أَيُّكَنْ مَنْذَنِّے 12
12
أَنْ ڧَارَ ڟَنَنْتَاوَ جَمَعَرْ مَاسُبِے
1أَ لُواْكَثِنَّنْ كُوَ سَرْكِے هِرُدُسْ يَڢَارَ ڟَنَنْتَاوَ وَطَنْسُ عَثِكِنْ جَمَعَرْ مَاسُبِے؞ 2هِرُدُسْ يَسَا عَكَ كَشٜىٰ يَعْڧُوبَ، طَنْعُوَنْ يَحْيَى دَ تَكُواْبِے؞ 3دَ يَغَ يَهُودَاوَا سُنْجِ دَاطِنْ أَبِنْدَ يَيِ، سَيْ يَكَامَ بِتْرُسْ شِے مَا؞ وَنَّنْ يَڢَرُ عَݣُونَكِنْ بِكٍ غُرَاسَرْ مَرَرْ يِسْتِ نٜىٰ؞ 4دَ هِرُدُسْ يَكَامَ بِتْرُسْ، يَسَا شِ عَكُرْكُكُ أَ حَنُّنْ سُواْجُواْجِ غُواْمَشَا شِدَ سُيِ غَادِنْسَ؞ يَنَ دَ نِيَّ يَكَٰوُاْ شِ غَبَنْ جَمَعَ يَحُكُنْتَ شِ بَايَنْ بِكٍ ڧٜىٰتَرٜىٰوَ؞#ڢِتْ 12.1-27
5سَعَدَّ بِتْرُسْ يَكٜىٰ عَكُرْكُكُ، جَمَعَرْ مَاسُبِے كُوَ تَنَاثٜىٰ دَ يِنْ أَدُّعَ غَ اللَّهْ سَبُواْدَشِ؞
أَنْ ثٜىٰثِ بِتْرُسْ دَغَ كُرْكُكُ
6أَ دَرٜىٰنَّنْ دَ هِرُدُسْ يَنَ تُنَانِ ذَيْڢِتَرْدَ بِتْرُسْ عِدَنْ غَرِ يَوَايٜىٰ، بِتْرُسْ كُوَ يَنَ طَوْرٜىٰ دَ سَرْڧَ بِيُ، يَنَ بَرْثِ ڟَكَانِنْ سُواْجُواْجِ بِيُ؞ مَاسُ غَادِنْ كُرْكُكُ كُمَ سُنَ بَاكِنْ ڧُواْڢَ سُنَ غَادِ؞ 7بَا لَابَرِ، سَيْغَا وَنِ مَلاَىِٕكَنْ عُبَنْغِجِ يَبَيَّنَ، وَنِ حَصْكٜىٰ كُمَ يَحَصْكَكَا طَاكِنْ؞ سَعَنً مَلاَىِٕكَنْ يَتَٻَ بِتْرُسْ أَغٜىٰڢٜىٰ يَتَاشٜىٰشِ، يَثٜىٰ «مَظَا كَتَاشِ؞» سَيْ كُمَ سَرْڧُواْڧِنْ سُكَ ڢِتَ دَغَ حَنُّنْ بِتْرُسْ؞ 8مَلاَىِٕكَنْ يَثٜىٰ مَسَ «كَسَا رِغَرْكَ، كَكُمَسَا تَاكَلْمَنْكَ؞» سَيْ يَيِ حَكَ؞ مَلاَىِٕكَنْ يَثٜىٰ مَسَ «يَاڢَ مَيَڢِنْكَ كَبِيُواْ نِے؞» 9سَيْ يَڢِتُواْ يَبِے شِ، بَيْ سَنْ ثٜىٰوَ أَبِنْدَ مَلاَىِٕكَنَّنْ يَكٜىٰيِ غَسْكِيَ بَنٜىٰ، يَطَوْكَ رُعُيَ ثٜىٰ يَكٜىٰ غَنِ؞ 10دَ سُكَ وُثٜىٰ مَاسُ غَادِ نَڢَرْكُواْ دَ نَبِيُ، سُكَ كَيْ ڧُواْڢَرْ بَڧِنْ ڧَرْڢٜىٰ تَشِغَ غَرِ، ڧُواْڢَرْ كُوَ تَبُوطٜىٰ مُسُ دَ كَنْتَ؞ سَيْ سُكَ ڢِتَ؞ سُنْ ذُواْ ڧَرْشٜىٰنْ وَنِ تِيتِ كٜىٰنَنْ سَيْ نَنْ تَكٜىٰ مَلاَىِٕكَنْ يَرَبُ دَشِ؞
11سَعَنً بِتْرُسْ يَكُواْمُواْ ثِكِنْ حَنْكَلِنْسَ يَثٜىٰ «يَنْذُ كَمْ نَتَبَّتَا عُبَنْغِجِ نٜىٰ يَاعَيْكُواْ مَلاَىِٕكَنْسَ يَثٜىٰثٜىٰنِ دَغَ حَنُّنْ هِرُدُسْ دَ كُمَ دُكَنْ مُغُنْتَارْ دَ يَهُودَاوَا سُكَ شِرْيَ عَكَيْنَ؞» 12دَ بِتْرُسْ يَغَانٜىٰ حَكَ، سَيْ يَجٜىٰ غِدَنْ مَرْيَمُ، مَامَرْ يَحْيَى وَنْدَ عَكٜىٰثٜىٰ دَشِ مَرْكُسْ، عِنْدَ مُتَنٜىٰ سُكَ تَارُ دَيَوَ سُنَ أَدُّعَ؞
13دَ يَڨُونْڨُوسَ ڧُواْڢَرْ ذَوْرٜىٰنْ، وَتَ يَارِنْيَ مَيْ عَيْكِ أَغِدَنْ مَيْ سُونَ رُواْدَ تَذُواْ تَغَ كُواْ وَنٜىٰنٜىٰ؞ 14دَتَغَانٜىٰ مُرْيَرْ بِتْرُسْ، بَتَبُوطٜىٰ ڧُواْڢَرْبَ دُوانْ مُرْنَ، سَيْ تَكُواْمَ ثِكِ دَ غُدُ، تَغَيَ مُسُ ثٜىٰوَ بِتْرُسْ يَنَ ڟَيٜىٰ عَڧُواْڢَرْ ذَوْرٜىٰ؞ 15سَيْ سُكَثٜىٰ مَتَ «كِنَ هَوْكَ!» عِتَ كُوَ تَنَاثٜىٰ ثٜىٰوَ شِينٜىٰ؞ سُو كُوَ سُكَثٜىٰ «تُواْ، مَلاَىِٕكَنْسَ نٜىٰ!»
16بِتْرُسْ دَيْ يَيِ تَڨُونْڨُوسَاوَا؞ دَ سُكَ بُوطٜىٰ سُكَ غَنْ شِ، سُكَيِ تَمَامَاكِ؞ 17شِے كُوَ يَيِ مُسُ عَلَمَ دَ حَنُّ سُيِ شِضُ، سَعَنً يَبَيَّنَ مُسُ يَدَّ عُبَنْغِجِ يَڢِتُواْ دَشِ دَغَ كُرْكُكُ؞ يَكُمَثٜىٰ «كُڢَطَا وَ يَعْڧُوبَ دَ سَوْرَنْ یَنْعُوَ وَنَّنْ أَبُ؞» سَعَنً يَتَاشِ يَتَڢِے وَنِ وُرِے؞
18دَ غَرِ يَوَايٜىٰ، بَا ڧَرَمَرْ رُوطَرْوَ ثٜىٰ تَتَاشِ ڟَكَانِنْ سُواْجُواْجِنَّنْ بَ، عَكَنْ أَبِنْدَ يَسَامِ بِتْرُسْ؞ 19دَ هِرُدُسْ يَنٜىٰمٜىٰشِ بَيْ سَامٜىٰشِيبَ، سَيْ يَبِنْثِكَ دَغَ مَاسُ غَادِنْ، يَكُمَ بَادَ عُمَرْنِ عَكَشٜىٰسُ؞
بَايَنْ وَنَّنْ هِرُدُسْ يَتَاشِ دَغَ يَنْكِنْ يَهُودِيَ، يَتَڢِے كَيْسَرِيَ يَيِ یَنْ ݣُونَكِے عَثَنْ؞
مُتُوَرْ هِرُدُسْ
20أَ لُواْكَثِنَّنْ، هِرُدُسْ يَنَ ڢُشِے سُواْسَيْ دَ مُتَنٜىٰنْ تَيَ دَ نَ سِدُوانْ؞ سَيْ سُكَذُواْ وُرِنْ هِرُدُسْ تَرٜىٰ دُواْمِنْ نٜىٰمَنْ سَلَمَ، سُكَ كُمَ نٜىٰمِ غُواْيُوانْ بَايَنْ بِلَسْتُسْ شُوغَبَنْ مَاسُ حِدِمَرْ سَرْكِے، شِے كُوَ يَيَرْدَ يَتَيْمَكٜىٰسُ؞ سَعَنً سُكَ تَڢِے وُرِنْ هِرُدُسْ سُكَ نٜىٰمَ سُشِرْيَ ذَمَنْسُ، غَمَا سُنَ دُواْغَضَ نٜىٰ غَ ڧَسَرْ سَرْكِنَّنْ سَبُواْدَ عَبِنْثِنْسُ؞ 21أَ رَانَرْ دَ عَكَ شِرْيَ، هِرُدُسْ يَسَا كَايَنْسَ نَمُلْكِ، يَذَوْنَ عَكُجٜىٰرَرْ مُلْكِ، يَيِ مُسُ جَوَابِے؞
22دَ تَارُوانْ سُكَجِ شِ سَيْ سُكَتَادَ مُرْيَ «كُجِ وَنَّنْ ڢَا!» سُنَ ثٜىٰوَ «مُرْيَرْ وَنِ اللَّهْ نٜىٰ، بَتَمُتُمْبَ!» 23نَنْ تَكٜىٰ، سَيْ وَنِ مَلاَىِٕكَنْ عُبَنْغِجِ يَبُغٜىٰشِ، دُوانْ بَيْ طَوْكَكَ اللَّهْ بَ؞ سَيْ ڟُڟُواْڟِ سُكَيِ تَثِنْسَ حَرْ يَمُتُ؞
24كَلْمَرْ اللَّهْ كُوَ تَيِ تَثِيغَبَ، تَنَ تَيَطُوَ؞ 25سَيْ بَرْنَبَ دَ شَوُلُ سُكَ دَاوُاْ دَغَ#12.25 دَغَ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ «ذُوَا» نٜىٰ أَنَنْ؞ عُرُوشَلِيمَ، بَايَنْ سُنْثِكَ عَيْكِنْ دَ عَكَبَاسُ سُيِ، سُكَ كُمَذُواْ دَ يَحْيَى وَنْدَ عَكٜىٰثٜىٰ دَشِ مَرْكُسْ؞
Currently Selected:
أَيُّكَنْ مَنْذَنِّے 12: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020