मत्ती 9
9
येशूये काट जना पक्षाघात छान्च भर्मीकी गेपाक्च
(मर्कूस २:१-१२; लुका ५:१७-२६)
1येशू डुङ्गाङ काल्हार टाल पारी लाहा ङुच सहर कफर्नहुमाङ ल्हेस्न राहा। 2भर्मीकै पक्षाघातै छाम ओछ्यानाङ पर्च काट भर्मीकी खाट खाटा न बुवार येशू लेठाङ राका। होसकै होखुरीकुङ विश्वास डाङार पक्षाघात छान्चकी डेया, “ए मीजा, साहस जाटो, नुओ पाप क्षमा छान्नने।” 3याङ्च डाङार धर्मगुरुको मध्याङ कुडीक जनै मेखुरीकुङ मीमनाङ डेया, “इचे च परमेश्वरौ निन्दा जाट्न न ले।” 4येशूये होखुरीकुङ विचार थाहा डीन्हार डेया, “नाखुरीकै मीमनाङ हीजै याङ्च दुष्ट विचार जाट्ले? 5इसे भर्मीकी ‘नाकुङ पाप क्षमा छाना’ डेकी र ‘सोवार व्हानी’ डेकी कुसे चहीँ सजीलो ले? 6टर ङा नाखुरीककी टान्हाक्ले, भर्मीयो मीजाकी पृथ्वीयाङ पाप क्षमा जाट्च अधिकार ले।” होटै होसे पक्षाघाती भर्मीकी डेया, “सोनी, नाकुङ खाट बुवार इमाङ नुङ्नी।” 7होटै होसे भर्मी सोवा र लहो इमाङ नुङा। 8जब भर्मीकुङ भीडै इसे डाङा, टब होखुरीक बीर्हीया र परमेश्वरै भर्मीकोलाक याङ्च अधिकार याछ बाटै होसकुङ प्रशंसा जाटा।
येशूये मत्तीकी आर्घाच
(मर्कूस २:१३-१७; लुका ५:२७-३२)
9होटै येशू नुङ्चै जाट्नाङ मत्ती डेच काट जना भर्मीकी कर सोट्च अड्डाङ ङुमङुच डाङा र होसकी डेया, “ङाकी डुट्नी।” अनी होसे सोवार होसकोकी डुटा।
10येशू मट्टीयो इमाङ ज्यामा ज्याकी ङुच बेलाङ वास्टै जना कर सोट्चको र अरु पापीको र राहार होसको र होसकुङ चेलाकोखाटा ज्याकी ङुवा। 11जब फरीसीकै होसे डाङा, अनी होखुरीकै येशूओ चेलाकोलाक गीना, “नाखुरीकुङ गुरु हीजै कर सोट्चको र पापीकोखाटा ङुवार ज्याले?”#९:११ यहूदी ढर्मौ अगुवाकै येशूखाटा ज्याच पापीकोलाक असुड्ढ मन्डीमन्या। सुये होसे पापीको खाटा ज्याले होसकी र असुड्ढ छान्च मन्डीमन्या। 12इसे कुरा सेयार होसकै डेया, “माछाचकोलाक बैड्यौ खाँचो मापर्ले, टर छाचकोलाक बैड्यौ खाँचो पर्ले। 13नुङार इसे धर्मशात्रओ अर्थ ही लेसा पान्ही, ‘ङाकी नाखुरीकै बलीदान याछ होइन टर ङा नाखुरीकै अरुकी दया जाट्च मीमन जाट्ले।’#होसे ६:६ हीजैडेनाङ ङा धर्मीकोलाक होइन, टर पापीकोलाक आर्घाकी राछ हो।”
उपवास ङुच बारेयाङ गीन्च
(मर्कूस २:१८-२२; लुका ५:३३-३९)
14होटै न्हुइङ बप्तिस्मा याछ युहन्नौ चेलाको येशू लेठाङ राहा र होसकोकी गीना, “कान र फरीसीको चहीँ उपवास ङुले, टर नाकुङ चेलाको चहीँ हीजै उपवास माङुले?” 15येशूये होखुरीककी जवाफ याहा, “जबसम्म ब्याहुला जन्टीकोखाटा छान्ले, ही होखुरीक शोक जाट्ले र? टर होसे डीन राल्हे जब ब्याहुला होखुरीक लकीङ भाकार आल्हे। अनी होडीक बेला होखुरीक उपवास ङुले।
16“सुयेर ठोट्र्या बढीनाङ नयाँ बढीनौ टाल्हो माटाल्हीले। हीजैडेनाङ नयाँ टाल्होये बढीनकी खुम्चडीयार च्याट्ले, अनी झन् बढीन वास्टै च्याल्हे।
17“होटजाट्न न नयाँ अङ्गुरौ मड्य पुरानो छालौ मसकाङ माकाले, नभा च मसक च्याट्ले र डाखमड्य आय्हाट्ले। नयाँ डाखमड्य चहीँ नयाँ छालौ मसकाङ न डाकी पर्ले र नीस न जोगडीस्ले।”
याइरसौ मास्टो मीजा र छाच मास्टो
(मर्कूस ५:२१-४३; लुका ८:४०-५६)
18येशूये होखुरीककी इसे कुरा डेमन लेया, होडीक बेला होला काट जना यहूदी शासक राहा, र होसकुङ अगाडी मीघुडा टुसार बिन्ती जाट्चै डेया, “हजुर, ङौ मास्टो मीजा चाहाँजाक सीया। टर नाको राहार होसे मीटाक नाकुङ मीहुट डाम यान्ही र होसे जीवाले।” 19अनी येशू र होसकुङ चेलाको सोवार होसे शासक खाटा नुङा।
20होडीक न बेला बार्ह वर्ष सम्म य्हु जोक्च रोग लग्डीसार छाच काट जना मास्टोये न्हुङ्लकीङ राहार येशूओ बढीनौ छेउ छुवा। 21हीजैडेनाङ होचे लहे लाहाकी न इट डेया, “इडीक ङै होसकुङ बढीन मट्टै छुवा डेनाङ र ङा गेप्ले।” 22येशूये खार्लाप ल्हेसार न्हुङ्लाक ङोस्नाङ होसे मास्टोकी डाङा र होसकै डेया, “ए मास्टो मीजा, साहस जाट्नी, नाकुङ विश्वासै नाकोकी गेपाक्नने।” होडीक न बेला होसे मास्टो गेप्की क्योटा।
23जब येशू शासकौ इमाङ टाराहा, होसकै होला शोक जाट्न बाँसुरी आर्म्हाट्चको र भर्मीयो भीडै खैलाबैला जाट्न ङुच डाङा। 24येशूये होखुरीककी डेया, “नाखुरीक बाहीर नुङ्नी, हीजैडेनाङ इसे मास्टो जजा मासीमे, टर मीस्नने।” टर होखुरीकै होसकुङ कुराकी मापट्डीया र रेटार भुरुक्ङ याहा। 25टर जब भीडकी बाहीर छ्युका टब होसको इम भीत्री पर्या, र होसकै होसे मास्टो जजौ मीहुट घोवा अनी होसे जुरुक्क सोवा। 26इसे घटनौ बारेयाङ होसे इलाका भरी न फैलडीसा।
येशूये नीस जना अन्धा र काट जना लाटाकी गेपाक्च
27येशू होटै नुङ्चै जाट्नाङ नीस जना मीमीक माडाङ्च भर्मीको इट डेम च्याक्चै होसको न्हुङ-न्हुङ राहा, “ए दाउदौ मीजा, कान मीटाक दया जाट्न यान्ही!” 28जब येशू इमाङ टाहा, अनी होसे नीस जना अन्धा भर्मीको र होसको लेठाङ राहा। होसकै होखुरीककी गीना, “ही ङा नाखुरीककी गेपाक्की य्होक्ले डेच विश्वास ले?” होखुरीकै डेया, “हो प्रभु, विश्वास ले।” 29टब येशूये होखुरीकुङ मीमीक छुचै डेया, “नाखुरीकै विश्वास जाट्च लेखा न नाखुरीककी छान्ख्यो।” 30होटै होखुरीकुङ मीमीक डाङ्की य्होक्च छाना। येशूये इट डेयार होखुरीककी कडा आज्ञा याहा, “इसे कुरा सुकीर थाहा माछान्ख्यो!” 31टर होखुरीक नुङार होसे इलाका भरी न होसकुङ बारेयाङ सेटाका।
32होखुरीक होटै ख्योव्हार नुङ्ङ न लेनाङ, काट जना भूत लक्डीसार लाटा छान्च भर्मीकी येशू लेठाङ राका। 33येशूये भूत छ्युक्च बीट्टीकै होसे भर्मीये ङाक्की य्होका। अनी भीड इट डेचै छक्क पर्या, “इस्राएलाङ सेन्र याङ्च माडाङ्ङन्या!” 34टर फरीसीकै डेया, “भूतकुङ मालीकौ सहायटा लकीङ इचे भूत छ्युक्ले।”
ठोरै य्हामीको
(मर्कूस ६:३४; लुका १०:२)
35येशूये होखुरीकुङ पट्ट न सहरको र लाङ्घुङ सभाइमकोवाङ नुङार शिक्षा पाहाक्चै स्वर्गौ राज्यौ सेछ समाचार सेटाक्चै र भर्मीकुङ खाल खालुङ रोगको गेपाक्चै व्हा। 36भीडकी डाङार होसकुङ मीमन होखुरीकुङ लागी डयै न्हेपार राहा। हीजैडेनाङ होखुरीक गोठला मालेच भेडाको लेखा न हैरान र डुख लाचको लेया। 37टब होसकै लहो चेलाकोलाक डेया, “म्हीन्च बाली च प्रशस्त ले, टर य्हामीको चहीँ ठोरै ले। 38होटबाटै फसलौ प्रभुकी प्रार्थना जाट्नी, अनी होसकोकी डेनी लहो फसलाङ य्हामीको बीर्न्हकानी।”
Currently Selected:
मत्ती 9: EMGP
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
