Met 4
4
Kan baa Abél
(Hé 11:7; 1 Pi 3:19-20; Yb 22:15-17)
1Fam é nga jô'ôbô Eve e minga wé; a nga nyoñ abum a biaé Kan. A nga jô na: Me biaya fam a e mvolane Nti. 2A nga beta biaé Abél monyañ. Abél a nga bo mba'ale mbame bone biyem, kane ki mbéé mefup. 3E mvuse nté éziñ, Kan a nga zuu bibuma ya si ane mvean e be Nti. 4Abél, nye fe, a nga zuu mintôle ya mbame bone biyeme wé a avoñe dap. Nti a nga yen Abél a e mveane wé mvaé; 5v'a nji yene Kan a mveane wé mvaé. Kan a nga dañe wô'ô ôlun a asu dé e nga biban. 6Nti a nga jô Kane na: Wo wô'ô ôlun amu jé? A asu dôé e ne mbiban amu jé' 7Nge wo bo mvaé, wo ye beta telé nlô wôé tetele, ve nge ô nji bo mvaé, *abé e ne ñyametan e *mbé wôé, a minkômbane mié mia lumbu be wo; ve wo jô'ô de. 8Ve da Kan a nga kobô monyañ Abél a e mbôlô be mbe mefup, Kan a nga tebe monyañe ngame yat a wôé nye.
Kan baa Zambe
(Mt 23:35; Hé 12:24; Yb 15:20-24)
9Nti a nga jô Kane na: Monyoñ Abél a ne vé? Nye na: Me nji yem; ye ma me ne mba'ale mojañ' 10E nde Zambe a jô na: Jé wo te bo? Tyiñe metyi me monyoñ ja yôn ataté si été a kui be ma. 11Eyoñe ji, wo ye yo'oban ôyap, a si ja te yooé anyu dé a nyoñe metyi me monyoñ e wo wôé été. 12Eyoñe wo ye bé bidi si, ja ye bo te beta ve wo mefo'o mé. Wo ye bo nyô a ndeñendeñ ô nyeñemba'an e si nyôna été. 13Kan a nga jô Nti na: Adite ya ékobe jam é dañeya ngule ya jibi. 14Wo titane ma den ôyap a si ba senan; ma ye yiane sobô ôyap a asu dôé, ma ye bo nyô a ndeñendeñ *a ko woñ e *si nyô, a nge môt éziñ a koone ma, a ye wôé ma. 15Nti a nga jô nye na: Nge môt éziñ a wôé Kan, ba ye kune nye biyoñe zamgbwa. A e Nti a nga futi ndem e be Kan ndembene bôte ba ye koone nye ba ye bo te wôé nye. 16Wôna Kan a nga kôlô vôme Nti a né a ke tabe e sii Nôd, e mfa'a jôbe da tôô Eden.
Mvoñe bôte Kan
(Met 2:24; Mt 19:4-9; Met 5:3-8)
17Kan a nga yeme ngal; nye ve bo abum a biaé Enok. Wôna a nga lôñe tison a yôlé je jôé monafame wé Enok. 18Enok a nga biaé Irad, Irad a nga biaé Mewuyaél, Mewuyaél a nga biaé Metusaél, Metusaél a nga biaé Lemék. 19Lemék a nga lu'u binga bebaé, wua jôé na Ada, nyô baa na Sila. 20Ada a nga biaé Yabal; e nye a ne émvame beba'ale biyem be ne te tabe ngume vôm. 21Monyañ a mbe jôé na Yubal; e nye a ne émvame ba bese ba bôme ntyam ateba a mfañ. 22E mfa'a Sila, a nga biaé Tubal-Kan, nyô a mbe a luik bivôl bise bi ne mvot a étyé. Kale Tubal-Kan é mbe Nama.
23Lemék a nga jô beyale na:
Ada baa Sila, vô'ôla'ane tyiñe jam!
Binga be Lemék, ke'an alo e nkobô wom!
Me nga wôé môt asu aveñe dam
a mon asu mimba'a miam.
24Ba ye kune Kan biyoñe zamgbwa,
a Lemék biyoñe mewôme zamgbwa a zamgbwa.
25Adam a nga beta jô'ôbô nga; a nga biaé monafam a yôlé nye jôé na: Sét; amu ngal a nga jô na: Zambe a beteya ve ma mvoñe bôte fe éjiane Abél e nye Kan a nga wôé. 26Sét fe a nga biaé monafam jôé na Enos. Eyoñe te ñhe be nga taté na ba loone jôé Nti.
Currently Selected:
Met 4: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
