Nehemiah 7
7
1Tu in luphung cian kik kiman zo a, kongpite kibul siatin biakinn cingte, a thiangtho biakna lasa pawlte le a dang Levi te a nasep tek kihawmsak zo hi. 2Jerusalem khuapi a uk tu in mihing nii ka koi a, ka suapuipa Hanani le kulhpi a uk ngalkapmangpa Hananiah ahi hi. Hananiah sia a muanhuai le Pathian a kiita khat hi a, kuama taw kibang ngawl hi. 3Amate tungah, Jerusalem kongpite zingsang nisua zawk mateng a kihon ngawl natu le nitum ciang kongcingte a cia ma in kongpi a kha natu in ka sawl hi. Amate tungah Jerusalem ah a teang mite sung pan khuapi cingte panmun pia a, pawlkhat sia a kisamh na munte ah, a dangte sia amate innhuang tek a cing tu in a koi natu zongh ka vaitha hi.
Saltanna pan A ciakikte Min Tepteena
(Ezra 2:1-70)
4Jerusalem sia khuapi lian khat hi napi a sungah mihing tam teang ngawl a, inn tam kisa ngawl lai hi. 5Mipite, a lampuite le a uliante kaikhawm tu le, a innkuan sung mihing tepteena lai sit tu in Pathian in ka thin hong thawn hi. Saltanna pan hong cia masabelte tepteenate ka mu a, a nuai a bang ahi hi:
6Saltaang tam mamate in Babylon ngam nusia in amate khuapi tek ahi, Jerusalem le Judah ah ciakik uh hi. A innkuanpuite sia Nebuchadnezzar kumpipa ii amate thongtaak tu a, a paipui pan kipan Babylon ah saltaangin teang uh hi. 7A lampuite sia Zerubbabel, Joshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum le Baanah ahi uh hi.
8-25Saltanna pan a cia kik Israel bee le phungte sung pan mihing phaza tek sia hi bang ahi hi:
Parosh — 2,172
Shephatiah — 372
Arah — 652
Pahath Moab (Jeshua le Joab suan le paalte) — 2,818
Elam — 1,254
Zattu — 845
Zaccai — 760
Binnui — 648
Bebai — 628
Azgad — 2,322
Adonikam — 667
Bigvai — 2,067
Adin — 655
Ater (Hezekiah zongh kici) — 98
Hashum — 328
Bezai — 324
Hariph — 112
Gibeon — 95
26-38A taanghpupite teenna a nuai a khuate pan mite zong ciakik hi:
Bethlehem le Netophah — 188
Anathoth — 128
Beth Azmaveth — 42
Kiriath Jearim, Chephirah le Beeroth — 743
Ramah le Geba — 621
Michmash — 122
Bethel le Ai — 123
A dang Nebo — 52
A dang Elam — 1,254
Harim — 320
Jericho — 345
Lod, Hadid le Ono — 721
Senaah — 3,930
39-42Saltanna pan a cia kik thiampi bee le phungte tepteena lai hi bang ahi hi:
Jedaiah (Jeshua suan le paalte) — 973
Immer — 1,052
Pashhur — 1,247
Harim — 1,017
43-45Saltanna pan a cia kik Levi bee le phung teng:
Jeshua le Kadmiel (Hodaviah ii suan le paalte) — 74
Biakinn music thiamte (Asaph ii suan le paalte) — 148
Biakinn cingte (Shallum, Ater, Talmon, Akkub, Hatita le Shobai ii suan le paalte) — 138
46-56Saltanna pan a cia kik Biakinn naseamte ii bee le phung teng:
Ziha, Hasupha, Tabbaoth,
Keros, Sia, Padon,
Lebana, Hagaba, Shalmai,
Hanan, Giddel, Gahar,
Reaiah, Rezin, Nekoda,
Gazzam, Uzza, Paseah,
Besai, Meunim, Nephushesim,
Bakbuk, Hakupha, Harhur,
Bazlith, Mehida, Harsha,
Barkos, Sisera, Temah,
Neziah le Hatipha.
57-59Saltanna pan a ciakik Solomon naseamte ii bee le phung teng:
Sotai, Sophereth, Perida,
Jaalah, Darkon, Giddel,
Shephatiah, Hattil, Pochereth Hazzebaim le Amon.
60Saltanna pan a ciakik biakinn naseamte ii suan le paalte le Solomon ii naseamte ii suan le paalte a vekpi in 392 pha uh hi.
61-62Delaiah, Tobiah le Nekoda bee le phungte pan 642 om a, Tel Melah, Tel Harsha, Cherub, Addon le Immer khua pan a ciakikte hi; ahihang amate in Israel suan le paal te a hina lak thei ngawl uh hi.
63-64A taanghpupite ii khangngui tepteena lai a lak tu a mu zo ngawl thiampi bee le phungte sia a nuai a teng hi: Hobaiah, Hakkoz le Barzillai te hi. (Barzillai thiampi bee le phung ii taanghpupi in Gilead mi Barzillai bee le phung numei khat teenpui a, a sunghpa min la ahikom Barzillai bee le phung kici hi.) A taanghpupite pianna lak thei ngawl ahikom amate thiampi in kisaang ngawl hi. 65Judah ngamukmangpa in Urim le Thummim a zangh thei thiampi khat a om mateng in Pathian tungah a kipia ante, ne thei ngawl tu nu hi, ci in amate son hi. #Pu 28:30; Thkna 33:8
66-69saltanna pan a ciate a vekpi in — 42,360
A naseamte pa le numei — 7,337
Music thiam pa le numei — 245
Siphu — 736
Laa — 245
kalaoh — 435
Laano — 6,720 pha uh hi.
70-72Mihing tam mama in Biakinnpi sakkik natu in na manphate a nuai a bangin pia uh hi.
| Ngamukpa in | khamh kilogramme - 8 |
| biakpiakna uum le beal 50 | |
| thiampi puan 530 | |
| Bee lutangte in | khamh kilogramme 168 |
| ngunn kilogramme 1,250 | |
| A taanglai mipite in | khamh kilogramme 168 |
| ngunn kilogramme 140 | |
| thiampite atu puan 67 |
73Thiampite, Levi te, biakinn cingte, music thiamte, mi nautaang tam mamate, biakinn naseamte - Israel mite theampo — Judah ngamsung khuate le khuapi te ah teang uh hi. #1 Khang 9:2; Neh 11:3
Currently Selected:
Nehemiah 7: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
