1 Korinthiko Botolo
Botolo
Dạkhin Greece modre Korinth nagraha do bạnij bepar lạgitʼ mitʼṭen maraṅ ar namḍak nagrahage tahẽkana. Ḍher lahare nonḍenko hoṛkoakʼ bebatao jion reakʼ katha do joto hoṛgeko baḍaekan tahẽkana. Pạul do acʼakʼ dosar porcar kạmi calakʼ jokhecʼ pạhil dhao noa nagrahateye hecʼlena (Aposkạmi 18 hạṭiń). Korinthi manḍerrenko ṭhen uniyakʼ pạhil ciṭhi do sanam secʼte kạmire lagaokʼ leka tahẽkana. Pạul do manḍer reakʼ muskilakʼ sombatko tinreye ńamketʼa unre ona manḍer reakʼ umer do pe bochor gan tahẽkana. Uni do acʼakʼ ciṭhireye bhoṅ akada mitʼṭen biswạsi hoṛ do cetʼlekate kạite perecʼ jion bodolte Isor botorae tulucʼ jione khemao daṛeakʼa mente. Uni do bapla, kạphạriạu, dola duli, sonot Jiuakʼ dan, jiwetʼ beredokʼ ar eṭagakʼko reaṅ tinạkʼ kukliko tahẽkan onako joto reakʼ roṛ ruạṛ hõe em akada. Pạul do 13 hạṭińre dulạṛ reaṅ ạḍi mońje galmarao akada one oka do dhạrti reakʼ eṭakʼ puthikore baṅ ńamokʼkan.
Khaṭote Guṭtetʼ:
(1) Johar katha (1.1-9 kạli)
(2) Manḍer talare kạphạriạu (1.10—4.21 kạli)
(3) Manḍerren hoṛko talare loṭghuṭi (5-6 hạṭiń)
(4) Baplakʼ reaṅ (7 hạṭiń)
(5) Boṅga sewako tulucʼ biswạsikoakʼ gatekʼ (8.1—11.1 kạli)
(6) Manḍer jion ar dewa sewa (11.2—14.40 kạli)
(7) Jiwetʼ beredokʼ baṅ pạtiạukʼko ṭhen Pạulakʼ roṛ ruạr (15 hạṭiń)
(8) Pạulakʼ ciṭhi reakʼ mucạtʼ katha (16 hạṭiń)
Currently Selected:
1 Korinthiko Botolo: SBT
Highlight
Share
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.