أَيُّكَنْ مَنْذَنِّے 3

أَنْ وَرْكَرْ دَ غُرْغُ عَڧُواْڢَرْ هَيْكَلِ

1وَتَرَانَ بِتْرُسْ دَ يَحْيَى سُنَ تَڢِيَ هَيْكَلِ أَ لُواْكَثِنْ أَدُّعَ دَ ڧَرْڢٜىٰ عُكُ نَيَمَّ؞ 2عَڧُواْڢَرْ دَ عَكٜىٰ ثٜىٰ دَ عِتَ ݣَكْݣَوَرْ ڧُواْڢَ، أَݣَويْ وَنِ مُتُمْ وَنْدَ تُنْ حَيْڢُوَرْسَ شِ غُرْغُ نٜىٰ؞ كُواْوَثٜىٰ رَانَ عَكَنْ طَوْكٜىٰشِ ذُوَا ڧُواْڢَرْ هَيْكَلِ، دُواْمِنْ يَضُواْڧِ سَدَكَ دَغَ وُرِنْ مَاسُ شِغَ؞

3دَ يَغَ بِتْرُسْ دَ يَحْيَى ذَاسُ شِغَ هَيْكَلِنْ كٜىٰنَنْ، سَيْ يَضُواْڧٜىٰسُ سَدَكَ؞ 4بِتْرُسْ دَ يَحْيَى سُكَ ظُبَ مَسَ عِدُواْ، بِتْرُسْ يَثٜىٰ ‏«‏دُوبٜىٰمُ؞»‏ 5سَيْ كُوَ دُكْ حَنْكَلِنْ غُرْغُنْ يَكُواْمَ كَنْسُ، يَنَ ڟَمَّنِ ذَاسُبَاشِ وَنِ أَبُ؞ 6عَمَّا بِتْرُسْ يَثٜىٰ ‏«‏أَظُرْڢَا دَ ظِينَارِيَ كَمْ، بَانِدَسُو، عَمَّا أَبِنْدَ نَكٜىٰ دَشِ، شِے ذَنْبَاكَ؞ عَثِكِنْ سُونَنْ عِيسَىٰ أَلْمَسِيحُ بَنَظَرٜىٰتْ، تَاشِ كَيِ تَڢِيَ؞»‏ 7سَيْ بِتْرُسْ يَكَامَ حَنُّنْسَ نَدَمَ، يَطَغَ شِ؞ نَنْ تَكٜىٰ ڧَڢَاڢُنْسَ دَ إِدَانُنْ ڧَڢَاڢُنْسَ سُكَيِ ڧَرْڢِے؞ 8يَيِ وُڢْ!‏ يَمِيڧٜىٰ ڟَيٜىٰ، يَڢَارَ تَڢِيَ، يَشِغَ هَيْكَلِنْ تَرٜىٰدَسُو، يَنَ تَڢِيَ يَنَ ڟَلّٜىٰ يَنَ كُمَ يَبُوانْ اللَّهْ؞ 9دُكَنْ مُتَنٜىٰ سُكَ غَنْ شِ يَنَ تَڢِيَ يَنَ يَبُوانْ اللَّهْ؞ 10سُكَ كُوَ غَانٜىٰ شِينٜىٰ مَيْ ذَمَ عَبَاكِنْ ݣَكْݣَوَرْ ڧُواْڢَ تَهَيْكَلِنْ يَنَ ضُواْڧُوانْ سَدَكَ؞ سَيْ سُكَيِ مَامَاكِ ڨُورَيْ دَ غَسْكٜىٰ غَمٜىٰدَ أَبِنْدَ يَڢَرُ دَشِ؞

جَوَابِنْ بِتْرُسْ أَذَوْرٜىٰنْ سُلَيْمَٰنُ

11سَعَدَّ غُرْغُنَّنْ دَ عَكَ وَرْكَرْ أَ ݣَكْݣَوَرْ ڧُواْڢَ يَكٜىٰ رِڧٜىٰ دَ بِتْرُسْ دَ يَحْيَى، سَيْ دُكْ جَمَعَ سُكَذُواْ وُرِنْسُ أَغُجٜىٰ عَثِكِنْ ذَوْرٜىٰنْ دَ عَكٜىٰثٜىٰدَشِ ذَوْرٜىٰنْ سُلَيْمَٰنُ، سُنَ مَامَاكِ؞ 12دَ بِتْرُسْ يَغَ حَكَ، سَيْيَيِ وَجَمَعَ جَوَابِے يَثٜىٰ ‏«‏كُو إِسْرَٰٓءِيلَاوَا، دُوانْمٜىٰ كُكٜىٰ مَامَاكِنْ وَنَّنْ؟ دُوانْمٜىٰ كُمَ كُكٜىٰ تَكَلُّوانْمُ، سَيْكَثٜىٰ دَ إِيكُوانْ كَنْمُ نٜىٰ، كُواْ كُوَ دُوانْ أَنِيَرْمُ ثِكِنْ بِنْ اللَّهْ نٜىٰ مُكَ سَا مُتُمِنَّنْ يَيِ تَڢِيَ؟ 13اللَّهْ نَ إِبْرَٰهِيمْ دَ إِسْحَٰڧَ دَ يَعْڧُوبَ، اللَّهْ نَكَاكَنِّنْمُ، شِے يَطَوْكَكَ بَاوَنْسَ عِيسَىٰ؞ شِينٜىٰ وَنْدَ كُكَ بَاشٜىٰشِ، كُكَ كُمَ ڧِيشِ أَغَبَنْ ڠُومْنَ بِلَتُسْ، كُواْدَيَكٜىٰ بِلَتُسْ يَيِ ڧُواْڧَرِ يَسَكٜىٰشِ؞#ڢِتْ 3‏.15 14عَمَّا كُكَڧِ مَيْ ڟَرْكِنَّنْ مَيْ أَدَلْثِے، كُكَ ضُواْڧَا أَ سَكَرْ مُكُ مَيْ كِسَنْ كَيْ،#مَتْ 27‏.15‏-23؛ مَرْ 15‏.6‏-14؛ لُكْ 23‏.13‏-23؛ يَحـ 19‏.12‏-15؛ عِشـ 5‏.3‏-11 15كُكَ كُوَ كَشٜىٰ وَنْدَ شِينٜىٰ تُوشٜىٰنْ رَيْ؞ عَمَّا اللَّهْ يَتَاشٜىٰشِ دَغَ مَتَتُّو، مُو كُوَ شَيْدُنٜىٰ غَ وَنَّنْ؞ 16تُواْ، تَ إِيكُوانْ سُونَنْ عِيسَىٰ نٜىٰ، وَتُواْ تَوُرِنْ بَادَ غَسْكِيَ غَرٜىٰشِ، شِينٜىٰ يَبَا مُتُمِنَّنْ ڧَرْڢِے؞ غَا مُتُمِنْ؞ كُنْ سَنْشِ؞ تَوُرِنْ بَنْ‌غَسْكِيَ ثِكِنْ عِيسَىٰ، مُتُمِنَّنْ يَسَامِ ثِكَكِّيَرْ لَاڢِيَ؞ دُكَنْكُ كُوَ شَيْدُنْ وَنَّنْ نٜىٰ؞

17‏«‏يَنْذُ، یَنْعُوَ، نَسَنِ ثِكِنْ رَشِنْ سَنِ نٜىٰ كُكَيِ حَكَ، كَمَرْ يَدَّ شُوغَبَنِّنْكُ مَا سُكَيِ؞ 18عَمَّا تَهَكَ اللَّهْ يَثِكَ أَبِنْدَ يَڢَطَا تَبَاكِنْ أَنَّبَاوَا دُكَ ثٜىٰوَ أَلْمَسِيحُنْسَ ذَيْ شَا وُيَ؞ 19سَبُواْدَ حَكَ سَيْ كُتُوبَ، كُجُويُواْ غَ اللَّهْ دُواْمِنْ أَوَنْكٜىٰ ذُنُبَنْكُ، دُواْمِنْ عُبَنْ‌غِجِ يَسَابُنْتَ ذُوثِيَارْكُ، 20يَكُمَ عَيْكُواْ دَ أَلْمَسِيحُنْ دَ يَذَاٻَا مُكُ تُنْدَا، وَتُواْ عِيسَىٰ؞ 21دُواْلٜىٰنٜىٰ عِيسَىٰ يَذَوْنَ أَ سَمَ، حَرْ لُواْكَثِنْ دَ ذَاعَ مَيْدَ دُكَنْ أَبُبُوَ سَابُواْ، كَمَرْ يَدَّ اللَّهْ يَڢَطَا تُنْ زَامَانِنْ دَا تَبَاكِنْ أَنَّبَاوَنْسَ مَاسُ ڟَرْكِے؞ 22غَمَا مُوسَٰى يَثٜىٰ، ‏‹‏عُبَنْ‌غِجِ اللَّهْ نْكُ ذَيْ عَيْكَ مُكُ دَ وَنِ أَنَّبِے دَغَ ثِكِنْ یَنْعُوَنْكُ، كَمَرْ يَدَّ يَعَيْكٜىٰنِ؞ دُواْلٜىٰنٜىٰ كُسَوْرَرِ دُكَنْ أَبِنْدَ ذَيْ ڢَطَا مُكُ؞#مَيْ شَـ 18‏.15‏،18 23ذَيْ ذَمَ كُمَ دُكْ وَنْدَ يَڧِ سَوْرَرُوانْ أَنَّبِنَّنْ، ذَاعَ كَوَرْ دَشِ دَغَ ثِكِنْ جَمَعَ؞›‏#مَيْ شَـ 18‏.19

24‏«‏حَڧِيڧَ، دُكَنْ أَنَّبَاوَنْ دَ سُكَيِ أَنَّبْثِ، وَتُواْ تُنْدَغَ كَنْ سَمَٰعِيلَ دَ وَطَنْدَ سُكَذُواْ دَغَ بَايَ، دُكْ سُنْيِ مَغَنَ عَكَنْ وَطَنَّنْ ݣُونَكِنْ؞ 25أَنَّبْثِنْ دَ عَكَيِ تَوُرِنْ أَنَّبَاوَا، دُواْمِنْكُنٜىٰ، كُونٜىٰ كُمَ ذَاكُثِ غَادُوانْ يَرْجٜىٰجٜىٰنِيَرْ دَ اللَّهْ يَيِ وَكَاكَنِّنْكُ دَيَثٜىٰ وَ إِبْرَٰهِيمْ، ‏‹‏تَوُرِنْ ذُرِيَرْكَ نٜىٰ دُكَنْ ڧَبِيلُنْ دُونِيَا ذَاسُ سَامِ أَلْبَرْكَ؞›‏#ڢَارْ 12‏.3 26دَ اللَّهْ يَذَاٻِ بَاوَنْسَ، يَڢَارَ عَيْكُواْشِ وُرِنْكُ نٜىٰ دُواْمِنْ يَيِ مُكُ أَلْبَرْكَ يَجُويُواْ دَ كُواْوَنٜىٰ طَيَنْكُ دَغَ حَنْيَرْ مُغُنْتَارْسَ؞»‏

Currently Selected:

أَيُّكَنْ مَنْذَنِّے 3: hauAS

Highlight

Copy