ڢَارَوَ 12

يَهْوٜىٰهْ يَا كِرَا إِبْرَمْ

1سَيْ يَهْوٜىٰهْ يَثٜىٰ وَ إِبْرَمْ ‏«‏تَاشِ دَغَ ڧَسَرْكَ دَغَ یَنْعُوَنْكَ دَغَ غِدَنْ بَابَنْكَ، كَتَڢِے ڧَسَرْدَ ذَنْ نُونَ مَكَ؞#أَيُّكَنْ 7‏.2‏-3؛ إِبْرَ 11‏.8

2‏«‏ذَنْسَا كَذَمَ بَبَّرْ أَلْعُمَّ،

ذَنْ أَلْبَرْكَثٜىٰكَ،

إِنْسَا كَيِسُونَ،

دُواْمِنْ كَذَمَ حَنْيَرْ أَلْبَرْكَ غَ وَطَنْسُ؞

3دُكْ وَنْدَ يَا أَلْبَرْكَثٜىٰكَ،

نِے ذَنْ أَلْبَرْكَثٜىٰشِ؞

دُكْ وَنْدَ يَا رٜىٰنَكَ،

نِے ذَنْ لَعَنْتَشِ؞

دُكَنْ ڧَبِيلُنْ دُونِيَا،

ذَاكَ ذَمَ مُسُ حَنْيَرْ أَلْبَرْكَ؞»‏#أَيُّكَنْ 3‏.25

4سَيْ إِبْرَمْ يَتَڢِے كَمَرْ يَدَّ يَهْوٜىٰهْ يَڢَطَا مَسَ، لُوطُ كُمَ يَا تَڢِے تَرٜىٰ دَشِ؞ أَ لُواْكَثِنْ دَ إِبْرَمْ يَا بَرْ هَرَنْ، يَنَدَ شٜىٰكَرَا سَبَعِنْ دَ بِيَرْ؞ 5إِبْرَمْ كُوَ يَا طَوْكِ مَاتَرْسَ سَارَيَ دَ لُوطُ يَرُوانْ طَنْعُوَنْسَ دَ دُكَنْ كَايَنْسُ وَطَنْدَ سُكَ تَارَ أَوُرِنْ دَ مُتَنٜىٰنْ دَ سُكَ تَارَ أَ هَرَنْ، دُكَنْسُ سُكَ كَامَ حَنْيَرْ ڧَسَرْ كَنْعَنَ؞

سَعَدَّ سُكَ إِسُواْ ڧَسَرْ كَنْعَنَ، 6إِبْرَمْ يَا رَڟٜىٰ تَڧَسَرْ ذُوَا وَنِ وُرِے مَيْ سُونَ شٜىٰكٜىٰمْ، أَوَجٜىٰنْ إِتَاثٜىٰنْ ڟَاڢِ أَ مُواْرٜىٰ؞ أَ لُواْكَثِنَّنْ كَنْعَنِيَاوَا سُنَ عَڧَسَرْ؞ 7سَعَنً يَهْوٜىٰهْ يَا بَيَّنَ غَ إِبْرَمْ، يَثٜىٰ ‏«‏غَ ذُرِيَرْكَ ذَنْبَادَ وَنَّنْ ڧَسَا؞»‏ أَوُرِنْ سَيْ يَغِنَ بَغَدٜىٰ غَ يَهْوٜىٰهْ وَنْدَ يَبَيَّنَ غَرٜىٰشِ؞#أَيُّكَنْ 7‏.5؛ غَلْ 3‏.16 8دَغَنَنْ يَا وُثٜىٰ ذُوَا يَنْكِنْ تُدَّنْ غَبَسْ دَ بٜىٰتٜىٰلْ، يَا كَڢَ تٜىٰنْتِنْسَ ڟَكَانِنْ غَرِنْ بٜىٰتٜىٰلْ أَغٜىٰڢٜىٰنْ يَمَّ دَ غَرِنْ أَيْ أَغٜىٰڢٜىٰنْ غَبَسْ؞ أَوُرِنْ نٜىٰ يَا غِنَا بَغَدٜىٰ غَ يَهْوٜىٰهْ يَا كُمَ كِرَا غَ سُونَنْ يَهْوٜىٰهْ ثِكِنْ سُجَّدَ؞ 9إِبْرَمْ يَاثِيغَبَدَ تَڢِيَ دَغَ ذَنْ‌غُواْ ذُوَا ذَنْ‌غُواْ يَا نُڢِ نٜىٰغٜىٰبْ عَكُدُ؞

إِبْرَمْ دَ سَارَيَ أَ مَصَرْ

10أَنَانً سَيْ عَكَيِ يُنْوَ عَڧَسَرْ؞ سَبُواْدَ حَكَ إِبْرَمْ يَا غَنْ‌غَرَ ذُوَا مَصَرْ دُواْمِنْ ذَمَنْ بَڧُنْثِ أَوُرِنْ، غَمَا يُنْوَ تَايِ ڟَنَنِ عَڧَسَرْ؞ 11دَ يَيِ كُسَنْ شِغَ مَصَرْ، سَيْيَثٜىٰ وَمَاتَرْسَ سَارَيَ ‏«‏نَا سَنِ كٜىٰ ݣَكْݣَوَرْ مَثٜىٰثٜىٰ، 12عِدَنْ كُوَ مَصَرَاوَا سُكَ غَنْكِ ذَاسُثٜىٰ، ‏‹‏أَيْ، غَا مَاتَرْسَ!‏›‏ سَعَنً ذَاسُ كَشٜىٰنِ، عَمَّا ذَاسُبَرْكِ دَ رَيْ؞ 13كِثٜىٰمُسُ كٜىٰ یَرْعُوَتَ ثٜىٰ، دُواْمِنْ تَدَلِيلِنْكِ إِنْ ذَوْنَ لَاڢِيَ، عَكُمَ ثٜىٰثِ رَيْنَ؞»‏#ڢَارْ 20‏.2؛ 26‏.7 14سَعَدَّ إِبْرَمْ يَشِغَ مَصَرْ كُوَ، سَيْ مَصَرَاوَنْ سُكَغَ ثٜىٰوَ سَارَيَ ݣَكْݣَاوَا ثٜىٰ سُواْسَيْ؞ 15دَ دَتَّاوَنْ سَرْكِے ڢِرْعَوْنَ نَ مَصَرْ سُكَ غَنْتَ، سَيْ سُكَ يَبٜىٰتَ أَغَبَنْسَ؞ سَيْ عَكَ طَوْكِ سَارَيَ ذُوَا غِدَنْ ڢِرْعَوْنَ؞ 16سَبُواْدَ عِتَ، سَيْ يَيِ وَ إِبْرَمْ أَلْحٜىٰرِ سُواْسَيْ؞ يَا بَاشِ تُمَكِ دَ شَانُو دَ جَاكُنَ مَظَا دَ مَاتَادَ بَايِ مَظَا دَ مَاتَادَ رَاڧُمَ؞

17عَمَّا يَهْوٜىٰهْ يَا سَوْكَرْ دَ بَلَعِ مَيْ ڟَنَنِ وَ ڢِرْعَوْنَ دَ غِدَنْسَ سَبُواْدَ سَارَيَ، مَاتَرْ إِبْرَمْ؞ 18سَيْ ڢِرْعَوْنَ يَكِرَا إِبْرَمْ، يَثٜىٰ ‏«‏وَنٜىٰ إِرِنْ أَبُ كٜىٰنَنْ كَيِ مِنِ حَكَ؟ دُوانْمٜىٰنٜىٰ نٜىٰ بَكَڢَطَا مِنِ ثٜىٰوَ عِتَ مَاتَرْكَثٜىٰ بَ؟ 19دُوانْمٜىٰ كَثٜىٰ عِتَ یَرْعُوَرْكَثٜىٰ، حَرْ نَا طَوْكٜىٰتَ تَذَمَ مَاتَتَ؟ تُواْ، غَا مَاتَرْكَ، طَوْكٜىٰتَ كَتَڢِے؞»‏ 20سَرْكِے ڢِرْعَوْنَ يَا بَادَ عُمَرْنِ غَمٜىٰدَشِ؞ عَكَ كُوَ بِدَشِ يَكَامَ حَنْيَ تَرٜىٰدَ مَاتَرْسَ دَ دُكَنْ أَبِنْدَ يَكٜىٰدَشِ؞

Currently Selected:

ڢَارَوَ 12: hauAS

Highlight

Copy