मत्ती 28
28
यीशु को मरिन में भटे ज्यून हुनो
(मरकुस 16:1-10; लूका 24:1-12; यहूना 20:1-10)
1सबता का दिना का बाद हफ्ताका पैल दिन रातिब्यान मरियम जो मगदला गौं छी और दुसरी मरियम कबर स देखन खिन आयान। 2और देखा, एक बड़ो भूचाल भ्योछ, किलैकी प्रभु को एक स्वर्गदूत स्वर्ग भटे उतर छै और कबर का पास आभेरन उले कबर का मुँख स ढूंगास हटा दीछ, और उक मलि में बैठग्यो। 3उको रूप बिजली नियाति चमकून मरेछ्यो और उक कपाड़ा बरफ का नियाति सफेद छ्या। 4और उ स्वर्गदूत का डर का कारण उन पेहरा दिनवाला डर ग्या और मरिनाका जस हो ग्या। 5स्वर्गदूत ले उन स्यैनि थैं क्योछ, “जन डरा, मैं जाणछु कि तुम यीशुस जैस सूली में चढ़ाईना को छ्यो, ऊस खोजून मरछा। 6उ या नाहातिन, लेकिन उक कईना का अनुसार उ ज्यून है ग्योछ। आ, उ जाग स देखा जा प्रभु स राखिना को छ्यो, 7और जल्दी जाभेरन उक शिष्यून बता, कि उ मुर्दान भटे ज्यून है ग्योछ, और उ तुमून है पैलि गलील प्रदेश खिन जाछो, और तुम वाँ उक दर्शन पाला! देखा मैले तुमूनथैं कै हैलछ्य।”
8तब उन स्यैनिमैंसी डर और भौत खुशी है भेरन जल्दी यीशुका शिष्यून बतून खिन दौड़भेरन जानान। 9तब यीशु उनून मिलछो और कुंनान, “सलाम।” उनूनले यीशुका पास आभेरन ऊस ढोक दीछ। 10तब यीशु ले उनूनथैं क्योछ, “जन डरा; म्यारा शिष्यून थैं जाभेरन को गलील प्रदेश खिन हिटा, वाँई मैंस देखला।”
चौकीदारून कि सूचना
11जब उन स्यैनिन यीशु का शिष्यून यो समाचार दीन खिन जानमरेछ्या, कि सिपाई जो कबर की रखवाली करून मरेछ्या उनूनमें भटे कुछ लोगून ले नगर में आभेरन प्रधान याजकून सब हाल बताछ। 12तब प्रधान याजक यहूदी अगुवान का पास ग्यान, और उनूनले आपस में योजना बनाछ। उनूनले सिपाईन भौत चाँदी दीभेरन क्योछ, 13“तुम सब लोगूनथै इसो कया, जब हम रात में पैड़ रै छ्या, उक शिष्य आभेरन उक लाश स चोरी ली ग्यान। 14और अगर यो बात राज्यपाल पिलातुसा का कानून तक पुजी ले जालि, त हम ऊस समझा द्यूला और तुमून के बात की फिकर करना की जरूरत नाहातिन हम तुमून बचा ल्यूला।” 15तब सिपाईन ले रूपाया लीभेरन ऊसो क्योछ जसो उनून सिखाईना को छ्यो। यो बात आज तक यहूदीन में प्रचलित छै।
यीशु को दिखाई दीनो और आखरी आज्ञा
(मरकुस 16:14-18; लूका 24:36-49; यहूना 20:19-23; प्रेरि. 1:6-8)
16तब यीशु का इग्यार शिष्य गलील प्रदेश में उ डाणा में ग्यान जा यीशु ले उनून बताईना को छ्यो। 17तब शिष्यून ले यीशु स देखभेरन ढोक दीछ, और कैसे-कैसे सकले भ्योछ की उ ज्यून हो ग्योछी कै 18लेकिन यीशु ले उनार पास आभेरन क्योछ, “स्वर्ग और धरती को पुरो अधिकार मैंस दी ग्योछ। 19येक कारण तुम जा, सब जातिन का लोगून शिष्य बना; और उनून पिता, और पुत्र, और पवित्र आत्मा का नाम ले बपतिस्मा दीया, 20और उनून सब बात जो मैंल तुमून सिखा राख्यान उनूनले मानून सिखा, और देखा मैं संसार का अन्त तक हमेशा तुमार दगाड़ छूँ।”
Currently Selected:
मत्ती 28: SORNT
Highlight
Share
Copy
Want to have your highlights saved across all your devices? Sign up or sign in
Soriyali New Testament (सोरियाली नय्या नियम) 2020 by The Love Fellowship is licensed under a Creative Commons Attribution-ShareAlike 4.0 International License.
