Amaköri gha Bhatomu Obhukangati
Obhukangati
Ruuka niwe are omwandëki o ghitabhu kino ke Maköri gha Bhatomu. Iwe niwe ꞉andëkiri eghitabhu ke Angʼana Anchömu kino ghekobherekeru Ruuka. Ruuka taare Omuyahuuti. Naare araghëndani no omotomu Bhawuro mo‑rughëndö rooche ro kuraghani Angʼana Anchömu ighoro e Yesu Kirisito (Abhakorosaayi 4:10–14). Bhawuro ꞉naabhughiri kubha Ruuka naare umu ghate e bhatamishi bhano ꞉bhaare bharamotoori (2 Timotewo 4:11; Bhiremooni 24). Wiiki naare “omughabho omosiighani” (Abhakorosaayi 4:14).
Ruuka ꞉naandëkiri eghitabhu ke Maköri gha Bhatomu ghate e mooka o 60–64 korwera hano Yesu Kirisito ibhoriiru, eriibhagha rino are haghirohamu na Bhawuro mo‑moghya o Ruumi.
Ruuka ꞉naandëkiri eghitabhu ke Angʼana Anchömu haghirohamu na eghitabhu ke Maköri gha Bhatomu kwo mooto umu uno are arabherekeru Tewobhiro (Ruuka 1:3). Koru nangabha ꞉amwandëkiire Tewobhiro, abhasömi bhaaru mbaghwituuri kubha Ruuka ꞉naandëkiire abhakumi bhoose, Abhayahuuti haghirohamu na abhaato bha matöngö, bhasömë ebhitabhu bhiyo.
Eghitabhu ke Maköri gha Bhatomu n‑obhohikeerani bho Angʼana Anchömu e Ruuka (Amaköri gha Bhatomu 1:1–2). Ekebhune keeche nkeere kwërëki kebhuno Eryobha ꞉riisanchiri Angʼana Anchömu e Yesu, na kinya ꞉reekoriri eriikanisa na koriitabheri gho kohetera emeremo ghe Körö Ahörëëru.
Currently Selected:
Amaköri gha Bhatomu Obhukangati: ntk
Highlight
Share
Copy
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved