Yoa 2

Abô'ô alu'u ya Kana

1E mvuse valé, e môse lale, ane be nga ka'a abô'ô aluk, e Kana ya Galilé, nyia Yésus a too abô'ô te; 2be nga bañete fe Yésus baa beyé'é bé alu'u te. 3Eyoñe woon a nga man, e nde nyia Yésus a nga jôô nye na: Be ntoo teke fe woon! 4Ane Yésus a nga jô nye na: A minga, bia wo bi ne za ajôô? Awolo dam e ngenane te kpwaan. 5Ane nyia a nga jô bongô bisaé na: E jam ése a ye jô mia, bo'ane de! 6Nde beta minka'a meko'o mendim mi mbe valé, ntelan mfa'a ya ntunan beyude be nga bo be tunu bebien, tañe bone be fôndô bebaé nge belaa. 7Ane Yésus a nga jô be na: Jala'ane mevie'e meko'o mana mendim; e nde be nga jalé me mendim ne lut. 8Ane a nga beta jô be na: Bietane ñhe éyoñe ji, mi ke ve môt a jôô mame ya dina; e nde fe be nga ke ve nye. 9Atye'e njôô dina a nga tye'e mendime me nga kôñelane woone ma, ve nye teke yem e mfa'a woon a so, e bongô bisaé be nga lab mendim, be be yemek, e nde njôô dina a nga loone nlu'u minga 10a jô nye na: Môt ase a bo a taté'é ve e woon a ne *zam, e nyô a ne te dañe zame kik, éyoñ bôte be nga bili; ve wô wo te viane ba'ale woon a ne *zam a zu kui aval éyoñe di. 11Jina é ne étua jam ôsu ya bitua bi mam bié; a nga bo je e kana ya Galilé, a liti bôt duma dé, ane beyé'é bé be nga buni nye. 12E mvuse éte, a nga siliki a ke Kapernawum, émien, a nyia wé, a bobenyañ, a beyé'é bé, ane be nga tabe valé abe melu.

Yésus a fubu *nda Zambe

(Mt 21:12-17; Mk 11:15-17; Lk 19:45-46)

13Eyoñe Pak Beyude é nga bo bebé, ane Yésus a nga beta bet e Yérusalém. 14E nde a nga koone bôte nta'an e *nda Zambe été: a ba ba kuane benyak a mintômba a bezum, a ba ba tyendé bemoné, 15ane a nga bo nkasa a minsinga minko, a titane bese be kôlô *nda Zambe été a kui atan baa be mintômba a benyak, a nga tyamelane moné betyendé moné, a sô'ôlô fe betebele bab e si. 16A jô bôte ba kuane bezume na: Va'ane me biôme bite va, te mia bo *nda Esaa wom *nda minkuan. 17Eyoñe éte beyé'é bé ba zu simesane jam e ne ntilane na: Nye'an ma nye'e *nda jôé wo ye wôé ma. 18E nde Beyude be nga nyoñe nkobô a jô nye na: Za ndem éziñ wo liti bia na wo yiane fo'o bo mame wo bo ma' 19Ane Yésus a nga yalane be a jô na: Tyamane *nda Zambe nyô, ma ye beta telé je tetele ve melu mela mela. 20E nde Beyude ba zu jô nye na: Melôñ, ya *nda Zambe nyô me nga sili mimbu mewôme menyiin a misaman, ve mfa'a wôé, wo ye beta telé je tetele ve melu mela mela! 21Nde nye ke a mbe a kobô'ô ajô *nda Zambe ya nyôle jé émien. 22Ve éyoñ a wômôya a kôlô'ô miñwuan, ane beyé'é bé be nga simesane na a nga kobô be ajô te, e nde be nga buni Mintilan a ajô Yésus a nga kobô.

Yésus a yeme môt été

23Eyoñ Yésus a nga too e Yérusalém, abô'ô Pak été valé, ane bôt abui be nga buni nye, amu be nga yen bitua bi mam a mbe a bo'ok. 24Ve Yésus émiene kik, nye teke dañe tabe be ndi, amu a mbe a yeme be bese, 25a teke mfi éziñ asu dé na môte mfe a kañete nye ajô ya be môta binam; amu na émien a mbe a yeme jam e ne môta binam e *nlem été.

Currently Selected:

Yoa 2: BDCB

Highlight

Copy