ISAIAH 11

Daihnak Pennak

1Siangpahrang David ciruang hi haumi thingkung bantuk a si; chumhmui in nge thar an corh bantukin David tefa chungin siangpahrang thar pakhat a chuak lai. #Biat 5.5; 22.16

2A mi kha a uk khawh hna nakhnga

Bawipa ṭhawnnak nih amah cu fimnak

le hngalhnak le thiamnak

a pek lai.

Bawipa duhnak kha zeidah a si ti

a hngalh lai i

Bawipa cu a ṭih lai.

3Cun Bawipa rian ṭuan kha

aa lawmhnak a si lai.

Leng lang men le mi chim chin

bia men in bia a khiak lai lo;

4Sifakmi kha an bia ṭha tein a ceihpiak

hna lai i

nauta pawl kha a ṭanh hna lai.

Amah nawl pekning in ram cu

dantat a si lai i

mi ṭhalo cu an thi lai. #2The 2.8

5A mi cu dinnak in a uk hna lai i

an caah zumh awk tlakmi a si lai. #Efe 6.14

6Cenghngia le tuu kha hmunkhat ah

dai tein an tlong ṭi lai i pawlai

le mehehfa cu an bawk ṭi lai.

Cawfa le chiandeih no kha rawl

an ei ṭi lai i

ngakchia tete nih khan

an zohkhenh hna lai. #Isa 65.25

7Caw le vom cu rawl an ei ṭi lai i

an fale cu dai tein an bawk

ṭi hna lai.

Caw nih facang zi an ei bantukin

chiandeih nih facang zi cu

a ei ve lai.

8Sivai ngeimi rul pawngah ngakchia

nih lente an i celh hmanh ah

harnak zeihmanh an tong lai lo.

9Zion Tlang, Pathian tlang

thiang chungah cun

thil ṭihnung le thil ṭhalo zeihmanh

a um lai lo.

Rili cu ti in a khah bantukin hi ram cu

Bawipa hngalhnak in a khat lai. #Hab 2.14

Saltang An Kir

10Siangpahrang David ciruang chungin a chuakmi siangpahrang thar cu miphun hna caah hmelchunhnak a si lai i cu a si lainak ni cu a phan lai. A siangpahrang khua chungah khan an i pum lai i upatnak an pek lai. #Rom 15.12 11Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai. 12Israel mi le Judah mi aa ṭhekmi hna kha vawlei ki li in ka pumh ṭhan hna lai i hmuhsaknak caah Bawipa nih hmelchunhnak pakhat a tar lai. 13Israel ram nih khan Judah ram kha a nahchuah ti lai lo i Judah zong cu Israel ral a si ti lai lo. 14Hmunkhat ah nitlaklei i a ummi Filistin mi kha an tuk hna lai i nichuahlei i a ummi kha an ramh ṭi hna lai. Edom mi le Moab mi kha an tei hna lai i Ammon mi nih an nawl an zulh hna lai. 15Bawipa nih thli lin a chuahter lai i cu thli lin nih cun Nail tiva le Zufrates tiva kha a kaoter hna lai i tiva hme tete pasarih lawng kha a nganh hna lai caah ahopaoh nih an tan khawh hna lai. #Biat 16.12 16Assiria ram chung i a tangmi a mi hna caah khan, an pupa nih Izipt ram in an rak zam tikah Bawipa nih lam nganpi a serpiak hna bang khan, Assiria ram chung cun lam nganpi pakhat a um lai.

Currently Selected:

ISAIAH 11: HCL06

Highlight

Copy