Met 39

Yôsep a ne Ejipte

(Sam 1:1-3)

1Be nga kee Yôsep Ejipte; a Pôtifar, môte ya Ejipte, môta ndinleme Faraoñ a njôô bezimbi ba ba'ale nye, a nga kuse nye e be Beismaélit be nga kee nye Ejipte. 2Nti a nga too be Yôsep; mam me nga wulu nye *mvo'é mimfa'a mise, a nga too e ndaa masa wé mon Ejiptieñ. 3Masa wé a nga yene na Nti a nga too be nye; jam ése a mbe a bo'ok, Nti a nga bo na e wulu *mvo'é e mo mé. 4Yôsep a nga yene *mvam e be masa wé a mbe a saane nye éyoñ a nga kalane biôme bise bi mbe émbié e mo mé. 5Nné ane Pôtifar a nga telé nye ane mba'ale akume ya *nda jé a mba'ale biôme bise bi mbe émbié Nti a nga botane ndaa mon Ejiptieñ; a ébotane Nti é mbe e be biôme bise bi mbe émbié, ataté *nda jé a kui mefup. 6A nga li'i biôme bise a nga bili e mo me Yôsep, avale di na émien a mbe teke fe beta bo jôm éziñ, ô vaa ve bidi a mbe a ja'ak. Ve e too na Yôsep a mbe étua abeñ.

Yôsep baa minga Pôtifar

(Ekl 7:26; Mink 6:20; Yb 31:1-2; Yak 1:12)

7Eyoñe mam mete me maneya, e nga kui na minga masa Yôsep a nga wua mise mé be Yôsep a jô na: Bômbô'ô ma! 8Yôsep a nga ben a jô minga masa wé na: Tame yene na nté ane me soé, masa wom a nji beta bo jôm éziñ e *nda va, a a veya biôme bise bi ne émbié e mo mam; 9môte mfe a nji bo beta môt a dañe ma e *nda nyô, a a nji kamane ma jam éziñ ô vaa ve wo amu ô ne minga wé. Aya me ne bo aval anene mbia jame te, a me ne bo Zambe *abé' 10Akusa bo a nga ju'u kobô Yôsep jame te *môs ane *môs, a nji vô'ôlô mame a nga sili nye na a bômbô fefele jé a fulane nye. 11Môs éziñ, Yôsep a nga nyiine *nda na a bo ésaé jé. Teke môt éziñe ya *nda été a mbe valé; 12ane a nga bi nye ngômesan a jô na: Bômbô'ô ma! A nga li'i ngômesane jé e wo wé été a kui mbil atan. 13Eyoñ a nga yene na a li'iya ngômesane jé e wo wé été a a kuiya mbil atan, 14a nga loone bôte ya *nda jé a kobô be na: Yenan, a keya soo bia mon Hébre asu ya kpwe'ele bia. A te zu be ma na a bômbô ma; ve ma te taté na ma yôn étua ngul. 15Eyoñ a te wôk ane ma bete *tyiñ a na ma yôn, a te li'i ngômesane jé fefele jam a tup atan. 16A nga bôôé ngômesane Yôsep e fefele jé, akekui nnôme wé a soya *nda. 17Ane a nga kobô nye avale da na; *ôlo mon Hébre ô nga soo bia wô wo te zu be ma na ô kpwe'ele ma. 18Mbôlô ma te bete *tyiñ a yôn, wo te li'i ngômesane jé e fefele jam a tup atan. 19Eyoñe Pôtifar a maneya wô'ô nkobô ngal a mbe a jô'ô nye na: E jam *ôlo wôé wo te bo ma e nde di! 20Masa Yôsep a nga dik a ayaa. A nga bo na be futi nye mimbôk, e vôme mimbô'ô mi njô bôt mi mbe mfetan. Yôsep a nga too valé, e mbôk.

Yôsep a mba'ale *nda mimbôk

(Sam 105:18-19; 1 Pi 2:19-20)

21Nti a nga too be Yôsep, a a nga same wo mvame wé be nye. A nga bo nye na a yené mvaé e be évete ya *nda mimbôk. 22Evete ya *nda mimbôk é nga kalane Yôsep mimbô'ô mise mi mbe *nda mimbôk, a mam mese me mbe me boba'an été me mbe me lôtôk e be nye. 23Evete ya *nda mimbôk é mbe teke beta fombô mam mese Yôsep a mbe a bili e mo mé, amu Nti a mbe be nye: Nti a mbe a bo'o na mam mese a bo me wulu *mvo'é.

Currently Selected:

Met 39: BDCB

Highlight

Copy