يَحْيَى 11
11
مُتُوَرْ لِعَظَرُ
1أَݣَويْ وَنِ مُتُمْ مَيْ سُونَ لِعَظَرُ وَنْدَ يَيِ رَشِنْ لَاڢِيَ عَڧَوْيٜىٰنْ بٜىٰتَنِ؞ بٜىٰتَنِ كُوَ ڧَوْيٜىٰنْ سُو مَرْيَمُ نٜىٰ دَ یَرْعُوَرْتَ مَرْتَ؞#لُكْ 10.38-39 2لِعَظَرُ وَنْدَ بَاشِدَ لَاڢِيَ طَنْعُوَنْ مَرْيَمُ نٜىٰ؞ عِتَ ثٜىٰ تَشَڢَا وَ عُبَنْغِجِ مَنْ ڧَنْشِ تَكُمَ شَارٜىٰ ڧَڢَاڢُنْسَ دَ غَاشِنْتَ؞#يَحـ 12.3 3تُواْ، یَنْعُوَنَّنْ مَتَ سُكَ عَيْكَ وَ عِيسَىٰ، سُكَثٜىٰ «عُبَنْغِجِ، غَاشِ، وَنْدَ كَكٜىٰ ڧَوْنَرْ نَنْ بَاشِدَ لَاڢِيَ؞»
4دَ عِيسَىٰ يَجِ حَكَ سَيْيَثٜىٰ «وَنَّنْ رَشِنْ لَاڢِيَ بَذَيْ كَيْ شِ مُتُوَبَ، عَمَّا ذَيْ كَٰوُاْ طَوْكَكَ نٜىٰ غَ اللَّهْ عَكُمَ غِرْمَمَ طَنْسَ؞» 5عِيسَىٰ كُوَ يَڧَوْنَثِ مَرْتَ دَ یَرْعُوَرْتَ دَ كُمَ لِعَظَرُ؞ 6عَمَّا دُكْدَهَكَ دَ يَسَامِ لَابَرِ ثٜىٰوَ لِعَظَرُ بَ شِ دَ لَاڢِيَ، يَڧَارَ ذَمَ ݣُونَ بِيُ أَوُرِنْ دَيَكٜىٰ؞
7بَايَنْ حَكَ يَثٜىٰ وَ أَلْمَجِرَنْ «مُكُواْمَ يَهُودِيَ؞»
8أَلْمَجِرَنْ سُكَثٜىٰ مَسَ «مَلَمْ، ݣُونَ ݣُونَنَّنْ ڢَا يَهُودَاوَا سُكَ نٜىٰمَ سُجٜىٰجّٜىٰڢٜىٰكَ، كُمَ ذَاكَسَاكٜىٰ كُواْمَاوَا ثَنْ؟»
9 عِيسَىٰ يَأَمْسَ يَثٜىٰ «بَ أَوَ غُواْمَشَا بِيُ نٜىٰ يِنِ غُدَا بَ؟ تُواْ، دُكْ وَنْدَ يَكٜىٰ تَڢِيَ دَ رَانَ بَايَ تُنْتُٻٜىٰ، دُوانْ يَنَ غَنِنْ حَصْكٜىٰنْ دُونِيَرْ نَنْ؞ 10عَمَّا دُكْ وَنْدَ يَكٜىٰ تَڢِيَ دَ دَرٜىٰ يَكَنْيِ تُنْتُٻٜىٰ دُوانْ بَابُ حَصْكٜىٰ أَوُرِنْسَ!»
11بَايَنْدَ عِيسَىٰ يَڢَطِ وَطَنَّنْ أَبُبُوَ، يَڧَارَثٜىٰ مُسُ «أَبُواْكِنْمُ لِعَظَرُ يَيِ بَرْثِ، عَمَّا ذَانِ إِنْتَشٜىٰشِ دَغَ بَرْثِنْ؞»
12سَيْ أَلْمَجِرَنْ سُكَثٜىٰ مَسَ «عُبَنْغِجِ، إِنْ دَيْ بَرْثِ يَطَوْكٜىٰشِ، أَيْ، ذَيْ وَرْكٜىٰ؞» 13عِيسَىٰ يَنَ نُڢِنْ لِعَظَرُ يَمُتُ نٜىٰ، عَمَّا سُو أَلْمَجِرَنْسَ سُنَ ڟَمَّنِ يَنَ بَرْثِنْ هُوتَوَا نٜىٰ؞
14سَيْ عِيسَىٰ يَغَيَ مُسُ أَ ڢِيلِ يَثٜىٰ «لِعَظَرُ يَامُتُ؞ 15سَبُواْدَكُونٜىٰ إِنَ ڢَضٍ ثِكِ يَدَّ بَانَ وُرِنْ، دُواْمِنْ كُبَادَ غَسْكِيَ؞ عَمَّا مُدَيْ تَڢِے وُرِنْسَ؞»
16سَيْ تُواْمَ، وَنْدَ عَكٜىٰثٜىٰ دَشِ یَنْ بِيُ، يَثٜىٰ وَیَنْعُوَنْسَ أَلْمَجِرَيْ «مُو مَا مُتَڢِے، مُمُتُ تَرٜىٰدَشِ؞»
عِيسَىٰ نٜىٰ تَاشِنْ مَتَتُّو دَ كُمَ رَيْ
17دَ عِيسَىٰ يَكَيْ وُرِنْ، يَجِ ثٜىٰوَ لِعَظَرُ يَمُتُ حَرْ أَنْيِ ݣُونَ حُطُ دَ بِنّٜىٰشِ عَكَبَرِ؞ 18بٜىٰتَنِ كُوَ كُسَدَ عُرُوشَلِيمَ تَكٜىٰ، بَيْ كَيْ كِلُواْمِتَ عُكُبَ؞ 19يَهُودَاوَا دَيَوَ سُكَذُواْ سُيِ وَ مَرْتَ دَ مَرْيَمُ تَعَظِيَّرْ طَنْعُوَنْسُ؞
20دَ مَرْتَ تَجِ ثٜىٰوَ عِيسَىٰ يَنَ ذُوَا، سَيْ تَتَڢِے دُواْمِنْ تَمَرَبْثٜىٰشِ؞ مَرْيَمُ كُوَ تَذَوْنَ أَغِدَا؞
21سَيْ مَرْتَ تَثٜىٰ وَ عِيسَىٰ عُبَنْغِجِ، «أَيْ، دَ كَنَنَنْ دَ طَنْعُوَنَ بَيْمُتُبَ؞ 22كُواْ يَنْذُ مَا نَسَنِ اللَّهْ ذَيْبَاكَ دُكْ أَبِنْدَ كَضُواْڧٜىٰشِ؞»
23 عِيسَىٰ يَثٜىٰ مَتَ «طَنْعُوَنْكِ ذَيْ تَاشِ؞»
24مَرْتَ تَثٜىٰ مَسَ «نَسَنِ ذَيْ رَايُ كُمَ عَتَاشِنْ مَتَتُّو أَ رَانَرْ ڧَرْشٜىٰ؞»
25سَيْ عِيسَىٰ يَثٜىٰ مَتَ «أَيْ، نِنٜىٰ تَاشِنْ مَتَتُّو، نِنٜىٰ كُمَ رَيْ؞ وَنْدَ يَكٜىٰ بَادَ غَسْكِيَ غَرٜىٰنِ، كُواْ يَمُتُ ذَيْ رَايُ؞ 26وَنْدَ يَكٜىٰ أَ رَايٜىٰ، يَكٜىٰ كُوَ غَسْكَتَادَنِے، بَذَيْ مُتُبَ حَرْ أَبَدَا؞ كِنْ غَسْكَتَادَ وَنَّنْ؟»
27سَيْ مَرْتَ تَأَمْسَ تَثٜىٰ «عِ، يَا عُبَنْغِجِ، نَبَادَ غَسْكِيَ ثٜىٰوَ كَيْنٜىٰ أَلْمَسِيحُ نَّنْ، طَنْ اللَّهْ وَنْدَ يَكٜىٰ ذُوَا دُونِيَا؞»
عِيسَىٰ يَيِ كُوكَا
28دَ تَڢَطِ حَكَ، سَيْ تَجٜىٰ تَكِرَوُاْ یَرْعُوَرْتَ مَرْيَمُ، تَثٜىٰ «مَلَمْ يَاذُواْ، كُمَ يَنَ كِرَنْكِ؞» 29دَجِنْ حَكَ، مَرْيَمُ تَيِ مَذَمَظَا تَتَاشِ تَتَڢِے وُرِنْ عِيسَىٰ؞ 30تُواْ، عِيسَىٰ دَيْ بَيْ رِغَا يَاشِغَ ثِكِنْ ڧَوْيٜىٰنْ بَ تُكُنَ؞ حَرْ يَنْذُ يَنَ وُرِنْ دَ مَرْتَ تَمَرَبْثٜىٰشِ؞ 31دَ يَهُودَاوَنْ دَسُكٜىٰ تَرٜىٰدَ مَرْيَمُ عَثِكِنْ غِدَا سُنَ مَتَ تَعَظِيَّ سُكَغَ تَتَاشِ دَ سَوْرِ تَڢِتَ، سَيْ سُكَبِتَ سُنَ ڟَمَّنِ ذَاتَ كَبَرِنْ نٜىٰ، تَيِ كُوكَا عَثَنْ؞
32دَ مَرْيَمُ تَكَيْ عِنْدَ عِيسَىٰ يَكٜىٰ، تَغَنْشِ، سَيْ تَڢَاطِ أَغَبَنْسَ، تَثٜىٰمَسَ «عُبَنْغِجِ، أَيْ دَ كَنَنَنْ دَ طَنْعُوَنَ بَيْ مُتُبَ؞»
33دَ عِيسَىٰ يَغَ تَنَ كُوكَا، يَهُودَاوَنْ دَ سُكَذُواْ تَرٜىٰدَ عِتَ سُو مَا سُنَ كُوكَا، سَيْ أَبِنْ يَدَامِ عِيسَىٰ أَ ذُوثِيَا سُواْسَيْ؞ 34سَيْ يَثٜىٰ «إِنَا نٜىٰ كُكَ بِنّٜىٰشِ؟»
سُكَثٜىٰ مَسَ «عُبَنْغِجِ، ذُواْ كَغَنِ؞»
35سَيْ عِيسَىٰ يَيِ هَوَيٜىٰ؞ 36سَبُواْدَ حَكَ يَهُودَاوَا سُكَثٜىٰ «دُوبِے يَدَّ يَكٜىٰ ڧَوْنَرْسَ!»
37عَمَّا وَطَنْسُ دَغَ ثِكِنْسُ سُكَثٜىٰ وَجُونَنْسُ «يَبُوطٜىٰ إِدَانُنْ مَكَهُوانْ ثَنْ؞ تُواْ، مٜىٰيَسَا بَيْيِ وَنِ أَبُ وَنْدَ ذَيْ حَنَ وَنَّنْ مُتُمْ مُتُوَبَ؟»
عِيسَىٰ يَتَادَ لِعَظَرُ دَغَ مَتَتُّو
38دَ عِيسَىٰ يَسَاكٜىٰ دَامُوَ أَ رَنْسَ سُواْسَيْ، يَتَڢِے كَبَرِنْ؞ كَبَرِنْ كُوَ كُواْغُوانْ دُوڟٜىٰ نٜىٰ دَ وَنِ دُوڟٜىٰ كُمَ عَكَ رُڢٜىٰ بَاكِنْ؞ 39سَيْ عِيسَىٰ يَثٜىٰ «كُتُرٜىٰ دُوڟٜىٰنْ؞»
عَمَّا مَرْتَ یَرْعُوَرْ مُتُمِنْدَ يَمُتُ تَثٜىٰ وَ عِيسَىٰ عُبَنْغِجِ، «أَيْ، يَنْذُ ذَيْ يِوَرِ، دُوانْ يَوْ ݣُونَنْسَ حُطُ كٜىٰنَنْ دَ مُتُوَ؞»
40سَيْ عِيسَىٰ يَثٜىٰ مَتَ «بَنَارِغَا نَا غَيَ مِكِ ثٜىٰوَ عِدَنْ كِنْ بَادَ غَسْكِيَ ذَاكِغَ طَوْكَكَرْ اللَّهْ بَ؟»
41سَيْ سُكَ تُرٜىٰ دُوڟٜىٰنْ؞ عِيسَىٰ كُوَ يَطَغَ كَيْ سَمَ يَثٜىٰ «يَا عُبَا، نَغُواْدٜىٰ مَكَ دَ كَسَوْرَرَتَ؞ 42كُواْ دَا مَا نَسَنِ كُلُّمْ كَنَ سَوْرَرَتَ، عَمَّا نَڢَطِ حَكَنٜىٰ دُواْمِنْ مُتَنٜىٰنْ دَسُكٜىٰ ڟَيٜىٰ أَنَنْ سُبَادَ غَسْكِيَ كَيْنٜىٰ كَعَيْكُواْنِ؞»
43دَ يَڢَطِ حَكَ سَيْ يَطَغَ مُرْيَ دَڧَرْڢِے يَثٜىٰ «لِعَظَرُ، ڢِتُواْ!» 44سَيْ مُتُمِنْدَ يَمُتُ طِنْ يَڢِتُواْ، ڧَڢَا دَ حَنُّ أَطَوْرٜىٰ دَ غُنْتَيٜىٰنْ يَدِ، ڢُسْكَرْسَ كُمَ أَ نَطٜىٰ تَكٜىٰدَ ذَنٜىٰنْ دَ عَكَ بِنّٜىٰشِ دَشِ؞
سَيْ عِيسَىٰ يَثٜىٰ مُسُ «كُكُنْثٜىٰشِ، يَتَڢِے؞»
أَنْيِ وَ عِيسَىٰ مُوغُنْ شِرِ
﴿مَتْ 26.1-5؛ مَرْ 14.1-2؛ لُكْ 22.1-2﴾
45سَبُواْدَ حَكَ يَهُودَاوَا دَيَوَ دَ سُكَذُواْ زِيَارَرْ مَرْيَمُ سُكَغَ أَبِنْدَ عِيسَىٰ يَيِ، سُكَ بَادَ غَسْكِيَ غَرٜىٰشِ؞ 46عَمَّا وَطَنْسُنْسُ سُكَ تَڢِے وُرِنْ ڢَرِسِيَاوَا، سُكَ غَيَ مُسُ أَبِنْدَ عِيسَىٰ يَيِ؞ 47دُواْمِنْ حَكَ مَنْيَنْ ڢِرِسْتُواْثِے دَ ڢَرِسِيَاوَا سُكَ تَارَ یَنْ مَجَلِسَ؞ سُكَ تَمْبَيِ جُونَ سُكَثٜىٰ «مٜىٰ مُكٜىٰيِ نٜىٰ؟ غَا وَنَّنْ مُتُمِنْ يَنَ يِنْ عَلَمُنْ بَنْ مَامَاكِ دَيَوَ! 48إِنْ ڢَا مُكَ ڨَلٜىٰشِ يَنَ يِنْ أَبُبُوَنَّنْ، دُكَنْ مُتَنٜىٰ ذَاسُ بَادَ غَسْكِيَ غَرٜىٰشِ؞ سَعَنً رُواْمَاوَا كُمَ ذَاسُذُواْ سُڨُوثٜىٰ ڧَسَرْمُ دَ كُمَ هَيْكَلِنْمُ!»
49عَمَّا طَيَنْسُ مَيْ سُونَ كَيَڢَ وَنْدَ يَكَسَنْثٜىٰ بَبَّنْ ڢِرِسْتِ أَوَنَّنْ شٜىٰكَرَا، يَثٜىٰ مُسُ «كُو دَيْ بَكُسَنْ كُواْمٜىٰبَ سَمْ! 50بَكُ لُورَبَ، أَيْ، يَڢِ سَوْڧِ مُتُمْ طَيَ يَمُتُ سَبُواْدَ مُتَنٜىٰ دَا عَثٜىٰ دُكَنْ أَلْعُمَّرْ تَهَلَّكَ؞» 51وَنَّنْ مَغَنَرْ دَ كَيَڢَ يَيِ بَا تُنَانِنْ كَنْسَ بَنٜىٰ، عَمَّا دَيَكٜىٰ شِينٜىٰ بَبَّنْ ڢِرِسْتِ أَوَنَّنْ شٜىٰكَرَا، يَيِ أَنَّبْثِ ثٜىٰوَ عِيسَىٰ ذَيْمُتُ سَبُواْدَ أَلْعُمَّرْ يَهُودَاوَا، 52بَمَا سَبُواْدَ يَهُودَاوَا كَطَيْبَ، عَمَّا دُواْمِنْ يَتَتَّارُواْ یَیَنْ اللَّهْ وَطَنْدَ سُكَ بَظُو كُواْعِنَ سُذَمَ طَيَ؞
53تُنْدَغَ وَنَّنْ رَانَ سُكَيِ شَوَرَا يَدَّ ذَاسُ كَشٜىٰ عِيسَىٰ؞ 54سَبُواْدَ حَكَ عِيسَىٰ بَيْ ڧَارَ تَڢِيَ ثِكِنْ يَهُودَاوَا أَ ڢِيلِ بَ، عَمَّا يَبَرْ وُرِنْ، يَتَڢِے ڧَسَرْدَ تَكٜىٰ كُسَدَ دَاجِ، يَشِغَ وَنِ غَرِ مَيْ سُونَ إِڢْرَيِمْ؞ أَ نَنْ نٜىٰ يَذَوْنَ دَ أَلْمَجِرَنْسَ؞
55دَ بِكٍ ڧٜىٰتَرٜىٰوَ نَ يَهُودَاوَا يَيِ كُسَ، مُتَنٜىٰ دَيَوَ دَغَ ڧَوْيٜىٰ سُكَ هَوْرَ ذُوَا عُرُوشَلِيمَ دُواْمِنْ سُڟَبْتَثٜىٰ كَنْسُ بِسَغَ أَلْعَادَرْسُ كَاڢِنْ بِكٍ؞ 56سُكَيِ تَنٜىٰمَنْ عِيسَىٰ، سُنَ ڟَيْڟَيٜىٰ أَ هَيْكَلِ سُنَ تَمْبَيَرْ جُونَ، سُنَ ثٜىٰوَ «مٜىٰكُكَ غَنِ؟ ذَيْذُواْ بِكٍ كُوَ؟» 57دُواْمِنْ دَا مَا مَنْيَنْ ڢِرِسْتُواْثِے دَ ڢَرِسِيَاوَا سُنْرِغَا سُنْبَادَ دُواْكَا ثٜىٰوَ دُكْ وَنْدَ يَسَنْ عِنْدَ عِيسَىٰ يَكٜىٰ، يَذُواْ يَڢَطَا دُواْمِنْ سُكَامَشِ؞
Currently Selected:
يَحْيَى 11: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
