Mak Ato aga efwɔ aŋwɛʼrɛ Mak

Ato aga efwɔ aŋwɛʼrɛ Mak

Ekɔn ǹchwɔ̀ wɛ Mak à sɛɛrɛ mbɔʼ Yeso ngɛ ne klada kpe, “Ekɔn ǹchwɔ̀ mbɔʼ Yeso Kristo ŋwɔ Ngwe.” Mak à kede Yeso na gho à ma fwɛʼ abwa gɛ̀rɛ̀ me le ekama nɔ. À zɔ ekama ngɔ aŋu à ma tee abwa, mà chì ezhwɛɛrɛ bɔɔbɔɔ gɛ̀rɛ̀ mà dzɛ̀d abwa bɔɔbɔɔ bɔ ngɛ. Yeso à zɔʼrɔ amɔ kpe mbè na ŋwɔ Ngwe wɛ à zeʼe é ndɛʼ etyê gɛ̀rɛ̀ pwèerè bɔ efwɔ abwa bɔɔbɔɔ ngɛ. Mak à ga mbɔʼ Yeso ene abwa yɛ à ma lè ngɛ fɔɔ angɔ yɛ à ma gà gɛ̀rɛ̀ ma tee ngɛ. Mak à mɔmɔ ebwa mbɔʼ Eyɔɔ Andɛʼndim gɛrɛ gà aŋu Yeso à nu ndim Asatan kwa̧ʼra engɔ ngɛ. Engɔ à gɛrɛ gà aŋu Yeso à ma glì bɔ aŋwan gɛ̀rɛ̀ mà tee abwa ngɛ. Abɔ byɛ â ma kìrì engɔ ngɛ à nɛɛ engɔ anchwɔnchwɔ, bɛʼngɛ bɔ m̀pɛ̀ʼ ngɔ wu gwè engɔ ghɛʼ. Mak ngudu aŋwɛʼrɛ mɔ mà gà ene ǹkyɛ̀ ngùdu Yeso efwɔ ese, ndanda aŋu â kɔmmɔ engɔ azɔd baʼra engɔ gɛrɛ zhwɛm ene ewu ngɛ.

Aŋu e me gɛ̀bbɛ aŋwɛʼrɛ zɔnɔ ngɛ

Eklada ene ekɔn ǹchwɔ̀ 1:1-13

Afwɛʼ Yeso a Galilii 1:14–9:50

Yeso nyɛrɛ a Galilii ngɔɔ a Jerusalɛm 10:1-52

Ǹkyɛ̀ ngùdu ebara mane efwɔ abɛ Jerusalɛm 11:1–15:47

Aŋu Yeso à zhwɛm ene ewu ngɛ 16:1-8

Masakɛ à tee amɔ ebe bɔ gɛ̀rɛ̀ kwaʼ ngɔɔ ekere 16:9-20

Currently Selected:

Mak Ato aga efwɔ aŋwɛʼrɛ Mak: nbt

Highlight

Copy

Want to have your highlights saved across all your devices? Sign up or sign in

Learn More About Aŋwɛʼrɛ Ebuumu Fe Nè Ngwe

Mak Ato aga efwɔ aŋwɛʼrɛ Mak

Popular Bible Verses from
Mak Ato aga efwɔ aŋwɛʼrɛ Mak

Bible:

Ngwo

Version: Aŋwɛʼrɛ Ebuumu Fe Nè Ngwe - nbt