Lk Mejô y'atata'a
Mejô y'atata'a
Lukas a mbe *dokita. A nga tili bekalate bebaé: E kalate a be'e jôé dé a kalate Mimboone Minlôman. Beta nlô éfia ya kalate nyô a ne na: Yésus Nyii Bôtô 2:11.
Lukas a liti nta'ane beta minlô mi mam ya kalate wé avale fe ane Mark.
Da yené na Lukas fe a nga tili kalate wé éfandan ya mbu 80 a kui mbu 90 éyoñ éte Yésus a bialéya. Lukas a tili Téôfil betotii be mam a nga tu'a fas a yen ajô Yésus. Nkpwas ya kalate Lukas
- Abialé Yôanes Babtist a di Yésus 1-2. - Esaé Yôanes Babtist, nke ôsu Yésus 3:1-20. - Nduan a *meve'ele me Yésus 3:21-4:13. - Enyiñ Yésus e Galilé vôm a nga kañete mejô me Zambe a saé fe minkôkon 4:14–9:50. - Nkeane Yésus e Yérusalém 9:51–19:28. - Mam Yésus a nga bo e Yérusalém 10–21:38. - Mam ya mintaé a awu Yésus 22-23 - Mam ya môse Pak 24.
Lukas a ye'ele bia bido'o bi mam ajô ya nyiane wongan. Tin Yésus Krist a atinane ya abialé dé e si nyô e ne ma'a wongan ya mfefé élat e zañe bia be Zambe. Lukas a ye'ele fe na Zambe a bili ngum avale nye'an, ñwô ôte ô nji bo nye'an ya mingum mi bôt. A nye'e meval me bôt mese: Ayôme bôt, beta be bôt, ba be ne nsubane si, ba be ne mbenan a mbiaseban, binga, minzôzoé, mintabe akk. Nzuane Yésus e si nyô ô ne beta mboon ya Nsisime Zambe, ô ne beta jam ya mevak, a nkañan a mvean akéva a meye'elan, mam mete mme ma yôñôlô Mbamba Foé Yésus Krist (1:1–2:38).
Currently Selected:
Lk Mejô y'atata'a: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.