Matayo 17

KUHINDUKA KUNDI KWA YEZU. — KUSUBA KWA ELIYA.

1Enaku mukaga ka zarabireho, Yezu natwara Petro na Yakobo na Yohana, omutabani wabo, nabasagara mw’ibanga lilehire, bonka. 2Nahinduka kundi mu meso gabo; obusyo bwe nibwaka nk’ezoba, ebizwaro bye nibyera nka zeluji. 3Aho Musa na Eliya nibababonekera nibafumora nage. 4Mbe aho Petro nasubamo nagambira Yezu ati: Mukama wange, ni kuzima twikare hanu; raba noyenda, twombeke hanu ebihuna bisatu, kimo chawe, ekindi cha Musa, ekindi cha Eliya. 5Yaliga akifumora, nilyo n’elire nilyaka nilibasweka; nilyo n’ilaka niliruga mu lire niligira liti: Onu ni Mwana wange owe nkwenda, ogwo niwe nkusemererwaho: mumuhulire. 6Abahemba ka bahulire, nibagwa ha nsi buzumi, nibatina muno. 7Yezu nairira hehi nabakwata nabagambira ati: Nimwimuke, muleke kutina. 8Ka balalamire, tibabwene muntu, raba si Yezu wenka#17, 8 Entumwa isatu ezo ezasozirwe Yezu bamubone kuhinduka kundi niz’enganzi ze. Musa akezukiza ebilagiro bya Mungu, kai Eliya akezukiza abalagi abalagire amakuru n’obusasi bwa Yezu. Bakamanyisya okwo ebya kara byahwa, hati ebya Yezu nibyo tuli no kuruba; ilaka liti: Mumuhulire.. 9Bakihanantuka h’ebanga, Yezu nabazibira nabagambira ati: Mutagambira muntu ebyo mwabona, kuhika Omwana w’omuntu azoke mu bafu.

10Mbe abahemba nibamubuza nibagira bati: Mbe si abandiki bakugambira ki bati: Eliya ali no kutandika kwiza? 11Wenene nasubamo nabagambira ati: Nikwo, Eliya aliza, alisemeza byona. 12Nawe nkubagambira okwo Eliya yezire; kai tibamumanyire, bakamugirira byona ebyo bayendaga. Nikwo n’Omwana w’omuntu wena alinaranazibwa atyo bonene. 13Aho abahemba be bakamanya nk’okwo yabagambire Yohana Batista#17, 13 Yezu akususanisya Yohana Batista na Eliya, obwo Omwebembezi yaliga ali n’omulimo nk’ogwa Eliya..

OMUGWI W’ILALU NAKIZIBWA.

14Ka yahikire ha mbaga, omuntu omo namwizabo natez’ebizwi obusyo ye nagira ati: Mukama wange, nosasire omwana wange, kuba akugwa ilalu, kai akunaranara muno; engendo ningi akugwa mu muliro na mu menzi. 15Kai ndamuletere abahemba bawe, tibahikize kumukiza. 16Mbe Yezu nasubamo nagira ati: Luzaro lutekiriza n’olw’obuyaga mwe, ndikara n’emwe kuhika lihi? ndibeguminsiriza kuhika lihi? Mumundetere hanu. 17Yezu namuchahalira; sitani nilimurugamo, omusigazi nakira mu katungu ako. 18Aho abahemba nibaza hali Yezu bwesereke, nibagira bati: Kubaki itwe twasingirwe kulirucha? 19Yezu nabagambira ati: Kuber’obutekiriza bwanu. Kuba koto nkubagambira nti: Mukiba muli no kwikiriza nk’embibo ya hardali, mwakugambire ibanga linu muti: Ruga hanu, roko oku, lyakugenzire; tichakubereho echo kubatamya. 20Nawe isitani lyezabo lityo tilikwirukibwa, otatereho esala no kusiba.

YEZU NASUBA KULAGA OBUSASI BWE. — NAKWATA OMUSORO.

21Aho baliga basumbire Galilaya, Yezu nabagambira ati: Omwana w’omuntu aliherezibwa mu mikono z’abantu, 22balimwita, kai ha lunaku lwa kasatu alizoka. Nibabihirirwa muno.

23Ka bahikire Kafarnahumi, abasoroza ba didrakama#17, 23 “Didrakama” yainganaga na kuti shilingi ibili. Niyo yalihwaga buli museza wena mu Bayahudi, ayaliga yahikize myaka makumi abili. Gwaliga guli musoro gw’Eklezia gwa buli mwaka. nibagenda hali Petro, nibamugira bati: Si omwolekerezi wanu takusora didrakama? 24Nagira ati: Aa, akusora. Ka yatahire mu nzu, Yezu natandika kumubuza nagira ati: Simoni, okuchwa ota? abakama bo mu nsi bakusoroza omusoro hamo bakutobesya abantu ki? abana babo nangu abageni? 25Wenene nagira ati: Abageni. Yezu namugambira ati: Hatyo abana bakira. 26Nawe tuleke kubasitaza, mbe nogende ha chambu, onagemo irobo, enfwi elatandika kwiza oluguru, k’olagyasamya akanwa, okusangamo stateri#17, 26 “Stateri” yainganaga na shilingi ina. — Yezu yaliga atalagirwe kusora, obwo ali Mwana wa Mungu; akekiriza chonka, azizye abahate be enkeruko., ogitware, ogisorore ine n’ewe.

Currently Selected:

Matayo 17: KED1946

Highlight

Copy