يَحْيَى 10
10
مِصَالِنْ مَكِيَايِ دَ غَرْكٜىٰنْ تُمَكِنْسَ
1«حَڧِيڧَ، إِنَ غَيَ مُكُ، دُكْ وَنْدَ بَيْ شِغَ وُرِنْ دَ عَكٜىٰ أَجِيٜىٰ تُمَكِ تَڧُواْڢَبَ، عَمَّا يَهَوْرَ يَشِغَ ثِكِ تَوَنِ غٜىٰڢٜىٰ، تُواْ، شِے ٻَرَوُاْ نٜىٰ، طَنْ ڢَشِنٜىٰ كُمَ؞ 2وَنْدَ يَشِغَ تَڧُواْڢَرْ كُوَ، شِينٜىٰ مَكِيَايِنْ تُمَكِنْ؞ 3مَيْغَادِنْ ڧُواْڢَرْ يَكَنْ بُوطٜىٰ مَسَ؞ تُمَكِنْ كُمَ سُكَنْ سَوْرَرِ مُرْيَرْ مَكِيَايِنْ؞ يَكَنْ كِرَا تُمَكِنْسَ دَ سُونَيٜىٰنْسُ يَبِيدَسُو يَكَيْسُ وَجٜىٰ؞ 4بَايَنْدَ يَڢِتَرْدَ دُكَنْ نَاسَ وَجٜىٰ، سَيْ يَيِ تَڢِيَ أَغَبَ، تُمَكِنْ كُمَ سُنَ بِنْسَ عَبَايَ دُواْمِنْ سُنْ سَنْ مُرْيَرْسَ؞ 5بَذَاسُبِے بَڧُواْبَ، سَيْدَيْ سُغُجٜىٰشِ، دُوانْ بَسُسَنْ مُرْيَرْ بَڧُواْبَ؞» 6عِيسَىٰ يَڢَطَا وَمُتَنٜىٰنْ وَنَّنْ مِصَالِ، عَمَّا بَسُغَانٜىٰ أَبِنْدَ يَكٜىٰ ڢَطَا مُسُبَ؞
عِيسَىٰ نٜىٰ مَكِيَايِ مَيْ ݣَوْ
7دُواْمِنْ حَكَ عِيسَىٰ يَسَاكٜىٰثٜىٰ مُسُ «حَڧِيڧَ، إِنَ غَيَ مُكُ، نِنٜىٰ ڧُواْڢَرْ تُمَكِنْ؞ 8دُكْ وَطَنْدَ سُكَذُواْ كَاڢِنْ نِے ٻَرَيِ نٜىٰ دَ یَنْ ڢَشِ، كُمَ تُمَكِنْ مَا بَسُجِيسُبَ؞ 9نِنٜىٰ ڧُواْڢَرْ، وَنْدَ يَشِغَ تَوُرِينَ ذَيْسَامِ ثٜىٰتُواْ، ذَيْ شِغَ يَكُمَ ڢِتَ يَنَ كِيوُاْ؞ 10ٻَرَوُاْ يَكَنْذُواْ نٜىٰ كَوَيْ دُوانْ سَاتَادَ كِسَا دَ كُمَ هَلَّكَرْوَ؞ عَمَّا نَذُواْ نٜىٰ دُواْمِنْ سُسَامِ رَيْ، سُكُمَ سَامٜىٰشِ ثِكَكّٜىٰ؞
11«نِنٜىٰ مَكِيَايِ مَيْݣَوْ؞ مَكِيَايِ مَيْݣَوْ كُوَ شِينٜىٰ يَكَنْ بَادَ رَنْسَ دُواْمِنْ تُمَكِنْ؞ 12طَنْ هَيَرْ دَ عَكَيِ هَيَرْسَ دُوانْ كِيوُاْ، شِے بَمَكِيَيِ بَنٜىٰ، تُمَكِنْ كُمَ بَنَاسَ بَنٜىٰ؞ سَبُواْدَ حَكَ دَ غَنِنْ ݣَرْكٜىٰثِ يَنَ ذُوَا دَ غُدُ، سَيْ يَبَرْ تُمَكِنْ يَغُدُ؞ ݣَرْكٜىٰثِ كُوَ يَكَامَ تُمَكِنْ يَكُمَ وَرْوَاڟَرْدَ سَوْرَنْ؞ 13مُتُمِنْ يَغُدُ نٜىٰ دُواْمِنْ عَيْكِنْ كُطِ نٜىٰ كَوَيْ يَكٜىٰيِ، كُمَبَا أَبِنْدَ يَدَامٜىٰشِ دَ تُمَكِنْ؞
14«نِنٜىٰ مَكِيَايِ مَيْݣَوْ؞ نَسَنْ نَوَ، نَوَ كُمَ سُنْسَنْ نِے، 15كَمَرْ يَدَّ دَيْ نَسَنْ عُبَا، عُبَنْ كُمَ يَسَنْ نِے؞ إِنَ كُمَ بَادَ رَيْنَ دُواْمِنْ تُمَكِنْ؞#مَتْ 11.27؛ لُكْ 10.22 16إِنَدَ وَطَنْسُ تُمَكِ كُمَ وَطَنْدَ بَنَوَنَّنْ غَرْكٜىٰ بَنٜىٰ؞ سُو مَا دُواْلٜىٰنٜىٰ إِنْكَٰوُاْسُ؞ ذَاسُ كُوَ سَوْرَرِ مُرْيَتَ، ذَاسُ ذَمَ غَرْكٜىٰ طَيَ، مَكِيَايِ طَيَ كُمَ؞ 17أَبِنْ دَ يَسَا عُبَا يَنَ ڧَوْنَتَ كٜىٰنَنْ، سَبُواْدَ إِنَبَادَ رَيْنَ دُواْمِنْ إِنْ سَاكٜىٰ طَوْكُواْ شِ كُمَ؞ 18بَا مَيْ ڨُوثٜىٰ مِنِ رَيْ، دُواْمِنْ نِے دَكَيْنَ نَكٜىٰ بَادَشِ؞ إِنَدَ إِيكُواْ إِنْبَادَشِ، إِنَدَ إِيكُواْ إِنْ طَوْكُواْ شِ كُمَ؞ أَبِنْ دَ عُبَانَ يَعُمَرْثٜىٰنِ إِنْيِ كٜىٰنَنْ؞»
19سَبُواْدَ وَنَّنْ مَغَنَرْ دَ عِيسَىٰ يَيِ، سَيْ يَهُودَاوَا سُكَ شِغَ مُهَوَرَ دَ جُونَ كُمَ؞ 20دَ يَوَ دَغَ ثِكِنْسُ، سُكَثٜىٰ «أَيْ، يَنَدَ أَلْجَنِ نٜىٰ، شِيَسَا يَكٜىٰ هَوْكَ؞ دُوانْمٜىٰ ذَاكُ سَوْرَرٜىٰشِ؟»
21عَمَّا وَطَنْسُ كُوَ سُكَثٜىٰ «أَعَ، أَيْ، وَنَّنْ مَغَنَ بَتَمَيْ أَلْجَنِ بَثٜىٰ؞ أَشٜىٰ، أَلْجَنِ ذَيْ عِيَ بُوطٜىٰوَ مَكَهُواْ عِدُواْ؟»
يَهُودَاوَا سُنْ ڧِ عِيسَىٰ
22لُواْكَثِنْ سَنْيِ نٜىٰ أَنَ كُمَ بِكٍ مِيڧَاوَرْ هَيْكَلِ#10.22 بِكٍ مِيڧَاوَرْ هَيْكَلِ: دُوبِے مَعَنَرْ وَطَنْسُ كَلْمُواْمِ؞ أَ عُرُوشَلِيمَ؞ 23عِيسَىٰ كُوَ يَنَ ذَاغَيَ أَ ذَوْرٜىٰنْ سُلَيْمَٰنُ عَثِكِنْ هَيْكَلِ، 24سَيْ يَهُودَاوَا سُكَ كٜىٰوَيٜىٰشِ، سُكَثٜىٰ مَسَ «حَرْ يَوْشٜىٰ ذَاكَبَرْمُ ثِكِنْ شَكَّ؟ إِنْ دَيْ كَيْنٜىٰ أَلْمَسِيحُنْ كَغَيَ مَنَ أَ ڢِيلِ؞»
25 عِيسَىٰ يَأَمْسَ مُسُ يَثٜىٰ «أَيْ، نَارِغَا نَا غَيَ مُكُ بَكُبَادَ غَسْكِيَابَ؞ أَيُّكَنْ دَ نَكٜىٰيِ عَثِكِنْ سُونَنْ عُبَانَ سُونٜىٰ سُكٜىٰ نُونَ كُواْوَنٜىٰنٜىٰنِ؞ 26عَمَّا بَكُ بَادَ غَسْكِيَابَ، دُواْمِنْ كُو بَا تُمَكِينَ بَنٜىٰ؞ 27غَمَا تُمَكِينَ سُكَنْيِ بِيَيَّ دَ أَبِنْدَ نَكٜىٰ ڢَطَا، نَسَنْسُ، سُنَ بِنَ كُمَ؞ 28إِنَبَاسُ رَيْ نَهَرْ أَبَدَا، كُمَ بَذَاسُ تَٻَ مُتُوَبَ، كُمَ بَاوَنْدَ ذَيْڨُوثٜىٰسُ دَغَ هَنُّونَ؞ 29عُبَانَ وَنْدَ يَبَانِ تُمَكِنْ يَڢِ دُكَ غِرْمَ،#10.29 عُبَانَ...يَڢِ دُكَ غِرْمَ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ «أَبِنْدَ عُبَانَ يَبَا نِے يَڢِ دُكَ غِرْمَ» نٜىٰ أَنَنْ؞ بَا كُوَ مَيْ عِيَ ڨُوثٜىٰ تُمَكِينَ دَغَ حَنُّنْسَ؞ 30دَنِے دَ عُبَنْ، طَيَنٜىٰ؞»
31سَيْ يَهُودَاوَا سُكَسَاكٜىٰ طٜىٰبُواْ دُوَڟُو دُواْمِنْ سُجٜىٰجّٜىٰڢٜىٰشِ؞ 32سَيْ عِيسَىٰ يَأَمْسَ مُسُ يَثٜىٰ «نَيِ مُكُ أَيُّكَ مَاسُ ݣَوْ مَاسُيَوَ كُمَ دَغَ وُرِنْ عُبَا، عَكَنْ وَنّٜىٰ عَثِكِنْسُ ذَاكُ جٜىٰجّٜىٰڢٜىٰنِ؟»
33يَهُودَاوَا سُكَ أَمْسَ مَسَ سُكَثٜىٰ «أَيْ، بَدُوانْ وَنِ عَيْكِ مَيْݣَوْ دَكَيِ نٜىٰ ذَامُ جٜىٰجّٜىٰڢٜىٰكَبَ، عَمَّا دُوانْ مَغَنَرْ صَاٻُواْ غَ اللَّهْ نٜىٰ؞ كَيْ دَكَكٜىٰ مُتُمْ كَوَيْ كَنَ مَيْدَ كَنْكَ دَيْدَيْ دَ اللَّهْ؞»#لِـ ڢِرْ 24.16
34 عِيسَىٰ يَأَمْسَ مُسُ يَثٜىٰ «أَيْ، أَرُبُوثٜىٰ يَكٜىٰ أَ كُواْيَرْوَرْكُ ثٜىٰوَ اللَّهْ يَثٜىٰ، ‹نَثٜىٰ كُو أَلُّواْلِ نٜىٰ؞›#زَبُو 82.6 35مُنْ دَيْ سَنْ ثٜىٰوَ رُبُوتَثِّيَرْ مَغَنَرْ اللَّهْ بَاتَڧَضْيَا؞ عِدَنْ عُبَنْغِجِ يَثٜىٰ دَ وَطَنْدَ سُكَجِ سَڧُوانْسَ ‹أَلُّواْلِ›، 36تُواْ، نِے وَنْدَ عُبَا يَكٜىٰٻٜىٰ يَكُمَ عَيْكُواْ نِے دُونِيَا، مَغَنَرْ رٜىٰنِ غَ اللَّهْ نَكٜىٰيِ كٜىٰنَنْ دَنَثٜىٰ، ‹نِے طَنْ اللَّهْ نٜىٰ›؟ 37إِنْ بَ أَيُّكَنْ دَ عُبَانَ يَكٜىٰيِ سُو نَكٜىٰيِبَ، تُواْ، كَدَ كُغَسْكَتَادَنِے؞ 38عَمَّا إِنْ سُو نَكٜىٰيِ، كُواْ بَكُغَسْكَتَادَنِے بَ، كُغَسْكَتَادَ أَيُّكَنْ، دُوانْ كُسَنِ، كُكُمَ غَانٜىٰ ثٜىٰوَ عُبَنْ يَنَ ثِكِنَ، نِے كُمَ إِنَ ثِكِنْ عُبَنْ؞»
39سَيْ سُكَسَاكٜىٰيِنْ ڧُواْڧَرِنْ كَامَ عِيسَىٰ، عَمَّا يَڢِتَ دَغَ حَنُّنْسُ؞
40سَعَنً عِيسَىٰ يَسَاكٜىٰ كُواْمَاوَا ڧٜىٰتَرٜىٰنْ كُواْغِنْ يُواْدَنْ وُرِنْ دَ يَحْيَى يَيِ بَڢْتِسْمَ دَ ڢَرْكُواْ، يَذَوْنَ عَثَنْ؞#يَحـ 1.28 41سَيْ مُتَنٜىٰ دَيَوَ سُكَذُواْ وُرِنْسَ؞ مُتَنٜىٰنْ سُكَ دِنْغَ ثٜىٰوَ «أَيْ، يَحْيَى بَيْتَٻَيِنْ عَلَمَرْ بَنْ مَامَاكِ بَ، عَمَّا دُكْ أَبِنْدَ يَڢَطَا غَمٜىٰدَ وَنَّنْ مُتُمْ غَسْكِيَ نٜىٰ؞» 42أَوَنَّنْ وُرِے كُوَ مُتَنٜىٰ دَيَوَ سُكَ بَادَ غَسْكِيَ غَ عِيسَىٰ؞
Currently Selected:
يَحْيَى 10: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
