أَيُّكَنْ مَنْذَنِّے 5
5
هَنَنِيَ دَ سَڢِرَتُ
1عَمَّا وَنِ مُتُمْ مَيْ سُونَ هَنَنِيَ، تَرٜىٰدَ مَاتَرْسَ سَڢِرَتُ، يَسَيَرْ دَ وَنِ أَبِنْدَ يَكٜىٰدَشِ؞ 2سَيْ يَٻُواْيٜىٰ وَنِ أَبُ دَغَ ثِكِنْ كُطِنْ دَ سَنِنْ مَاتَرْسَ، يَكَٰوُاْ سَاشٜىٰ كَوَيْ يَ أَجِيٜىٰ أَغَبَنْ مَنْذَنِّے؞ 3سَيْ بِتْرُسْ يَثٜىٰ «كَيْ هَنَنِيَ، تَيَيَا كَبَرْ شَيْطَنْ يَثِكَ ذُوثِيَارْكَ، حَرْ كَيِ وَ رُوحُ مَيْ ڟَرْكِے ڧَضْيَا، كَكُمَ ٻُواْيٜىٰ وَنِ أَبُ دَغَ ثِكِنْ كُطِنْ غُواْنَرْ؟ 4كَاڢِنْ كَسَيَرْ بَتَكَبَثٜىٰ؟ بَايَنْدَ كَسَيَرْ مَا، بَعَسَاكَ دُواْلٜىٰ كَبَادَ كُطِنْبَ؞ تَيَيَا كَيِ وَنَّنْ تُنَانِ أَ ذُوثِيَارْكَ؟ أَيْ، بَمُتُمْ كَيِوَ ڧَضْيَابَ، اللَّهْ كَيِوَ؞» 5دَجِنْ وَنَّنْ مَغَنَرْ كُوَ، هَنَنِيَ يَڢَاطِ يَمُتُ؞ مُتَنٜىٰنْ دَ سُكَجِ كُوَ، ڟُواْرُواْ يَكَامَسُ سُواْسَيْ؞ 6سَمَارِ سُكَتَاشِ سُكَ نَطٜىٰ جِكِنْسَ دَ يَدِ، سُكَ طَوْكٜىٰشِ ذُوَا وَجٜىٰ سُكَ بِنّٜىٰ؞
7بَايَنْ كَمَرْ أَوَ عُكُ، مَاتَرْ هَنَنِيَ تَشِغُواْ، بَتَسَنْ أَبِنْدَ يَڢَرُبَ؞ 8سَيْ بِتْرُسْ يَثٜىٰ مَتَ «غَيَ مِنِ، وَنَّنْ شِينٜىٰ إِيَاكَثِنْ كُطِنْدَ عَكَ بِيَكُ عَكَنْ غُواْنَرْ نَنْ؟»
سَيْتَثٜىٰ «عِ، إِيَاكَثِنْ كُطِنْ كٜىٰنَنْ؞»
9عَمَّا بِتْرُسْ يَثٜىٰ مَتَ «يَيَ كُكَ حَطَ بَاكِ كُڠُودَ رُوحٌ عُبَنْغِجِ؟ غَاشِ، كِجِ تَڢِيَرْ وَطَنْدَ سُكَ بِنّٜىٰ مِجِنْكِ، سُنَ بَاكِنْ ڧُواْڢَ، ذَاسُ كُوَ طَوْكٜىٰكِ سُڢِتَرْ دَكٜىٰ؞» 10نَنْ تَكٜىٰ تَڢَاطِ أَغَبَنْسَ، تَمُتُ؞ دَ سَمَارِنْ سُكَ شِغُواْ سُكَ سَامٜىٰتَ تَمُتُ، سَيْ سُكَ طَوْكٜىٰتَ، سُكَ ڢِتَرْدَ عِتَ، سُكَ بِنّٜىٰتَ تَغٜىٰڢٜىٰنْ مِجِنْتَ؞ 11سَيْ بَبَّنْ ڟُواْرُواْ يَكَامَ دُكَنْ جَمَعَرْ مَاسُبِے دَ دُكْ وَطَنْدَ سُكَجِ لَابَرِنْ وَطَنَّنْ أَبُبُوَ؞
مَنْذَنِّےنْ سُنْيِ أَبُبُوَنْ بَنْ مَامَاكِ دَ يَوَ
12تُواْ، أَنْيِ عَلَمُ دَ أَيُّكَنْ مَامَاكِ مَاسُيَوَ ثِكِنْ مُتَنٜىٰ تَوُرِنْ مَنْذَنِّے؞ دُكَنْ مَاسُبِے كُوَ سُكَنْ تَارُ أَ ذَوْرٜىٰنْ سُلَيْمَٰنُ أَ ڢِيلِنْ هَيْكَلِ؞ 13عَمَّا عَثِكِنْ سَوْرَنْ مُتَنٜىٰ، بَاوَنْدَ يَيِ ڧَرْڢِنْ حَلِنْ شِغَ ثِكِنْسُ، كُواْدَيَكٜىٰ جَمَعَ سُنَبَاسُ غِرْمَ؞
14دُكْدَهَكَ مَاسُ بَادَ غَسْكِيَ غَ عُبَنْغِجِ سُكَيِ تَڧَارُوَ دَ جَمَعَ مَاسُيَوَنْ غَسْكٜىٰ نٜىٰ، مَظَا دَ مَاتَا؞ 15حَرْ مَا يَكَيْ غَ مُتَنٜىٰ سُنَ ڢِتُواْ دَ مَرَسَ لَاڢِيَ تِيتِ تِيتِ، سُنَ شِمْڢِطَاسُ عَكَنْ غَدَجٜىٰ دَ تَبَرْمِ؞ سُنَ ڢَتَ ثٜىٰوَ عِدَنْ بِتْرُسْ يَذُواْ وُثٜىٰوَ كُواْ إِنُوَرْسَ مَا تَبِتَ كَنْ وَطَنْسُنْسُ؞ 16مُتَنٜىٰ دَيَوَ كُوَ سُكَيِ تَتَارُوَ دَغَ غَرُضُوً دَسُكٜىٰ كٜىٰوَيٜىٰنْ عُرُوشَلِيمَ، سُنَ تَكَٰوُاْ مَرَسَ لَاڢِيَ دَ وَطَنْدَ ڧَظَامَنْ رُوحُواْحِ سُكٜىٰبَاسُ وَهَلَ، دُكَنْسُ كُوَ عَكَ وَرْكَرْ دَسُو؞
مَنْذَنِّے سُنْ شَ وَهَلَ سَبُواْدَ بَنْغَسْكِيَرْسُ
17سَيْ بَبَّنْ ڢِرِسْتِ تَرٜىٰدَ دُكَنْ وَطَنْدَ سُكٜىٰ تَرٜىٰدَشِ، وَتُواْ یَنْ ڧُنْغِيَرْ سَدُوكِيَاوَا، سُنْ جِكِيشِنْ مَنْذَنِّےنْ سُواْسَيْ؞ 18سَبُواْدَ حَكَ سُكَ تَاسُواْ سُكَ كَامَ مَنْذَنِّےنْ، سُكَسَاسُ عَكُرْكُكُ؞ 19عَمَّا دَ دَرٜىٰ سَيْ وَنِ مَلاَىِٕكَنْ عُبَنْغِجِ يَبُوطٜىٰ ڧُواْڢُواْڢِنْ كُرْكُكُنْ، يَڢِتُواْ دَسُو، يَثٜىٰ، 20«كُجٜىٰ كُڟَيَ ثِكِنْ هَيْكَلِ كُڢَطَا وَمُتَنٜىٰ دُكَنْ مَغَنَرْ وَنَّنْ سَابُوانْ رَيْ؞» 21دَسُكَجِ حَكَ، سُكَ شِغَ هَيْكَلِنْ دَ سَسَّڢٜىٰ، سُنَ كُواْيَرْوَا؞
سَعَدَّ بَبَّنْ ڢِرِسْتِ دَ وَطَنْدَ سُكٜىٰ تَرٜىٰ دَشِ سُكَ تَارُ، سُكَ كِرَا مَجَلِسَ دَ دُكَنْ شُوغَبَنِّنْ إِسْرَٰٓءِيلَ، سُكَ عَيْكَ ذُوَا كُرْكُكُ عَكَٰوُاْ مَنْذَنِّےنْ؞ 22عَمَّا دَ مَاسُ غَادِنْ هَيْكَلِ سُكَجٜىٰ، بَسُ سَامٜىٰسُ عَكُرْكُكُنْ بَ، سُكَ دَاوُاْ سُكَ بَادَ لَابَرِ، سُكَثٜىٰ، 23«مُنْ سَامِ كُرْكُكُنْ عَكُلّٜىٰ سُواْسَيْ، مَاسُ غَادِ كُمَ سُنَ غَادِنْ بَاكِنْ ڧُواْڢُواْڢِنْ، عَمَّا دَ مُكَ بُوطٜىٰ، سَيْ مُكَ سَامُ بَا كُواْوَ عَثِكِ؞» 24دَ شُوغَبَنْ مَاسُ غَادِنْ هَيْكَلِ دَ مَنْيَنْ ڢِرِسْتُواْثِے سُكَجِ حَكَ، سُكَ ضِكِثِے سُواْسَيْ، سُنَ تُنَانِنْ أَبِنْدَ وَنَّنْ ذَيْ كَٰوُاْ؞
25سَيْ وَنِ يَذُواْ يَثٜىٰمُسُ «أَيْ، غَاشِ، مُتَنٜىٰنَّنْ دَ كُكَسَا عَكُرْكُكُ سُنَ ڟَيٜىٰ أَ هَيْكَلِ، سُنَ كُواْيَرْ دَ جَمَعَ؞» 26سَيْ مَاسُ غَادِنْ هَيْكَلِنْ تَرٜىٰدَ شُوغَبَنْسُ سُكَجٜىٰ سُكَ كَٰوُاْ مَنْذَنِّےنْ، عَمَّا ڢَا بَدَڧَرْڢِبَ، دُوانْ شُوغَبَنِّنْ سُنَ ڟُواْرُواْ كَدَ جَمَعَ سُجٜىٰجّٜىٰڢٜىٰسُ دَدُوَڟُو؞
27دَسُكَ كَٰوُاْ مَنْذَنِّےنْ، سُكَسَا سُكَ ڟَيَ أَغَبَنْ مَجَلِسَ؞ سَيْ بَبَّنْ ڢِرِسْتِ يَتَمْبَيٜىٰسُ، 28يَثٜىٰ «مُنْجَا مُكُ كُنّٜىٰ سُواْسَيْ كَدَ كُڧَارَيِنْ كُواْيَرْوَا ثِكِنْ سُونَنَّنْ، عَمَّا غَاشِ كُنْ ثِكَ عُرُوشَلِيمَ دُكْ دَ كُواْيَرْوَرْكُ، حَرْ مَا كُنَ نٜىٰمَ كُتُورَ مَنَ أَلْحَكِنْ جِنِنْ مُتُمِنَّنْ؞»#مَتْ 27.25
29عَمَّا بِتْرُسْ دَ مَنْذَنِّےنْ سُكَ أَمْسَ سُكَثٜىٰ «دُواْلٜىٰنٜىٰ مُيِ وَ اللَّهْ بِيَيَّ ڢِيٜىٰدَ مُيِ وَمُتُمْ؞ 30اللَّهْ نَكَاكَنِّنْمُ يَتَادَ عِيسَىٰ، وَنْدَ كُكَ كَشٜىٰ تَوُرِنْ غِثِّيٜىٰشِ عَكَنْ غُنْغُمٜىٰنْ إِتَاثٜىٰ؞ 31شِينٜىٰ اللَّهْ يَطَوْكَكَ غَ دَامَنْسَ يَذَمَ شُوغَبَادَ كُمَ مَيْ ثٜىٰتُواْ، دُواْمِنْ يَبُوطٜىٰوَ إِسْرَٰٓءِيلَ حَنْيَرْ تُوبَ، سُكُمَ سَامِ غَاڢَرَرْ ذُنُبَنْسُ؞ 32مُو كُوَ شَيْدُنٜىٰ غَ وَطَنَّنْ أَبُبُوَ، حَكَكُمَ رُوحُ مَيْ ڟَرْكِے، وَنْدَ اللَّهْ يَبَا مَاسُ يِمَسَ بِيَيَّ؞»
33دَ شُوغَبَنِّنْ سُكَجِ حَكَ، سَيْ سُكَجِ ڢُشِے سُواْسَيْ، حَرْ سُكَسُواْ سُكَشٜىٰ مَنْذَنِّےنْ؞ 34عَمَّا وَنِ بَڢَرِسِيٜىٰ مَيْ سُونَ غَمَلِيٜىٰلْ، مَلَمِنْ كُواْيَرْوَرْ مُوسَٰى، وَنْدَ دُكَنْ جَمَعَ سُنَ بَاشِ غِرْمَ، يَتَاشِ ڟَيٜىٰ ثِكِنْ مَجَلِسَ، يَبَادَ عُمَرْنِ أَ ڢِتَرْدَ مُتَنٜىٰنَّنْ وَجٜىٰ تُكُنَ؞ 35سَعَنً يَثٜىٰ وَیَنْ مَجَلِسَ «كُو یَنْعُوَ إِسْرَٰٓءِيلَاوَا، كُكُلَ ڢَا دَ أَبِنْدَ كُكٜىٰسُواْ كُيِ وَمُتَنٜىٰنَّنْ؞ 36شٜىٰكَرُنْ بَايَ وَنِ مُتُمْ يَٻُلُّواْ، مَيْ سُونَ تُدَسْ، يَطَوْكِ كَنْسَ كَمَرْ وَنِ أَبُ؞ وَجٜىٰنْ مُتُمْ طَرِے حُطُ سُكَبِيشِ، عَمَّا عَكَ كَشٜىٰشِ، عَكَ كُوَ وَاڟَرْدَ مَاسُبِنْسَ، وَنَّنْ كُوَ يَذَمَ ڧَرْشٜىٰنْسُ؞ 37بَايَنْ وَنَّنْ كُمَ، وَنِ مَيْ سُونَ يَهُودَ، مُتُمِنْ غَلِيلِ يَٻُلُّواْ، لُواْكَثِنْ دَ عَكٜىٰ ڧِرْغَرْ مُتَنٜىٰ، يَسَا مُتَنٜىٰ سُكَبِيشِ؞ شِمَا يَهَلَّكَ، مَاسُبِنْسَ مَا دُكَ عَكَ وَاڟَرْ دَسُو؞ 38تُواْ، يَنْذُ مَا، إِنَ غَيَ مُكُ، كُڢِتَ دَغَ حَنْيَرْ مُتَنٜىٰنَّنْ، كُبَرْسُ؞ عِدَنْ دَيْ نِيَّرْسُ، كُواْ عَيْكِنْسُ نَمُتُمْ نٜىٰ، أَيْ، ذَيْ رُشٜىٰ؞ 39عَمَّا عِدَنْ عَيْكِنَّنْ نَ اللَّهْ نٜىٰ، بَذَاكُ عِيَ حَنَ مُتَنٜىٰنَّنْ بَ؞ كَدَ ڢَا أَ سَامٜىٰكُ كُنَ غَابَادَ اللَّهْ؞»
سَيْ سُكَ يَرْدَ دَ شَوَرَرْسَ، 40سُكَ كُمَ كِرَوُاْ مَنْذَنِّےنْ، سُكَيِ مُسُ بُلَلَ، سُكَجَا مُسُ كُنّٜىٰ كَدَ سُڧَارَ يِنْ مَغَنَ ثِكِنْ سُونَنْ عِيسَىٰ؞ سَعَنً سُكَ سَكٜىٰسُ؞ 41مَنْذَنِّےنْ سُكَتَاشِ دَغَ غَبَنْ مَجَلِسَرْ سُنَ ڢَضٍ ثِكِ عَكَنْ أَنْغَ سُنْ إِسَ سُشَا وُلَڧَنْثِ سَبُواْدَ سُونَنْ عِيسَىٰ؞ 42كُواْوَثٜىٰ رَانَ كُوَ، كُواْ أَ هَيْكَلِ، كُواْ أَغِدَا، بَسُ دَيْنَ كُواْيَرْوَا دَ بَادَ لَابَرِ مَيْ دَاطِے نَثٜىٰوَ عِيسَىٰ شِينٜىٰ أَلْمَسِيحُ بَ؞
Currently Selected:
أَيُّكَنْ مَنْذَنِّے 5: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
