Maleaxi 1
1
1Aƒetɔ ƒe nya si wògblɔ na Maleaxi be wòagblɔ na Israel-dukɔ lae nye esi:
Aƒetɔ ƒe lɔlɔ̃ na Israel-dukɔ la
2 #
Rom 9.13. #
Yes 34.5-17; 63.1-6; Yer 49.7-22; Xez 25.12-14; 35.1-15; Amos 1.11, 12; Oba 1.1-14. Aƒetɔ gblɔ be: “Melɔ̃ mi.” Ke miawo miebia be: “Ale ke nèlɔ̃ mí?” Aƒetɔ ɖo eŋu be: “Esau ɖe, menye Yakob nɔvie wònye oa?” “Ke melɔ̃ Yakob, 3eye melé fu Esau ya. Mena tonyigba si nye eƒe domenyinu la zu kegbegbe, eye wòtsi anyi va zu akpatakuwo nɔƒe.” 4Ne Edomtɔwo, ame siwo nye Esau ƒe dzidzimeviwo gblɔ be: “Togbɔ be wogbã míaƒe duwo hã, míagbugbɔ wo atso” la, Aƒetɔ, Aʋakɔwokplɔla la be: “Woate ŋu atui, ke magbãe aƒu anyi va se ɖe esime woanɔ wo yɔm be anyigba vɔ̃ɖi. Dukɔ si ŋu Aƒetɔ do dziku ɖo tegbee.” 5Miawo ŋutɔ miaƒe ŋkuwo akpɔ nu sia, eye miagblɔ be: “Aƒetɔ tri akɔ gbɔ Israel ƒe liƒowo ŋu gɔ̃ hã!”
Aƒetɔ ka mo na nunɔlawo
6Aƒetɔ, Aʋakɔwokplɔla la le gbɔgblɔm na nunɔlawo be: “Vi dea bubu tɔ́a ŋu, eye dɔla hã tsɔa bubu na eƒe aƒetɔ. Nenye nyee nye mia Tɔ́ nyateƒe la, afi ka nye bubu le? Nenye nyee nye miaƒe Aƒetɔ la, afi ka vɔvɔ̃ si le ŋunye la le? Miedoa vlom, eye miele biabiam be: ‘Nu ka míetsɔ do vlo wòe?’ 7Miedoa vlom elabe mietsɔa nuɖuɖu makɔmakɔ va nanam le nye vɔsamlekpui dzi. Ke miele biayem be: ‘Nu ka míetsɔ ƒo ɖie?’ Miebuna be woate ŋu aɖi gbɔ Aƒetɔ ƒe kplɔ̃ la faa. 8#Mos V, 15.21. Ne mietsɔ lã ŋkuagbã va sa vɔe nam la, ɖe menye nuvɔ̃ɖie miewɔ oa? Alo ne mietsɔ lã nuwɔe alo lã lédɔwo va nam la, ɖe menye nuvɔ̃ɖie miewɔ oa? Tsɔ lã ma ƒomevi yi ɖana wò anyigbadziɖula kpɔ! Ðe wò nu anyo eŋu, eye wòave nuwòa?” Aƒetɔ, Aʋakɔwokplɔla lae gblɔe. 9Azɔ la, miɖe kuku na Mawu vevie be wòave mía nu. Ðe miebu be ne nunana sia ƒomevi tso mia si me la, ave mia dometɔ aɖe nua? Aƒetɔ, Aʋakɔwokplɔla lae gblɔe. 10Ne ɖe mia dometɔ ɖeka ayi aɖatu gbedoxɔa ƒe ʋɔwo be wòaxe mɔ na mi ne miadzudzɔ dzudzɔ ƒuƒlu dodo ɖe nye vɔsamlekpui dzi la, ne anyo wu. Fifia la, nu dzodzro ko wònye wɔm miele. Miaƒe nu medze ŋunye o. Ne mietsɔ vɔsanu aɖe va nam la, nyemaxɔe o. Aƒetɔ, Aʋakɔwokplɔla lae gblɔe. 11Elabe tso ɣe ƒe dzedze va se ɖe eƒe toɖoɖo la, nye ŋkɔ lolo le dukɔwo dome, eye wotɔa dzo lifi nam le afi si afi hesaa vɔ nam wòdzea ŋunye. Elabe nye ŋkɔ de dzi le dukɔwo dome. Aƒetɔ, Aʋakɔwokplɔla lae gblɔe. 12Ke miawo ya mieƒo ɖim gblɔ be: ‘Aƒetɔ ƒe vɔsamlekpui ŋu mekɔ o; nuɖuɖu si le edzi la le ŋu nyɔm.’ 13Miegagblɔ hã be: ‘Nu sia ti mí!’, eye mieɖo hehe ɖe tanye. Azɔ mietsɔ miaƒe adzonuwo alo lã nuwɔewo alo lã lédɔwo va sa vɔe nam. Ðe maxɔ nu siawo tso mia sia? 14Aɖi ameflula la ŋu kpékpekpe! Lãtsu si le eƒe lãha mee wòtsɔ ɖe adzɔgbe be yeanam, ke elé lã nuwɔe va wu nam ɖe eteƒe! Nye la, Fiagã menye, eye dukɔwo katã vɔ̃am.” Aƒetɔ, Aʋakɔwokplɔla lae gblɔe.
Currently Selected:
Maleaxi 1: EB14
Highlight
Share
Copy
Want to have your highlights saved across all your devices? Sign up or sign in
EƲEGBE BIBLIA © The Bible Society of Togo, 2014.
