Zechariah 4
4
Meivakna khuam Mukholna
1Kei hong pau pupui ngei tua vantunglalang sia hong pai kik a, a mu kimlai phok bang phetin kei hong phong hi. 2“Bang na mu ziam?” ci in hong dongh hi.
“Khamh taw a kivawt meivak khuam khat hi. A dawn ah sathau koina kuang khat om hi. Meivak khuam tungah meiinn sali om a, a simin meivakkhau koina nei tek hi. 3Meivak khuam lang le lang ah olive thingkung khat veve om hi,” ci in ka zo hi. #Tpl 11:4 4Tua zawkciang vantunglalang munah, “Topa awng, hite ii khiakna bang ziam?” ci in ka dongh hi.
5Ama in, “He ngawl ni ziam?” hong ci hi. “He ngawl khi hi, topa awng,” ci in ka zo kik hi. #4:5 A khanno 10b-14 sia a thu paidan a kipee thei natu in, a khanlian tawpna pan hi sungah kikhiin hi.
10bVantunglalang in, “Meiinn salite in leitung theampo a mu Topa mittang salite ahi hi,” hong ci hi. #Tpl 5:6
11Tuaciang keima in, “Meivak khuam lang le lang ah a om olive kungte nii in bang a cinopna ziam? #Tpl 11:4 12Olive thau sunna khamh lawng niite pangh ah olive baak niite sia bang a cinopna ziam?” ci in ama ka dongh hi.
13Ama in, “He ngawl ni ziam?” hong ci hi.
“He bong, Topa awng” ci in ka zo kik hi.
14Tuasia ciang ama in, “Hite in leitung bup ii Topa na a seam tu in Pathian tealsa le sathau a noisa mihing niite ahi hi,” ci hi.
Zerubbabel tungah Pathian Kamciam
6Vantunglalang in Topa tung pan hong pai hi thu teng Zerubbabel tungah son tu in kei hong sawl hi: “Nangma in ngalkap thahatna hang hi ngawl, nangma thahatna hang hi ngawl, ahihang keima thaa bek taw na ma na tun tu hi. #Ezra 5:2 7Mualte za in a lian hong khak hong hal haksatnate na mai panin mang tu hi. Biakinnpi na sa kik tu hi, tuaciang suang khakbel sia a om natu sanah na cian ciang mite in ‘Hoi hi, Hoi hi!’ ci in au tu uh hi,” ama in ci hi.
8 Topa tung panin thupuak dang khat kei tung hong theng hi. 9Ama in, “Zerubbabel in Biakinnpi tawdap phaa zo a, a inn sak zo thiang tu hi. Tuabang hong pian ciang, nang sia keima ii amate kungah kong paisak na hi hunlam ka mite in hong he tu uh hi. 10aNasepna sungah khantona tawm mama ahiciang amate thinkiam hi. Ahihang amate in Zerubbabel ii Biakinnpi sak tu a zop tawtona a mu uh ciang, a lungdam tu uh hi,” ci hi.
Currently Selected:
Zechariah 4: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
