1 थेस्सलनीकाकरांस 1
1
1आपले परमेश्वर पिता व प्रभू येशू ख्रिस्तामध्ये असलेली थेस्सलनीका येथील मंडळीस,
पौल, सीलास व तीमथ्य यांच्याकडून:
तुम्हाला कृपा व शांती लाभो.
थेस्सलनीका मंडळीच्या विश्वासाबद्दल उपकारस्तुती
2आमच्या प्रार्थनांमध्ये तुम्हाला निरंतर स्मरण करीत आणि तुमच्या सर्वांबद्दल नेहमी परमेश्वराचे आभार मानतो. 3परमेश्वर जे आपला पिता यांच्यापुढे तुमचे विश्वासाचे कार्य व प्रीतिने केलेले श्रम, आणि आपला प्रभू येशू ख्रिस्तावरील आशेचा धीर याची आम्ही निरंतर आठवण करतो.
4परमेश्वराच्या प्रीती पात्र माझे प्रिय बंधू आणि भगिनींनो, आम्हाला माहीत आहे की परमेश्वराने तुम्हाला निवडले आहे. 5कारण आमची शुभवार्ता तुमच्याकडे केवळ शब्दाने नव्हे, परंतु शक्तीने, पवित्र आत्म्याने आणि पूर्ण खात्रीने आली. तुमचे चांगले व्हावे यासाठी, तुम्हामध्ये तुमच्याबरोबर राहत असताना आम्ही कसे राहिलो हे तुम्हाला माहितच आहे. 6पवित्र आत्म्याने जो आनंद तुम्हाला दिला आहे, त्याद्वारे तुम्ही अतिशय क्लेशांमध्ये असतानाही संदेशाचा स्वीकार केला, आणि आमचे व प्रभुचे अनुकरण करणारे झाले; 7आणि म्हणूनच मासेदोनिया व अखया येथील सर्व विश्वासणार्‍यांना तुम्ही आदर्श झाले. 8प्रभुचा संदेश तुम्हाद्वारे केवळ मासेदोनिया व अखया येथेच घोषित गेला असे नाही, तर परमेश्वरावरील तुमचा विश्वास सर्वत्र जाहीर झाला आहे. त्यामुळे तुमच्याबद्दल काही सांगण्याची आम्हाला गरजच राहिली नाही. 9कारण ते स्वतः अहवाल देतील की आमचे स्वागत तुम्ही कशाप्रकारे केले, आणि जे जिवंत व खरे परमेश्वर आहेत, त्यांची सेवा करण्यासाठी तुम्ही मूर्तिपासून कसे दूर झाला आहात. 10आणि परमेश्वराचा पुत्र येशू ज्यांना त्यांनी मृतांतून पुनरुत्थित केले, जे येणार्‍या क्रोधापासून, आपल्याला सोडवितात त्यांची स्वर्गातून येण्याची तुम्ही वाट पाहात आहात.
Currently Selected:
1 थेस्सलनीकाकरांस 1: MRCV
Highlight
Share
Copy
Want to have your highlights saved across all your devices? Sign up or sign in
मराठी समकालीन आवृत्ती™, नवीन करार
ग्रंथाची मालकी © 1978, 1982, 2008, 2022 Biblica, Inc.
यांची परवानगी घेऊन केले गेले आहे. सर्व अधिकार जगभरात राखीव.
Marathi Contemporary Version™, New Testament
Copyright © 1978, 1982, 2008, 2022 by Biblica, Inc.
Used with permission. All rights reserved worldwide.
