أَيُّكَنْ مَنْذَنِّے 1
1
أَلْڧَوَرِنْ ذُوَانْ رُوحُ مَيْ ڟَرْكِے
1يَا تِيُواْڢِلُسْ، أَ رُبُوتُنَ نَڢَرْكُواْ نَا رُبُوتَ مَكَ غَمٜىٰدَ دُكَنْ أَبُبُوَنْ دَ عِيسَىٰ يَڢَارَيِ دَ كُمَ وَطَنْدَ يَڢَارَ كُواْيَرْوَا،#لُكْ 1.1-4 2حَرْ ذُوَا رَانَرْ دَ عَكَ طَوْكٜىٰشِ ذُوَا سَمَ؞ كَاڢِنْ أَطَوْكٜىٰشِ ذُوَا سَمَ، يَيِ وَمَنْظَنِّنْ دَيَذَاٻَا عُمَرْنِ تَوُرِنْ رُوحُ مَيْ ڟَرْكِے؞
3بَايَنْ مُتُوَرْسَ، يَبَيَّنَ غَرٜىٰسُ دَ رَيْ، حَرْ يَتَبَّتَرْ مُسُ مَغَنَرْ تَاشِنْسَ تَوَجٜىٰنْ أَيُّكَ إِرِ إِرِ؞ يَيِ ݣُونَ أَرْبَعِنْ، يَنَ مَغَنَ عَكَنْ أَلْعَمُرَنْ مُلْكٍ اللَّهْ؞ 4أَسَعَدَّ يَكٜىٰ تَرٜىٰدَسُو تُكُنَ،#1.4 أَسَعَدَّ يَكٜىٰ تَرٜىٰدَسُو تُكُنَ: وَنِ جُويِ نَوَطَنَّنْ كَلْمُواْمِ شِينٜىٰ «لُواْكَثِنْ دَيَكٜىٰ ثِنْ عَبِنْثِ،» كُواْ كُوَ «دَ سُكَذُواْ وُرِے طَيَ؞» يَعُمَرْثٜىٰسُ ثٜىٰوَ «كَدَ كُبَرْ عُرُوشَلِيمَ؞ كُجِرَا سَيْ أَلْڧَوَرِنْ دَ عُبَانَ يَيِ يَثِكَ تُكُنَ، وَنْدَ نَڢَطَا مُكُ دَ بَاكِنَ ثٜىٰوَ#لُكْ 24.49 5يَحْيَى يَيِ وَمُتَنٜىٰ بَڢْتِسْمَ دَ ضُوَ، عَمَّا نَنْ دَ یَنْ ݣُونَكِے، ذَاعَيِ مُكُ بَڢْتِسْمَ دَ رُوحُ مَيْ ڟَرْكِے؞»#مَتْ 3.11؛ مَرْ 1.8؛ لُكْ 3.16؛ يَحـ 1.33
أَنْ طَوْكِ عِيسَىٰ ذُوَا سَمَ
6دَ مَنْذَنِّےنْ سُكَ تَارُ، سَيْ سُكَ تَمْبَيِ عِيسَىٰ سُكَثٜىٰ «عُبَنْغِجِ، يَنْذُ نٜىٰ ذَاكَ مَيَرْ وَ إِسْرَٰٓءِيلَ مُلْكِ؟»
7 عِيسَىٰ يَثٜىٰ مُسُ «عُبَا كَطَيْ يَكٜىٰدَ إِيكُوانْ شِرْيَ لُواْكَتَيْ دَ ذَامَانَيْ، عَمَّا كُو بَعَبَاكُ دَامَرْ سَنِنْ وَطَنَّنْ بَ؞ 8عَمَّا ذَاكُ سَامِ إِيكُواْ سَعَدَّ رُوحُ مَيْ ڟَرْكِے يَسَوْكُواْ مُكُ، ذَاكُ ذَمَ شَيْدُنَ أَ عُرُوشَلِيمَ دَ ثِكِنْ دُكَنْ يَنْكِنْ يَهُودِيَ دَ سَمَرِيَ، حَرْ ذُوَا إِيَاكَرْ دُونِيَا؞»#مَتْ 28.19؛ مَرْ 16.15؛ لُكْ 24.47-48 9دَ يَڢَطِ حَكَ، سُنَ ثِكِنْ دُوبَوَ، سَيْ عَكَ طَوْكٜىٰشِ ذُوَا سَمَ؞ وَنِ غِرْغِجٜىٰ يَرُڢٜىٰشِ، بَسُ ڧَارَ غَنِنْسَبَ؞#مَرْ 16.19؛ لُكْ 24.50-51
10سَعَدَّ سُكٜىٰ ظُبَ عِدُواْ سَمَ، شِيكُمَ يَنَ تَڢِيَ، سَيْغَا مُتُمْ بِيُ أَڟَيٜىٰ كُسَدَسُو، سَنْيٜىٰ دَ ڢَرَرٜىٰنْ رِيغُنَ؞ 11سَيْ سُكَثٜىٰ «كُو مُتَنٜىٰنْ غَلِيلِ، دُوانْمٜىٰ كُكٜىٰ ڟَيٜىٰ كُنَ كَلُّوانْ سَمَ؟ عِيسَىٰ نَّنْ دَ عَكَ طَوْكٜىٰ دَغَ وُرِنْكُ ذُوَا سَمَ، ذَيْسَاكٜىٰ دَاوُاْوَ كَمَرْ يَدَّ كُكَغَ يَا تَڢِے ذُوَا سَمَ؞»
أَنْ ذَاٻِ مَتِيَسْ يَطَوْكِ مَڟَيِنْ يَهُودَ
12سَيْ مَنْذَنِّےنْ سُكَ كُواْمَ عُرُوشَلِيمَ دَغَ تُدُنْ عِتَتُوَنْ ظَيْتُنْ، وَنْدَ يَكٜىٰ كُسَدَ عُرُوشَلِيمَ، مِصَالِنْ تَڢِيَرْ رَانَرْ هُوتُ تَمَكُواْ غُدَا، وَتُواْ وَجٜىٰنْ كِلُواْمِتَ طَيَ؞ 13دَ سُكَ شِغَ بِرْنِنْ، سُكَ هَوْ غِدَنْ سَمَ عِنْدَ سُكٜىٰ ذَمَ، وَتُواْ سُو بِتْرُسْ دَ يَحْيَى دَ يَعْڧُوبَ دَ أَنْدَرَوُسْ دَ ڢِلِبُسْ دَ تُواْمَ دَ بَرْتَلُواْمِ دَ مَتِيُ دَ يَعْڧُوبَ طَنْ هَلْڢَ دَ سِيمَنْ وَنْدَ عَكٜىٰثٜىٰ دَشِ مَيْ كِيشِنْ ڧَسَرْسُ دَ كُمَ يَهُودَ طَنْ يَعْڧُوبَ؞#مَتْ 10.2-4؛ مَرْ 3.16-19؛ لُكْ 6.14-16 14دُكْ وَطَنَّنْ سُنْ مِيڧَ كَيْ غَ يِنْ أَدُّعَ دَ نُڢِ طَيَ تَرٜىٰدَ وَطَنْسُ مَاتَادَ مَرْيَمُ مَامَرْ عِيسَىٰ دَ كُمَ یَنْعُوَنْسَ؞
15عَݣُونَكِنْنَنْ، أَݣَويْ تَارُوانْ یَنْعُوَ وَتُواْ، مَاسُ بَادَ غَسْكِيَ وَجٜىٰنْ مُتُمْ طَرِے دَ عَشِرِنْ؞ بِتْرُسْ يَتَاشِ أَڟَيٜىٰ يَثٜىٰ،
16«یَنْعُوَ، لَلَّيْ نٜىٰ عَثِكَ رُبُوتَثِّيَرْ مَغَنَرْ اللَّهْ دَ رُوحُ مَيْ ڟَرْكِے يَڢَطَا أَدَا تَبَاكِنْ دَاوُدَ غَمٜىٰدَ يَهُودَ، وَنْدَ يَيِ وَمَاسُ كَامَ عِيسَىٰ جَغُواْرَ؞ 17غَمَا دَا شِے طَيَ دَغَ ثِكِنْمُ نٜىٰ، أَنْكُمَ بَاشِ رَبُوانْسَ ثِكِنْ عَيْكِنَّنْ؞»
18دَ لَادَنْ مُوغُنْ عَيْكِنْسَ كُوَ يَهُودَ يَسَيِ وَنِ ڢِيلِ، سَيْ يَڢَاطِ دَكَيْ، ثِكِنْسَ يَڢَشٜىٰ، كَايَنْ ثِكِنْسَ دُكْ سُكَ ظُبَ أَوَجٜىٰ؞ 19دُكْ مَذَوْنَنْ عُرُوشَلِيمَ كُوَ سُنْ سَنْ أَبِنَّنْدَ يَڢَرُ، حَرْ دَ عَكٜىٰثٜىٰ دَڢِيلِنْ «عَكَلْدَمَ» دَ يَرٜىٰنْسُ، وَتُواْ ڢِيلِنْ جِنِ؞#مَتْ 27.3-8
20«غَمَا أَرُبُوثٜىٰ يَكٜىٰ أَ زَبُورَا ثٜىٰوَ
‹بَرِ وُرِنْ ذَمَنْسَ يَذَمَ كُڢَيْ،
كَدَ أَ ضَغٜىٰ وَنِ عَثِكِ؞›
أَنْ كُمَثٜىٰ،
‹مَڟَيِنْسَ وَنِ يَطَوْكَ؞› »#زَبُو 69.25؛ 109.8
21«دُواْمِنْ حَكَ يَا كَمَاتَ أَ ذَاٻِ وَنِ دَغَ ثِكِنْ مُتَنٜىٰنَّنْ، وَنْدَ يَكٜىٰ تَرٜىٰدَمُو دُكْ ݣُونَكِنْ دَ عُبَنْغِجِ عِيسَىٰ يَكٜىٰ شِغَ دَ ڢِتَ أَوُرِنْمُ؞ 22يَا كَمَاتَ وَنَّنْ مُتُمْ يَذَمَ وَنْدَ يَكَسَنْثٜىٰ تَرٜىٰدَمُو تُنْدَغَ لُواْكَثِنْ دَ يَحْيَى يَكٜىٰيِنْ بَڢْتِسْمَ حَرْ ذُوَا رَانَرْ دَ عَكَ طَوْكِ عِيسَىٰ دَغَ وُرِنْمُ ذُوَا سَمَ؞ دُواْلٜىٰنٜىٰ طَيَ دَغَ ثِكِنْ مُتَنٜىٰنَّنْ يَشَيْدَ تَاشِنْسَ دَغَ مَتَتُّو تَرٜىٰدَمُو؞»#مَتْ 3.16؛ مَرْ 1.9؛ 16.19؛ لُكْ 3.21؛ 24.51
23سَيْ سُكَ غَبَاتَرْ دَ مُتُمْ بِيُ، يُوسُڢَ مَيْ سُونَ بَرْسَبَ، وَنْدَ كُمَ عَكٜىٰثٜىٰ دَشِ يُسْتُسْ دَ كُمَ مَتِيَسْ؞ 24أَلْمَجِرَنْ سُكَيِ أَدُّعَ سُكَثٜىٰ «عُبَنْغِجِ، كَا سَنْ ذُوثِيَارْ كُواْوَ؞ بَرِ كَنُونَ مَنَ وَنْدَ كَذَاٻَا عَثِكِنْ وَطَنَّنْ مُتُمْ بِيُ، 25يَذَمَ مَنْذُوانْكَ، يَطَوْكِ مَڟَيِنْ عَيْكِنْ مَنْذُوانْ دَ يَهُودَ يَبَرِ دُواْمِنْ يَتَڢِے وُرِنْدَ يَدَاثٜىٰ دَشِ؞»#إِرْمِ 17.10 26سَيْ سُكَيِ ڧُرِعَ عَكَنْسُ، مَتِيَسْ يَثِ، عَكَ كُمَسَا شِ يَذَمَ مَنْذُوانْ عِيسَىٰ تَرٜىٰدَ غُواْمَشَا طَيَنَّنْ؞#كَـ مَغْـ 16.33
Currently Selected:
أَيُّكَنْ مَنْذَنِّے 1: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020