Esther 6
6
Kumpipa in Mordecai Patoai
1Tua zan ma in kumpipa mu thei ngawl ahikom a kumpi ukna ngamsung thu tepteena zum laite lasakin ama tungah simsak hi. 2Tua lai sungah kumpipa a kisuam nopna — a inndoite a cing cil kinget kumpi inn sung numei uk niite ahi Bigthana le Teresh in kumpipa a thalup nopna a phawk Mordecai ii pualaakna thu kihel hi. #Est 2:21-22 3Kumpipa in, “Hi thu hangin Mordecai tungah patoaina le tel piakna bangbang om kana ziam?” ci in dongh hi.
A naseamte in, “Ama atu bangma kivawtsak ngawl hi,” ci in zo uh hi.
4Kumpipa in, “Kumpi inn sungah ka uliante akua om ziam?” ci in dongh hi.
Tu in Haman sia zum suumsung hong tum zawk bek hi; ama in Mordecai awklup natu khuam taw kinging zo a, a awklupsak thei natu in kumpipa tungah a ngen tu hong pai zo hi. 5Tua ahiciang a naseamte in, “Hi lai ah Haman om a, nangma taw kimu tu in hong ngak hi,” ci in zo uh hi.
Kumpipa in, “Sungtangsak vun,” ci hi.
6Tuabangin Haman tum a, kumpipa in ama tungah, “Ka patoai nop mama mi khat om hi. Tua pa atu bang vawt tu khi ziam?” ci hi.
Haman in, “Tu in kumpipa in hi zata a, a patoai nop sia akua hi thei tu ziam? Keima hi nak vak ing!” ci in ngaisun hi.
7-8Tua ahikom ama in kumpipa tungah, “Tua pa atu kumpi puan — nangma mama ii na silh puantual sia tuasia pa atu in lasak in. Kumpi kizepna teng na siphu tungah koisak in. 9Tua zawkciang na kumpi ulian sung pan ulianbel khat in tua pa hi puantualte silhsak in a, siphu tungah tosakin khuapi khawlmun kaantan in paisak in. Amate a pai kawmin tua pa in: ‘Kumpipa in a patoai nop pa bangbangin tel pia ci sia, en vun!’ ci in taangko tahen” ci in zo hi.
10Tuasia ciang kumpipa in Haman tungah, “Manlangin pai in a, kumpi puantual le ka siphu la in, tua patoai natu teng Jew mi Mordecai atu vawt ta'n. Tu a ngaisutna nong piak bangin ama tungah vawt siat in. Ama kumpi inn kongbiang ah a to na mu tu hi,” ci hi.
11Tua ahiciang Haman in puantualte le siphu la in, puantualte Mordecai in silhsak hi. Mordecai siphu tung to in khuapi khawlmun kaantan a, a paipui kawmin mipite tungah Haman in: “Kumpipa in a patoai nop pa bangbangin tel pia ci sia en vun!” ci in taangko hi.
12Tua zawkciang Mordecai kumpi inn kongbiang ah heak kik a, Haman ahile maizumin a mai sealsa in inn ah manlang tak cia hi. 13Ama tungah thupiang teng a zi le a lawmte theampo tungah son siat hi. Tuasia ciang a zi le a lawm mipilte in, “Na vaang teng Mordecai tungah a theng tu hi zo hi. Ama Jew mi hi a, zo thei ngawl tu ni hi. Ama in nang hong zo nanak tu hi,” ci uh hi.
Haman Kithatlum
14Amate hi thu teng a son laitak Esther ii vawt anneakpoai ah Haman paipui tu in kumpi inn pan numei uk cil kingette manlang tak hong theng uh hi.
Currently Selected:
Esther 6: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
