Jonás 3
3
Níniveĉantyiꞌ in dyijyi juchajcheꞌ in
1Quivij muꞌ Ayoꞌ jasoꞌmiti p̂eyacdyeꞌ Jonás, chịmoꞌdye p̂eyacdyeꞌ jasoꞌmibun, jajiti quivij:
2—Tạij mi därsiꞌĉan bäꞌyedyeꞌ jịjcava Níniveve, soꞌmacseva ọij p̂eyacdyeꞌ soꞌmeyes yụ.
3Meꞌdye muꞌ Jonás chiquepte p̂eyacdyeꞌ muꞌ, sacti muꞌ, Níniveve roiꞌjeꞌ muꞌ. Anic jiyiꞌ mọꞌ därsiꞌ bäꞌyedyeꞌ chibinyaꞌ ĉọshiꞌ q̂uinꞌdyemꞌ sapaꞌjeꞌ in mọꞌ bäꞌyedyeꞌ. 4Muꞌ Jonás aty chaꞌsheꞌyaꞌ mọꞌ, yiris mạyedyeꞌ miꞌi muꞌĉan fer p̂eyaqui jéyacsi: "Vạjpedyeꞌ quiꞌtacdyety raꞌ mạyedyeꞌ chat qui raꞌ Jenꞌ jịꞌmotsbunac ọij bäꞌyedyeꞌ miꞌin Nínive", yi jéyacsi. 5Muꞌin na muꞌĉantyiꞌ in, fer buꞌyity in judyeyaꞌ uyaꞌyaty in, räjenꞌ seꞌvepte p̂eyacdyeꞌ in anicjete Jenꞌ in. Dyijtuiꞌ in yịñij Jenꞌdyes in judyeyaꞌ p̂oc̣hiꞌc̣hiijtyiꞌĉan quịꞌsiꞌ cäbun in, mọꞌ jịꞌĉocdyes aty dyijyi juchajcheꞌ in.
10Jenꞌ aty cạvacsi junꞌ chuc aty yocve dyijyi in, yacchuqui aꞌc̣his dyijyedyeꞌ muꞌin, mọꞌdyes qui muꞌ Jenꞌ farajjeꞌ mọꞌ dyijyedyeꞌ muꞌ junꞌjeyacsi chuc raꞌ tsanꞌ, aty qui jam jịꞌcätseꞌ p̂eyacdyeꞌ muꞌ, chat qui jam meꞌjeyacsi muꞌĉantyiꞌ in Níniveĉantyiꞌ in.
Currently Selected:
Jonás 3: CAS
Highlight
Share
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
