Yoa Mejô y'atata'a
Mejô y'atata'a
Mfa'a ya be Mbamba Foé benyin, nyôô Yôanes e nye a dañe fa'a bido'o bi mam ya atata'a, éyoñ éte mam me ngenan te bo. A mfa'a ya ajô mintaé mi Krist, baa be Mbamba Foé bevok be nji dañe bi abui mam fufulu. Yôanes a ne avale dé, a selan a ba bevok. A nji dañe kañete mam me Yésus mfa'a ényiñ jé ya minsôn e si nyô. Nde jôé ntoban Mbamba Foé Yôanes e ne na Mbamba Foé ya Nsisim; ve nalé a nji ke tinane na ba bevok be ne be Mbamba Foé ya minsôn, momo, teke mone bebé 1:1-5!
Mbamba Foé Yôanes étam a kañete beta be mam aval ane:
- abô? alu'u ya Kana 2:1-12.
- Ndôba'ane Yésus baa Nikôdém 3:1-21.
- Efus ja wômesane ngum kalate Zambe ôse 3:16.
- Ndôba'ane Yésus baa minga ya Samari 4:1-12.
- Nkôkon ya Bétesda 5:1-18.
- Môt a nga bialé ndim 9:1-41.
- Ñwômôlane Lazard e soñ 11:1-44 akk.
Nkpwas ya kalate Yôanes
- Yésus a ne ajôô ya nnôm éto 1:1-18.
- Nsamba bôt wo kañete ane benya bengaa ya ñyenan be nga yene Yésus a bitua bi mam a nga bo 1:19–12-50.
- Yésus a li'i beyé'é beta metiñ 13-16.
- Beta meye'elan me Yésus 17.
- Mveane Yésus mekua, awu dé, ñwômane wé, a ñyenane wé e be Marie ya Magdala a e be beyé'é 18-21.
Kalate Mbamba Foé Yôanes a ye'ele na:
1) Yésus a ne ajôô ya nnôm éto, a ne Zambe, a ne fe môt, a ne ényiñ ja ve môt ase éfufup 1:1-5.
2) Nge mia Yésus mi yenaneya, bo'o ngaa ya kañete ajô dé ane bôt bevok be nga bo.
3) Mveane wo dañ wo liti nye'an wo dañ 3:16.
4) Ndi *nlem ya *bebuni ba wu 11:25.
5) Susu'a beta jam Mbamba Foé Yôanes a sôñ be wo a ne ve na ô yeme Yésus na a ne Mesie, Mone Zambe, nye ésaa a nga lôm na a zu ve bôt ényiñ.
6) Ku'i ñhe mis ya Nsisim ô yene bebela zene wo yiane wulu été a kui be Zambe 14:6.
Currently Selected:
Yoa Mejô y'atata'a: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.