Zechariah 7
7
An tanna Maan ngawlte Topa in Mawsak
1Darius sia kumpilianpa in a maan zawk a kum lina, a tha kuana (Kislev tha), a ni li ni in Topa in kei tungah thu khat hong pia hi.
2Bethel mite in Sharezer le, Regemmelech le a mite sia Vaanglianbelpa Topa Biakinnpi ah Topa thupha dei in thungen tu le 3thiampite le kamsaangte tungah hi bangin thu dongh tu in paisak hi, “Biakinnpi a kilalsak hu in kum tam mama sung ka vawt sa uh bangma, tu in a tha nga tha in, an tanna taw khuangai in om lai tu khu ziam?” ci hi.
4Hi thu sia Topa ii thupuak hi a, kei tungah hong theng hi. 5Ama in, “Ngamsung a mite le thiampite ii hi kum sawmsali sung tawntung a tha ngana le a tha sali na ah khuangai in an a tan uh ciang kei hong patoai ahi ngawlna sia amate tungah son ta'n. 6Amate in a neak a dawn ciang amate lungkim natu bek ahi hi,” ci hi.
7Hi thu in Jerusalem khangto a, mihing taw a kidim hun lai, mihing tam mamate tua khuapi kiim a om khuate sung bek ah teang ngawlin thangsang ngamkhen le nitumna sang mualpeang te zongh ah a teen hun lai pekin kamsaang masate tungtawn a, Topa ii sonsa ahi hi.
Thunit Ngawl hu in Saltanna
8 Topa in Zechariah tungah hi thu puak hi: 9“Khua ngeipi lai in ka mite munah hi thupiakte ka pia hi: ‘Thukhaikim in seam vun a, khat le khat dikna le kihesuakna nei hamtang tavun. 10No sungah hong teang ngamdangmite, meingong tangate ahizong, a cimaw dangte ahizong, zothaw ngawl tu nu hi. Khat le khat kisuksiat natu a nanamin sawm ngawl tu nu hi.’
11“Ahihang ka minamte thinpui in hong nangai ngawl uh hi. Amate in a thinsung kongkhate khakin, 12a lungtangte suang bangin saksak uh hi. Khua ngeipi lai a kamsaangte tungtawn a ka hil thute ngai nuam ngawl ahikom, ka thin uuk mama hi. 13Ka pau ciang hong ngai ngawl uh ahikom, thu hong nget uh ciang ka zo bua hi. 14Amate ngamdang ah a teang tu in, vuipi suangval bangin ka niil keak hi. Hi ngampha na sungah a teang om ngawl a, ngamtongta in kinusia hi,” ci hi.
Currently Selected:
Zechariah 7: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
