أَيُّكَنْ مَنْذَنِّے 11
11
بِتْرُسْ يَيِ وَجَمَعَرْ مَاسُبِے أَ عُرُوشَلِيمَ بَيَانِ
1مَنْذَنِّے دَ سَوْرَنْ یَنْعُوَنْ دَسُكٜىٰ عَكُواْعِنَ عَيَنْكِنْ يَهُودِيَ سُكَجِ ثٜىٰوَ وَطَنْدَ بَا يَهُودَاوَا بَ مَا سُنْكَرْٻِ كَلْمَرْ اللَّهْ؞ 2دَ بِتْرُسْ يَجٜىٰ عُرُوشَلِيمَ، وَطَنْسُ مَنْيَنْ يَهُودَاوَا مَاسُبِے، وَطَنْدَ سُكَ ڟَيَ عَكَنْ أَلْعَادَرْسُ تَكَاثِيَ، سُكَيِ مَسَ ڢَطَ؞ 3سُكَثٜىٰ «دُوانْمٜىٰ كَجٜىٰ وُرِنْ أَرْنَ مَرَسَ كَاثِيَ، حَرْ كَثِ عَبِنْثِ تَرٜىٰدَسُو؟»
4سَيْ بِتْرُسْ يَڢَارَيِ مُسُ بَيَانِ دَلَّ دَلَّ ثٜىٰوَ،
5«إِنَ بِرْنِنْ يُواْڢَّ إِنَ أَدُّعَ، سَيْ نَغَ رُعُيَ، نَغَ وَنِ أَبُ يَنَ سَوْكُواْوَ كَمَرْ بَبَّنْ مَيَاڢِ، أَنْسَوْكُواْ دَشِ دَغَ سَمَ تَݣُونَرْسَ حُطُ، حَرْ يَ إِسُواْ كُسَدَنِے؞ 6دَ نَدُوبٜىٰشِ سُواْسَيْ، نَغَ دَبُّواْبِے مَاسُ ڧَڢَا حُطُ دَ نَمُواْمِنْ دَاجِ دَ دَنْغِنْ مَثِيظَيْ دَ ڧَدَنْغَرُ دَ كُمَ ڟُنْڟَيٜىٰ عَثِكِ؞ 7نَكُمَجِ وَتَ مُرْيَ تَثٜىٰمِنِ، ‹بِتْرُسْ، كَتَاشِ، كَيَنْكَ كَثِ؞› 8عَمَّا نَثٜىٰ، ‹سَمْ! عُبَنْغِجِ، بَا وَنِ أَبِنْ ڧَظَنْتَا كُواْ مَرَرْ ڟَبْتَ وَنْدَ يَتَٻَ شِغَ بَاكِنَ؞› 9سَيْ مُرْيَ تَأَمْسَ دَغَ سَمَ تَيِ مَغَنَ سَوْ نَبِيُ، تَثٜىٰ، ‹أَبِنْ دَ اللَّهْ يَڟَبْتَثٜىٰ، كَدَ كَثٜىٰ دَشِ مَيْ ڧَظَنْتَا؞› 10أَنْيِ وَنَّنْ سَوْ عُكُ، سَعَنً عَكَ طَوْكٜىٰ أَبِنْ ذُوَا سَمَ؞ 11أَ دَيْدَيْ وَنَّنْ لُواْكَثِ، سَيْغَا مُتُمْ عُكُ سُنْ ڟَيَ عَبَاكِنْ ڧُواْڢَرْ غِدَنْ دَ نَكٜىٰ،#11.11 نَكٜىٰ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ «مُكٜىٰ» نٜىٰ أَنَنْ؞ أَنْعَيْكُواْسُ وُرِينَ نٜىٰ دَغَ كَيْسَرِيَ؞ 12سَيْ رُوحُ يَثٜىٰ مِنِ إِنْبِيسُ، كَدَ إِنُّونَ بَمْبَنْثِ ڟَكَانِنْسُ دَمُو؞ یَنْعُوَنَّنْ شِدَ كُمَ سُكَ رَكُواْ نِے، حَرْ مُكَ شِغَ غِدَنْ مُتُمِنَّنْ؞ 13سَيْ يَڢَطَا مَنَ يَدَّ يَغَ مَلاَىِٕكَ يَڟَيَ أَغِدَنْسَ، يَنَ ثٜىٰوَ ‹كَعَيْكَ ذُوَا يُواْڢَّ عَكِرَوُاْ سِيمَنْ، وَنْدَ عَكٜىٰثٜىٰ دَشِ بِتْرُسْ؞ 14شِے ذَيْ كَٰوُاْ مَكَ سَڧُوانْ دَ ذَاكَسَامِ ثٜىٰتُواْ تَوُرِنْسَ، كَيْ دَ مُتَنٜىٰنْ غِدَنْكَ دُكَ؞› 15نَڢَارَ يِمُسُ مَغَنَ كٜىٰنَنْ، سَيْ رُوحُ مَيْ ڟَرْكِے يَسَوْكُواْ مُسُ دَيْدَيْ يَدَّ يَسَوْكُواْ مَنَ دَ ڢَرْكُواْ؞ 16سَيْ نَتُنَ دَ كَلْمَرْ عُبَنْغِجِ، يَدَّ يَثٜىٰ، ‹يَحْيَى دَيْ يَيِ بَڢْتِسْمَ دَ ضُوَ، عَمَّا كُو دَ رُوحُ مَيْ ڟَرْكِے ذَاعَيِ مُكُ بَڢْتِسْمَ؞› #أَيُّكَنْ 1.5 17تُواْ دَيَكٜىٰ اللَّهْ يَيِ مُسُ بَيْوَ دَيْدَيْ دَ وَدَّ يَيِ مَنَ، سَعَدَّ مُكَ بَادَ غَسْكِيَ غَ عُبَنْغِجِ عِيسَىٰ أَلْمَسِيحُ، وَنٜىٰنِے إِنْحَنَ اللَّهْ!»
18دَ يَهُودَاوَا مَاسُبِے سُكَجِ حَكَ، سُكَ رَسَ أَبِنْدَ ذَاسُثٜىٰ، سَيْ سُكَ يَبِے اللَّهْ سُنَ ثٜىٰوَ «أَشٜىٰ، حَرْ وَطَنْدَ بَا يَهُودَاوَا بَ مَا اللَّهْ يَيِ مُسُ حَنْيَرْ تُوبَ دَ سَامُنْ رَيْ؞»
جَمَعَرْ مَاسُبِے أَعَنْتَكِيَ تَ سُورِيَ
19تُواْ، مَاسُبِے سُكَ وَرْوَڟٜىٰ سَبُواْدَ ڟَنَنِنَّنْ دَ يَتَاشِ سَبُواْدَ كَشٜىٰوَرْ إِسْتِڢَنُسْ؞ وَطَنْسُ سُكَ تَڢِے حَرْ ذُوَا ڧَسَرْ ڢِنِكِيَ دَ سَيِڢُرُسْ دَ بِرْنِنْ أَنْتَكِيَ؞ سُنَ وَعَظِنْ كَلْمَرْ اللَّهْ، عَمَّا غَ يَهُودَاوَا كَطَيْ؞ #أَيُّكَنْ 8.1-4 20عَمَّا أَݣَويْ وَطَنْسُ مَاسُبِے دَغَ سَيِڢُرُسْ دَ سَيِرِنْ، وَطَنْدَ سُكَ تَڢِے أَنْتَكِيَ سُكَيِ وَ هٜىٰلٜىٰنَاوَا مَغَنَ، سُنَبَاسُ لَابَرِ مَيْ دَاطِے نَ عُبَنْغِجِ عِيسَىٰ؞ 21حَنُّنْ إِيكُوانْ عُبَنْغِجِ كُوَ يَنَ تَرٜىٰدَسُو، حَرْ مُتَنٜىٰ دَيَوَ سُكَ تُوبَ، سُكَ جُويُواْ وُرِنْ عُبَنْغِجِ؞ 22لَابَرِنْ أَبِنْدَ يَڢَرُ أَعَنْتَكِيَ كُوَ يَكَيْ كُنّٜىٰنْ جَمَعَرْ مَاسُبِنْ دَتَكٜىٰ أَ عُرُوشَلِيمَ؞ جَمَعَرْ مَاسُبِے كُمَ تَعَيْكَ بَرْنَبَ ذُوَا ثَنْ أَنْتَكِيَ؞
23دَ يَذُواْ، يَكُمَ غَ أَلْحٜىٰرِنْ دَ اللَّهْ يَيِ مُسُ، يَيِ ڢَضٍ ثِكِ، يَغَرْغَطٜىٰسُ دُكَ سُڟَيَ دَ بَنْغَسْكِيَ ثِكِنْ عُبَنْغِجِ دَ دُكَنْ ذُوثِيَارْسُ؞ 24بَرْنَبَ كُوَ مُتُمِنْ كِرْكِ نٜىٰ، ثِكٜىٰ دَ رُوحُ مَيْ ڟَرْكِے دَ بَنْغَسْكِيَ؞ سَيْ مُتَنٜىٰ مَاسُيَوَنْ غَسْكٜىٰ سُكَ جُويُواْ ذُوَا وُرِنْ عُبَنْغِجِ؞ 25دَغَ نَنْ سَيْ بَرْنَبَ يَتَڢِے تَرْسُسْ دُواْمِنْ يَنٜىٰمِ شَوُلُ؞ 26دَ يَسَامٜىٰشِ كُوَ، سَيْ يَكَٰوُاْشِ أَنْتَكِيَ؞ شٜىٰكَرَا طَيَ ثِڢْ، سُنَ تَارُوَ دَ جَمَعَرْ مَاسُبِے، سُنَ كُواْيَوَ مُتَنٜىٰ مَاسُيَوَنْ غَسْكٜىٰ؞ أَعَنْتَكِيَ نٜىٰ عَكَ ڢَارَ كِرَنْ مَاسُبِنْ أَلْمَسِيحُ دَ سُونَ كِرِسْتَ؞
27تُواْ، أَوَنَّنْ لُواْكَثِ، وَطَنْسُ أَنَّبَاوَا سُكَذُواْ أَنْتَكِيَ دَغَ عُرُوشَلِيمَ؞ 28طَيَ دَغَ ثِكِنْسُ، مَيْ سُونَ أَغَبُسْ، يَتَاشِ ڟَيٜىٰ، يَيِ مَغَنَ دَ إِيكُوانْ رُوحُ ثٜىٰوَ ذَاعَيِ وَتَ بَبَّرْ يُنْوَ عَدُونِيَا دُكَ؞ وَنَّنْ كُوَ يَڢَرُ أَ زَامَانِنْ كَلَوْدِيُسْ؞ #أَيُّكَنْ 21.10 29سَيْ أَلْمَجِرَنْ سُكَ يَنْكٜىٰ شَوَرَا ثٜىٰوَ سُعَيْكَ وَیَنْعُوَنْ دَسُكٜىٰ ثِكِنْ يَنْكِنْ يَهُودِيَ تَيْمَكُواْ، كُواْوَ دَيْدَيْ ڧَرْڢِنْسَ؞ 30حَكَ كُوَ سُكَيِ، سُكَ عَيْكَا وَدَتَّاوَنْ جَمَعَرْ مَاسُبِے عَيَنْكِنْ يَهُودَ تَيْمَكُوانْ تَهَنُّنْ بَرْنَبَ دَ شَوُلُ؞
Currently Selected:
أَيُّكَنْ مَنْذَنِّے 11: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020