San Mateo 28

U mʌsa' t'ʌn tuk'in kaj ka' lik' tu ka' kuxta a Jesús

(Mr. 16.1-8; Lc. 24.1-12; Jn. 20.1-10)

1Kaj mʌni u k'ini ku je'sik u bʌjo' a judíos, ka tʌn u tar u sasta, a lʌji' u k'ini u yʌ chu'mpʌtʌ a semana, María Magdalena yete a juntu María, bino' u yire u mukra a Jesús. 2Toj yayaj kaj peknʌ a lu'm, tuj emi ix kʌ' junturi' u ángel K'uj, ij xok'i to u mukra a Jesús y tu k'uya' a tunich tu mʌka u jor y kuraji' yok'o a tunich. 3A ángel jach sasi bex u jajap K'uj, u nok' jach k'ux sʌk. 4Ka tu yiro' a ba'kʌi, tu sʌjto', y bex a kimen p'ato'. 5A ángel tu ya'tio' a ch'uprao':

—Ma' sʌjtike'x. Ten in we, lʌji' tʌn a kʌxtik a Jesús, a mok bʌja'. 6Mo wai tiʌ, a ti' ka' kuxraji a bex tu ya'a. Ko'ten a wire'x tu ta but'e'x u bʌk'e. 7Xene'x se'p' y a'e'x tio' u kʌ'sa winiko': “Ka' lik' tu ka' kuxta a Jesús, y ti ku bin Galilea, ti' u ka' much'ikex tita, y tita ka bin a wire'x.” Toj jari a je' a ba' ki wei'k te'x.

Jesús ku ye'sik u bʌj ti' a ch'uprao'

8A ch'upra jok'o' se'p' tu mukro', yete u sajki y u tsoy u yor, y bino' k'ʌne aka' u ya'ti' u kʌ'sa winiko' a Jesús. 9A Jesús tu ye'sa u bʌj tia ch'upra y tu t'ʌna, tiʌ xok'i ti Jesús, y tu yao' jach tsoyech Jesús ka tu mek'a u yok. 10A Jesús tu ya'a:

—Ma' sʌjtike'x. Xene'x a wa'ti' y bojo' tiu bino' ix Galilea, a tita ku bin u yiren.

U'ro' a ba'kʌi u tsikbʌte

11A ch'uprao' tʌn u yʌ bino', jujuntu a ba'kʌi bino' yok'o u kʌjta y tu laj tsikbʌto' tio' u t'ojio' a moko' ku meajo' yok'o u yatoch K'uj, tu woro a ba' a tu yiro'. 12Tu laj much'a u bʌjo' tu woro yete a jak'ʌ u kucho' u winiko' a judíos, ti' u katik u yoro' yete a ba'kʌyo'. Pachi ne ya'p tak'in tu ts'ao' ti' aj ba'kʌyo', 13y tu ya'o' tio': Bex ka bin a wa'ex:

—U kʌ'sa winik taro' ix ak'ʌ' y tu yakro' u bʌk'e a Jesús, tuk'in wenikao'. 14Wa ku yui'k aj wes, teno' ki bi kʌxto' bik in wei'ko' ti', y mʌnʌ' in ch'eik u kinske'x. 15Y a tio' tu ch'a a tak'in y tu meto' a bex a'bitio' u metik. Y a je' a tsikba tak beje' xuy bex ku tsikbʌta' tu tio' a judíos.

A ba' tu ya'a Jesús ti u kʌ'sa winik u metik

(Mr. 16.14-18; Lc. 24.36-49; Jn. 20.19-23)

16Chen u once u kʌ'sa winik a Jesús bino' ix Galilea, ix a wits tu tu ya'a a Jesús u bino'. 17Y tuk'in ka tu yiro' a Jesús, tu k'ujinto', tak chen tax jujuntu muj ch'eik u t'ʌn wo jach lʌji' a Jesús. 18Y Jesús xok'i tu tio' y tu ya'tio':

—A in Tet K'uj tu ts'aten tu woro a lu'm y tu woro' a kʌ' ti' in wesintik. 19Xene'x tu woro yok'o a lu'm y mete'x u jer in kʌ'sa winiko', ka but'ke'x ix ja' y ka k'ʌnik u k'aba' in Tet, Ten y yete u Pixʌn K'uj tuk'in ka' but'e'x ix ja', 20Ka we'sik tio' u metko' tu woro a ba' tin wa'a u metko', y ten mʌnʌ' in p'ʌtke'x tu woro k'in turu u xu' t'ʌn. Amén.

Currently Selected:

San Mateo 28: PLacNaha

Highlight

Copy