Met 40

Yôsep e *nda mimbôk

(Met 39:20-23; 42:1-32; Bm 7:13-14)

1Eyoñe mam mete me nga man, e nga kui na évete menyu a évete beyame belet be njô bôte y'Ejipte be nga bo masa wop jam a wô'ô *abé. 2Amu ôlune Faraoñ a nga wô'ô biwôlô bebo bisaé bé, évete menyu a évete beyame belet, 3e nde a nga bo na be bi be a futi be e ndaa évete beba'ale, e *nda mimbôk, e *nda mimbôk, e vôme Yôsep a mbe a fete. 4Evete beba'ale *nda mimbôk é nga futi be éjôé Yôsep si, amu a mbe a saék e fefele jap, a be nga tabe ôbe nté e *nda mimbôk.

5Alu te ebien, évete menyu a ji beyame belet be njô bôte y'Ejipte be mbe mfetane *nda mimbôk, be nga yeme biyeyem bebaane bese, môt ase biyeyeme bié, bi too nguleya bi atinan. 6Yôsep a nga zu be be mametyé, a fombô be a yene be too éyôé. 7Eyoñe te a nga sili biwôlô bebo bisaé be njô bôt Faraoñ be mbe mimbôk baa be be e ndaa masa wé, a a nga jô be na: amu jé mi ne éyôé e môse wu' 8Be nga yalane nye na: Bia te yeme biyeyem, a teke môte ya kate bia atinan y'été. Yôsep a nga jô be na: Ye atinane ya biyeyem e nji bo jôme Zambe? Kañeta'ane ñhe biyeyeme bienan.

9Evete menyu é nga kañete Yôsep biyeyem a nga yem a jô na: E biyeyeme biam été me nga yene na ndi'i woon ô too ma ôsu. 10E ndi'i woone te ô mbe ô bili mefase melaa; éyoñe mekaé me nga kui été, same jé fe é nga yaé a bisanté bibuma bié bi nga ve bibuma bia ve woon bi too bitôtôlô. 11Elaé Faraoñ a nyuu je biôm é mbe e wo wom été. Me nga nyoñe bibuma bi ndi'i woon a miate bie *élaé Faraoñ été, a kalane je e mo me Faraoñ. 12Yôsep a nga jô nye na: Atinan e nde dina. Mefase me ndi'i melaa me ne môse milaa. 13A li'iya môse milaa, wôna Faraoñ a ye beta bete nlô wôé, a bulane wo éto jôé; wo ye ve Faraoñ *élaé jé e mo mé aval ô mbe ô bo'ok, éyoñ ô mbe mba'ale menyu me njô bôt. 14Ve ô simesa'ane ma éyoñ wo ye vak, a ma ye'elane wo na ô liti'i ma *mvam: bo'o Faraoñ na a simesane ma, a ô bo'o na me kôlô *nda nyô. 15Amu be nga vaa ma e sii Beébre, ja'ane vana émien, me nji ke bo jam éziñ da kee ma mimbôk. 16Evete beyame belet, éyoñ é yeneya na atinan e mbe *mvo'é, a nga jô Yôsep na: Ma, e biyeyeme biam été, me nga yene fe bone minkoé mi belet é ne éfumulu milaa e nlô wome yôp. 17E nkoé wo dañ ôyabe yôp, ô mbe ô bili jôm ése ñyame belet a yiane bi asu bidi bi Faraoñ. Ve anon e nga mane di bidi bite e nkoé été ô nga bete ma nlô. 18Yôsep a nga yalane na: Atinan e nde di: Bone minkoé belaa be ne môse milaa. 19Môs mi li'iya milaa, a Faraoñ a ye beta simesane wo, ba ye tyelé wo élé a anon da ye di minsône miôé.

20E môse lale, e *môs abô'ô abialé Faraoñ, a nga bo beta dina asu bebo bisaé bé bese, a nga simesan évete menyu a évete beyame belet ézezañe bebo bisaé bé. 21A nga bulan évete menyu ésaé jé été a a nga kalan *élaé menyu e mo me Faraoñ, 22ve a nga bo na be tyelé évete beyame belet élé aval atinane Yôsep a nga ve be e mbe. 23Evete menyu é nji ke simesane Yôsep, a a nga vuane nye.

Currently Selected:

Met 40: BDCB

Highlight

Copy