسَا عِيسَىٰ يَڢَطَا مَسَ حَكَ؞ 29تُنْدَ يَهُودَ نٜىٰ يَكٜىٰ رِڧٜىٰ دَ جَكَرْ كُطِنْسُ، سَيْ وَطَنْسُ دَغَ ثِكِنْ أَلْمَجِرَنْ سُكَيِ ڟَمَّنِ عِيسَىٰ يَنَ ڢَطَا مَسَ يَسَيُواْ أَبِنْدَ عَكٜىٰ بُڧَاتَ عَبِكٍ نٜىٰ، كُواْ كُمَ يَبَا تَلَكَاوَا وَنِ أَبُ؞ 30شِے كُوَ دَ يَكَرْٻِ غُڟُرِنْ غُرَاسَرْ، سَيْ يَڢِتَ؞ أَ لُواْكَثِنْ كُوَ دَرٜىٰ يَايِ؞
سَابُوانْ عُمَرْنِ
31بَايَنْدَ يَهُودَ يَڢِتَ، عِيسَىٰ يَثٜىٰ «يَنْذُ نٜىٰ عَكَ طَوْكَكَ طَنْ مُتُمْ، عَكَ كُمَ طَوْكَكَ اللَّهْ تَوُرِنْسَ؞ 32عِدَنْ اللَّهْ يَكَرْٻِ طَوْكَكَ تَوُرِنْسَ، تُواْ، اللَّهْ ذَيْبَا طَنْ طَوْكَكَ تَوُرِنْ كَنْسَ، نَنْ دَنَنْ كُوَ ذَيْسَامِ طَوْكَكَ؞
33«يَا كُو یَیَنَ ڧَنَانَا، سَوْرَ طَنْ لُواْكَثِ كَطَنْ إِنَ تَرٜىٰدَكُو؞ ذَاكُ نٜىٰمٜىٰنِ، عَمَّا كَمَرْ يَدَّ نَڢَطَا وَ يَهُودَاوَا ثٜىٰوَ ‹عِنْدَ ذَانِ بَذَاكُ عِيَ ذُوَابَ،› حَكَ نَكٜىٰ ڢَطَا مُكُ يَنْذُ؞
34«سَابُوانْ عُمَرْنِ نَكٜىٰ بَاكُ، كُڧَوْنَثِ جُونَ؞ كَمَرْ يَدَّ نَڧَوْنَثٜىٰكُ، حَكَ كُو مَا كُڧَوْنَثِ جُونَ؞ 35تَهَكَ كُواْوَ ذَيْسَنِ كُو أَلْمَجِرَيْنَنٜىٰ، إِنْ دَيْ كُنَڧَوْنَرْ جُونَ؞»
بِتْرُسْ ذَيْ يِ مُسُونْ سَنِنْ عِيسَىٰ
﴿مَتْ 26.31-35؛ مَرْ 14.27-31؛ لُكْ 22.31-34﴾
36سِيمَنْ بِتْرُسْ يَتَمْبَيِ عِيسَىٰ يَثٜىٰ «يَا عُبَنْغِجِ، إِنَا ذَاكَ؟»
عِيسَىٰ يَأَمْسَ يَثٜىٰ «عِنْدَ ذَانِ بَذَاكَ عِيَ بِنَ يَنْذُ بَ، عَمَّا دَغَ بَايَ ذَاكَبِينِ؞»
37سَيْ بِتْرُسْ يَثٜىٰ مَسَ «يَا عُبَنْغِجِ، مٜىٰيَسَا بَذَنْ عِيَ بِنْكَ عَيَنْظُبَ؟ أَيْ، ذَنْبَادَ رَيْنَ سَبُواْدَكَيْ؞»
38 عِيسَىٰ يَأَمْسَ يَثٜىٰ «أَشٜىٰ، ذَاكَبَادَ رَنْكَ سَبُواْدَنِ؟ حَڧِيڧَ، إِنَغَيَ مَكَ، كَاڢِنْ ظَكَرَ يَيِثَارَ، ذَاكَيِ مُسُونْ سَنِنَ سَوْ عُكُ؞»
Currently Selected:
يَحْيَى 13: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
