Mm Mejô y'atata'a
Mejô y'atata'a
Kalate mimboone minlôman a ne nkañete, ataté nkeane yôp Yésus, a kui ntabane Paul e Rôm ane mone mimbôk. A kañete mame mevale mevale ya keké ya atata'a. A kañete ényiñe Paul; nkatane Mbamba Foé; mmialane Mbamba Foé, ataté Yérusalém; nkoban a ntyi'an ajô Paul e meba mejô.
Dulu Mbamba Foé a nga wulu: e kalate mimboone minlôman été, Mbamba Foé a taté kateban e Yérusalém (kapitel 2-5). A kalane Samari a Yudé (kapitel 8:1). Wôna, mvus éte, a kui Fénésie, Sipre a Siri (kapitel 11:19-22), a su'ulane kui Rôm (kapitel 28:14-31). Mbamba Foé a taté katebane Israél été, a su'ulane kalane be meyoñe bikuu, aval ane nkômbane Zambe ô mbe. Osimesane wu ñwô ô ne nlô éfia ya kalate Mimboone Minlôman (kapitel 1:8)
Bido'o bi mam bia yené été: kalate Mimboone Minlôman a liti mbamba éve'ela ya ényiñe fufulu bebuni e keké ya atata'a. A liti fe nkandan ô ne zañe ñyebe Beyude a ñyebe Bekristen. Sañesañe ya ajô te a nga ke tyi'i Yérusalém, e nsula'ane betebe ôsu ya Keké. Vôm ate Yakob a yené ane mbii ntume ya ékôane te (kapitel 14:4-29). E ne na: ényiñ, saa amu mba'alane metiñ, ve amu mvame Nti Yésus (kapitel 15:9-11).
Eyoñe wo lañ, wo ye yene na a nga tiliban asu bebuni Yésus, mfa'a ya ye'ele be a kômôtô be. A dañe liti éto mbunan ô bili, ajô ya yene ényiñe be Zambe, nsela'ane a ñyebe Beyude.
Enyiñe Paul, ntobane wé, nkôñelane nleme wé, ésaé jé ane nlômane ya meyoñe bikuu, ziñ, mewosan a ékpwe'ele a tôbane bie, bia dañe yené abui e kalate Mimboone Minlôman.
Currently Selected:
Mm Mejô y'atata'a: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.