Marko 2

KUKIZIBWA KW’OMULEMA. — OBUHICHA BWO KUKIZ’EBIHENO.

1Nasuba kugenda Kafarnahumi, enaku ka zarabireho; 2ka bahulire okw’ali mu nzu, nibekobyanya bengi, nibezura na ha mulyango, omwanya nigubura; nabolekerera ebigambo#2, 2 Ebigambo ebyo niyo “Evanjeli”, ensonga: ebigambo bizima.. 3Mbe nibamwizaho abalesire omulema, ayaliga, abatwirwe bana. 4Nibatamibwa kumusagaraho, obwo yaliga eli nsangano y’embaga ningi, mbe nibasakarura ha luswi omwo Yezu yaliga ali, nibafumuraho, nibahanantura ilaro ely’ omulema yaliga amamireho. 5Yezu ka yabwene kwikiriza kwabo, nagambira omulema ati: Mwana wange, wakizibwa ebiheno byawe#2, 5 Ebiheno byaliga bili bwohe y’endwara y’omuntu ogwo, nicho Yezu yatandikirire kukiza ebiheno bye.. 6Omwo haliga halimo abandi bo mu bandiki bekere, nibatekateka mu mitima zabo bati: 7Onu akufumorera ki atyo? yazuma Mungu. Akuhicha kukiz’ebiheno ni ga, atali Mungu wenka? 8Yezu, obwo yamanyire aho n’aho mu mutima gwe okwo bakutekateka batyo muli bonene, nabagambira ati: Mukutekatekera ki si ebyo mu mitima zanu#2, 8 Yezu namanyisya abahate be okwo hataliyo echeserekire hali wenene.? 9Echanguhire ni kiha? kugambira omulema nti: Wakizibwa ebiheno byawe; nangu kugira nti: Imuka, twara ilaro lyawe, olibate? 10Mbe ka mumanye okw’Omwana w’omuntu ali n’obuhicha mu nsi bwo kukiz’ebiheno, (nagambira omulema ati:) 11Nkukugambira nti: Imuka, twara ilaro lyawe, ogende mu ka. 12Mbe aho n’aho naimuka, natwara ilaro, nagenda, bona basumbire; nibakuma bona, nibakuza Mungu nibagira bati: Kuba titukabonaga tutyo#2, 12 Ihano elyo likumanyisya koto okwo Yezu ali n’obuhicha bwo kukiz’ebiheno..

KUSORWA KWA LEVI. — EMILIMO HA LUNAKU LWA SABATO.

13Nasuba kugenda ha chambu, kai embaga yona nemuzaho, nabolekerera. 14Akirabaho, nabona Levi#2, 14 Lora Matayo 9, 9–13., mwende Alfe, aikere ha kigobo, namugambira ati: Nondube. Ka yemukire, namuruba. 15Mbe ka yalire mu nzu ya Levi, abasoroza bengi#2, 15 Lora Matayo 9, 10. n’abaheni nibekaranwa nibalya hamo na Yezu n’abahemba be; kuba abamurubire baliga bali bengi. 16Mbe abandiki n’Abafarizayo, ka babwene nalya n’abasoroza n’abaheni, nibagambira abahemba be bati: Kubaki si omwolekerezi wanu akulya nanwa n’abasoroza n’abaheni? 17Yezu ka yahulire ebyo, nabagambira ati: Abazima tibasasirwe omufumu, nawe abarwere; kuba tinezire kweta abatakatifu, nawe abaheni#2, 17 Lora Matayo 9, 13.. 18Abahemba ba Yohana n’Abafarizayo baliga nibasiba; nibeza nibamugambira bati: Abahemba ba Yohana n’Abafarizayo bakusibira ki, kai abawe batakusiba? 19Nabagambira ati: Si abana b’amenga bakuhicha kusiba ha lunaku olw’omuswezi akuba ali nabo? Mu naku zona ezo bakuba omuswezi ali nabo tibakuhicha kusiba. 20Nawe haliza enaku ezo balihwaho omuswezi, mbe niho balisiba mu naku ezo. 21Tihaliho muntu akubazira ekisato kihya ha mwenda mukokoro, kuba ekisato kihya kikubanduka ha mwenda mukokoro, mbe obutemuke nibukana muno. 22Kai hona tihaliho akuta evini mpya mu nzoga nkokoro, kuba evini ekwat’enzoga, kai evini neseseka, n’enzoga nizifwa busa; nawe evini mpya eli no kutebwa mu nzoga mpya#2, 22 Lora Matayo 9, 17..

23Mbe kandi Omukama ka yarabire mu misiri z’engano ha lunaku lwa sabato, abahemba be nibatandika kuz’obusyo no kukonora ebyangara. 24Abafarizayo nibamugambira bati: Lora, bakukolera ki ebizibirwe ha lunaku lwa sabato? 25Nabagambira ati: Timukasomaga ebyo Daudi yakozire ka yasasirwe narumw’enzala, wenene n’abo yaliga ali nabo? 26Nk’okwo yatahire mu nzu ya Mungu, mu naku z’Abiyatari omukuru w’abasaserdoti, nalya emikate zo kwolecha, ezaliga zizibirwe kulibwa abatali basaserdoti, kai nahaho n’abo yaliga ali nabo?#2, 26 Lora Matayo 12, 4. 27Kai nabagambira ati: Sabato bakagitereraho omuntu, nawe omuntu tibamuterereho sabato. 28Nich’Omwana w’omuntu ali kana n’olwa sabato#2, 28 Sabato ekugasira abantu, nawe abantu tibagasira sabato. Abafarizayo baliga batereho ebizibiro bingi ha lunaku lwa sabato, ebvaliga bitali mu kilagiro cha Mungu. Yezu, obw’ali Mwana wa Mungu, ali kana sabato..

Currently Selected:

Marko 2: KED1946

Highlight

Copy