أَيُّكَنْ مَنْذَنِّے 3
3
أَنْ وَرْكَرْ دَ غُرْغُ عَڧُواْڢَرْ هَيْكَلِ
1وَتَرَانَ بِتْرُسْ دَ يَحْيَى سُنَ تَڢِيَ هَيْكَلِ أَ لُواْكَثِنْ أَدُّعَ دَ ڧَرْڢٜىٰ عُكُ نَيَمَّ؞ 2عَڧُواْڢَرْ دَ عَكٜىٰ ثٜىٰ دَ عِتَ ݣَكْݣَوَرْ ڧُواْڢَ، أَݣَويْ وَنِ مُتُمْ وَنْدَ تُنْ حَيْڢُوَرْسَ شِ غُرْغُ نٜىٰ؞ كُواْوَثٜىٰ رَانَ عَكَنْ طَوْكٜىٰشِ ذُوَا ڧُواْڢَرْ هَيْكَلِ، دُواْمِنْ يَضُواْڧِ سَدَكَ دَغَ وُرِنْ مَاسُ شِغَ؞
3دَ يَغَ بِتْرُسْ دَ يَحْيَى ذَاسُ شِغَ هَيْكَلِنْ كٜىٰنَنْ، سَيْ يَضُواْڧٜىٰسُ سَدَكَ؞ 4بِتْرُسْ دَ يَحْيَى سُكَ ظُبَ مَسَ عِدُواْ، بِتْرُسْ يَثٜىٰ «دُوبٜىٰمُ؞» 5سَيْ كُوَ دُكْ حَنْكَلِنْ غُرْغُنْ يَكُواْمَ كَنْسُ، يَنَ ڟَمَّنِ ذَاسُبَاشِ وَنِ أَبُ؞ 6عَمَّا بِتْرُسْ يَثٜىٰ «أَظُرْڢَا دَ ظِينَارِيَ كَمْ، بَانِدَسُو، عَمَّا أَبِنْدَ نَكٜىٰ دَشِ، شِے ذَنْبَاكَ؞ عَثِكِنْ سُونَنْ عِيسَىٰ أَلْمَسِيحُ بَنَظَرٜىٰتْ، تَاشِ كَيِ تَڢِيَ؞» 7سَيْ بِتْرُسْ يَكَامَ حَنُّنْسَ نَدَمَ، يَطَغَ شِ؞ نَنْ تَكٜىٰ ڧَڢَاڢُنْسَ دَ إِدَانُنْ ڧَڢَاڢُنْسَ سُكَيِ ڧَرْڢِے؞ 8يَيِ وُڢْ! يَمِيڧٜىٰ ڟَيٜىٰ، يَڢَارَ تَڢِيَ، يَشِغَ هَيْكَلِنْ تَرٜىٰدَسُو، يَنَ تَڢِيَ يَنَ ڟَلّٜىٰ يَنَ كُمَ يَبُوانْ اللَّهْ؞ 9دُكَنْ مُتَنٜىٰ سُكَ غَنْ شِ يَنَ تَڢِيَ يَنَ يَبُوانْ اللَّهْ؞ 10سُكَ كُوَ غَانٜىٰ شِينٜىٰ مَيْ ذَمَ عَبَاكِنْ ݣَكْݣَوَرْ ڧُواْڢَ تَهَيْكَلِنْ يَنَ ضُواْڧُوانْ سَدَكَ؞ سَيْ سُكَيِ مَامَاكِ ڨُورَيْ دَ غَسْكٜىٰ غَمٜىٰدَ أَبِنْدَ يَڢَرُ دَشِ؞
جَوَابِنْ بِتْرُسْ أَذَوْرٜىٰنْ سُلَيْمَٰنُ
11سَعَدَّ غُرْغُنَّنْ دَ عَكَ وَرْكَرْ أَ ݣَكْݣَوَرْ ڧُواْڢَ يَكٜىٰ رِڧٜىٰ دَ بِتْرُسْ دَ يَحْيَى، سَيْ دُكْ جَمَعَ سُكَذُواْ وُرِنْسُ أَغُجٜىٰ عَثِكِنْ ذَوْرٜىٰنْ دَ عَكٜىٰثٜىٰدَشِ ذَوْرٜىٰنْ سُلَيْمَٰنُ، سُنَ مَامَاكِ؞ 12دَ بِتْرُسْ يَغَ حَكَ، سَيْيَيِ وَجَمَعَ جَوَابِے يَثٜىٰ «كُو إِسْرَٰٓءِيلَاوَا، دُوانْمٜىٰ كُكٜىٰ مَامَاكِنْ وَنَّنْ؟ دُوانْمٜىٰ كُمَ كُكٜىٰ تَكَلُّوانْمُ، سَيْكَثٜىٰ دَ إِيكُوانْ كَنْمُ نٜىٰ، كُواْ كُوَ دُوانْ أَنِيَرْمُ ثِكِنْ بِنْ اللَّهْ نٜىٰ مُكَ سَا مُتُمِنَّنْ يَيِ تَڢِيَ؟ 13اللَّهْ نَ إِبْرَٰهِيمْ دَ إِسْحَٰڧَ دَ يَعْڧُوبَ، اللَّهْ نَكَاكَنِّنْمُ، شِے يَطَوْكَكَ بَاوَنْسَ عِيسَىٰ؞ شِينٜىٰ وَنْدَ كُكَ بَاشٜىٰشِ، كُكَ كُمَ ڧِيشِ أَغَبَنْ ڠُومْنَ بِلَتُسْ، كُواْدَيَكٜىٰ بِلَتُسْ يَيِ ڧُواْڧَرِ يَسَكٜىٰشِ؞#ڢِتْ 3.15 14عَمَّا كُكَڧِ مَيْ ڟَرْكِنَّنْ مَيْ أَدَلْثِے، كُكَ ضُواْڧَا أَ سَكَرْ مُكُ مَيْ كِسَنْ كَيْ،#مَتْ 27.15-23؛ مَرْ 15.6-14؛ لُكْ 23.13-23؛ يَحـ 19.12-15؛ عِشـ 5.3-11 15كُكَ كُوَ كَشٜىٰ وَنْدَ شِينٜىٰ تُوشٜىٰنْ رَيْ؞ عَمَّا اللَّهْ يَتَاشٜىٰشِ دَغَ مَتَتُّو، مُو كُوَ شَيْدُنٜىٰ غَ وَنَّنْ؞ 16تُواْ، تَ إِيكُوانْ سُونَنْ عِيسَىٰ نٜىٰ، وَتُواْ تَوُرِنْ بَادَ غَسْكِيَ غَرٜىٰشِ، شِينٜىٰ يَبَا مُتُمِنَّنْ ڧَرْڢِے؞ غَا مُتُمِنْ؞ كُنْ سَنْشِ؞ تَوُرِنْ بَنْغَسْكِيَ ثِكِنْ عِيسَىٰ، مُتُمِنَّنْ يَسَامِ ثِكَكِّيَرْ لَاڢِيَ؞ دُكَنْكُ كُوَ شَيْدُنْ وَنَّنْ نٜىٰ؞
17«يَنْذُ، یَنْعُوَ، نَسَنِ ثِكِنْ رَشِنْ سَنِ نٜىٰ كُكَيِ حَكَ، كَمَرْ يَدَّ شُوغَبَنِّنْكُ مَا سُكَيِ؞ 18عَمَّا تَهَكَ اللَّهْ يَثِكَ أَبِنْدَ يَڢَطَا تَبَاكِنْ أَنَّبَاوَا دُكَ ثٜىٰوَ أَلْمَسِيحُنْسَ ذَيْ شَا وُيَ؞ 19سَبُواْدَ حَكَ سَيْ كُتُوبَ، كُجُويُواْ غَ اللَّهْ دُواْمِنْ أَوَنْكٜىٰ ذُنُبَنْكُ، دُواْمِنْ عُبَنْغِجِ يَسَابُنْتَ ذُوثِيَارْكُ، 20يَكُمَ عَيْكُواْ دَ أَلْمَسِيحُنْ دَ يَذَاٻَا مُكُ تُنْدَا، وَتُواْ عِيسَىٰ؞ 21دُواْلٜىٰنٜىٰ عِيسَىٰ يَذَوْنَ أَ سَمَ، حَرْ لُواْكَثِنْ دَ ذَاعَ مَيْدَ دُكَنْ أَبُبُوَ سَابُواْ، كَمَرْ يَدَّ اللَّهْ يَڢَطَا تُنْ زَامَانِنْ دَا تَبَاكِنْ أَنَّبَاوَنْسَ مَاسُ ڟَرْكِے؞ 22غَمَا مُوسَٰى يَثٜىٰ، ‹عُبَنْغِجِ اللَّهْ نْكُ ذَيْ عَيْكَ مُكُ دَ وَنِ أَنَّبِے دَغَ ثِكِنْ یَنْعُوَنْكُ، كَمَرْ يَدَّ يَعَيْكٜىٰنِ؞ دُواْلٜىٰنٜىٰ كُسَوْرَرِ دُكَنْ أَبِنْدَ ذَيْ ڢَطَا مُكُ؞#مَيْ شَـ 18.15،18 23ذَيْ ذَمَ كُمَ دُكْ وَنْدَ يَڧِ سَوْرَرُوانْ أَنَّبِنَّنْ، ذَاعَ كَوَرْ دَشِ دَغَ ثِكِنْ جَمَعَ؞›#مَيْ شَـ 18.19
24«حَڧِيڧَ، دُكَنْ أَنَّبَاوَنْ دَ سُكَيِ أَنَّبْثِ، وَتُواْ تُنْدَغَ كَنْ سَمَٰعِيلَ دَ وَطَنْدَ سُكَذُواْ دَغَ بَايَ، دُكْ سُنْيِ مَغَنَ عَكَنْ وَطَنَّنْ ݣُونَكِنْ؞ 25أَنَّبْثِنْ دَ عَكَيِ تَوُرِنْ أَنَّبَاوَا، دُواْمِنْكُنٜىٰ، كُونٜىٰ كُمَ ذَاكُثِ غَادُوانْ يَرْجٜىٰجٜىٰنِيَرْ دَ اللَّهْ يَيِ وَكَاكَنِّنْكُ دَيَثٜىٰ وَ إِبْرَٰهِيمْ، ‹تَوُرِنْ ذُرِيَرْكَ نٜىٰ دُكَنْ ڧَبِيلُنْ دُونِيَا ذَاسُ سَامِ أَلْبَرْكَ؞›#ڢَارْ 12.3 26دَ اللَّهْ يَذَاٻِ بَاوَنْسَ، يَڢَارَ عَيْكُواْشِ وُرِنْكُ نٜىٰ دُواْمِنْ يَيِ مُكُ أَلْبَرْكَ يَجُويُواْ دَ كُواْوَنٜىٰ طَيَنْكُ دَغَ حَنْيَرْ مُغُنْتَارْسَ؞»
Currently Selected:
أَيُّكَنْ مَنْذَنِّے 3: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020