1 Khangtaanghthu 20
20
David in Rabbah La
(2 Samuel 12:26-31)
1Kumpite ii ngalsim hun veu ahi khuakhaal hun a thet kik ciang Joab in ngalkaphonpi lampui in Ammon ngam sim uh hi; ahizong David kumpipa sia Jerusalem ah om hi. Amate in Rabbah khuapi uumci in sim a, lalcipsak hi. #2 Sa 11:1 2Ammon te biak milim Molech in kilogramme 34 bang a ngit khamh kumpilukhu khat nei hi. Tua ii sungah suangmanpha khat om a, tuasia David in la in ama kumpilukhu tungah suang hi. Ama in khuapi sung pan vanh a laakte honpi khat zongh ciapui hi. 3Ama in khuapi sung mite paipui in thingatnam, thik tumanh, le heite taw na seamsak hi. Ammon ngam khua dangte theampo ah a om mite zong tuabang ma in seamsak hi. Tua zawkciang ama le a mite Jerusalem ah heak kik uh hi.
Philistine Thatang Liante taw Kisimnate
(2 Samuel 21:15-22)
4Tawmvei zawkciang Philistine te taw Gezer ah ngal kidona om kik hi. Tua tungin Hushah pan Sibbecai in a thatang lian Sippai a kici pa thatin, Philistine te zo hi.
5Philistine te taw ngal kisimna dangkhat om kik in, Jair ii tapa Elhanan in Gath pan Goliath suapuipa Lahmi that hi. Lahmi ii a tei sia thiamtana pumlawng cia saa hi. #1 Sa 17:4-7
6Gath ah khatvei ma ngal kisimna khat om in, tua khua sungah a khut te nii ah khutme luk veve, a peang te nii ah peangme luk veve a nei thatang lian khat om hi. Ama sia nidang lai in mihing thatang liante suan khat hi. 7Tua pa in Israel te nalh ahikom David ii suapuipa Shammah ii tapa Jonathan in thatlum hi.
8David le a mite ii a thalup hi mihing thumte sia Gath khua ah a om thatang liante ii suan le paalte ahi uh hi.
Currently Selected:
1 Khangtaanghthu 20: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
