Génesis 5
5
Muꞌin Adántyiꞌ vóshimꞌ
1Ọij nash tịj muꞌin vóshiꞌ Adántyiꞌ jiquej muꞌin.
Jenꞌ jämꞌte muntyiꞌ jiquej, joꞌmeij jämꞌte yódyeijdyemꞌ Jenꞌ u, 2sonꞌ judyeyaꞌ p̂en jämꞌtacsi Jenꞌ, chat qui yụꞌtyeyeyacsi jämꞌsiꞌ p̂eyacdyeꞌ muꞌindyes in judyeyaꞌ "muntyiꞌ" jéyacsi.
3Muꞌ Adán tyiti yiriꞌ cien chibin quiꞌtac yómodyeꞌ, q̂uinꞌdyemꞌ yoctyiꞌ naꞌi ạvaꞌ muꞌ, Set jịꞌtiꞌete. C̣hac joꞌmeij jeꞌñeij jenꞌ muꞌ. 4Adán men bäꞌyi tacaꞌ q̂uenꞌĉan quiꞌ cien yómodyeꞌ, judyeyaꞌ daiꞌ ạvaꞌ muꞌ naꞌi in, sonꞌ judyeyaꞌ p̂en in. 5Aty arajtac quiꞌ cien chibin quiꞌtac yómodyeꞌ tyiti muꞌ, chat q̂uinꞌdyemꞌ säñi muꞌ Adán.
6Set-siꞌ yiriꞌ cien ĉanamꞌ jiyiꞌ yómodyeꞌ muꞌ, q̂uinꞌdyemꞌ naꞌi ạvaꞌ muꞌ Enós tịj muꞌ. 7Men bäꞌyi tacaꞌ q̂uenꞌĉan quiꞌ cien yävätidyeꞌ jiyiꞌ yómodyeꞌ judyeyaꞌ daiꞌ tacaꞌ naꞌi ạvaꞌ muꞌ, sonꞌ in judyeyaꞌ p̂en in. 8Aty arajtac quiꞌ cien yiriꞌtac päräꞌ jiyiꞌ yómodyeꞌ tyiti muꞌ, chat q̂uinꞌdyemꞌ säñi muꞌ Set.
9Muꞌ Enós aty arajtac quiꞌtac yómodyeꞌ tyiti, q̂uinꞌdyemꞌ naꞌi ạvaꞌ muꞌ Cainán. 10Men bäꞌyi tacaꞌ q̂uenꞌĉan quiꞌ cien yiriꞌtac ĉanamꞌ jiyiꞌ yómodyeꞌ, judyeyaꞌ daiꞌ tacaꞌ ạvaꞌ muꞌ naꞌi in, sonꞌ in judyeyaꞌ p̂en in. 11Aty arajtac quiꞌ cien ĉanamꞌ jiyiꞌ yómodyeꞌ tyiti muꞌ, chat q̂uinꞌdyemꞌ säñi muꞌ Enós.
12Cainán aty yävätidyeꞌ quiꞌtac yómodyeꞌ tyiti, q̂uinꞌdyemꞌ naꞌi ạvaꞌ muꞌ Mahalaleel. 13Men bäꞌyi tacaꞌ q̂uenꞌĉan quiꞌ cien vạjpedyeꞌ quiꞌtac yómodyeꞌ judyeyaꞌ daiꞌ ạvaꞌ muꞌ naꞌi in, sonꞌ in judyeyaꞌ p̂en in. 14Aty arajtac quiꞌ cien yiriꞌtac yómodyeꞌ tyiti muꞌ chat q̂uinꞌdyemꞌ säñi muꞌ Cainán.
15Muꞌ Mahalaleel aty jäbän quiꞌtac ĉanamꞌ jiyiꞌ yómodyeꞌ tyiti, q̂uinꞌdyemꞌ naꞌi ạvaꞌ muꞌ Jared. 16Men bäꞌyi tacaꞌ q̂uenꞌĉan quiꞌ cien chibin quiꞌtac yómodyeꞌ judyeyaꞌ daiꞌ ạvaꞌ muꞌ naꞌi in, sonꞌ in judyeyaꞌ p̂en in. 17Aty q̂uenꞌĉan quiꞌ cien arajtac quiꞌtac ĉanamꞌ jiyiꞌ yómodyeꞌ tyiti, chat q̂uinꞌdyemꞌ säñi muꞌ Mahalaleel.
18Jared aty yiriꞌ cien jäbän quiꞌtac päräꞌ jiyiꞌ yómodyeꞌ tyiti, q̂uinꞌdyemꞌ naꞌi ạvaꞌ muꞌ Enoc. 19Men bäꞌyi tacaꞌ q̂uenꞌĉan quiꞌ cien yómodyeꞌ judyeyaꞌ daiꞌ ạvaꞌ muꞌ naꞌi in, sonꞌ in judyeyaꞌ p̂en in. 20Aty arajtac quiꞌ cien jäbän quiꞌtac päräꞌ jiyiꞌ yómodyeꞌ tyiti, chat q̂uinꞌdyemꞌ säñi muꞌ Jared.
21Enoc aty jäbän quiꞌtac ĉanamꞌ jiyiꞌ yómodyeꞌ tyiti, q̂uinꞌdyemꞌ naꞌi ạvaꞌ muꞌ Matusalén. 22Enoc cäc̣häꞌchutety Jenꞌ. Naꞌi muꞌ Matusalén, men tacaꞌ muꞌ bäꞌyi Enoc, chibin quiꞌ cien yómodyeꞌ, daiꞌ ạvaꞌ muꞌ naꞌi in, sonꞌ in judyeyaꞌ p̂en in. 23Aty chibin quiꞌ cien jäbän quiꞌtac ĉanamꞌ jiyiꞌ yómodyeꞌ tyiti. 24Enoc cäc̣häꞌchutety Jenꞌ, ĉụiꞌdye yirisĉan mạyedyeꞌ jácabun muꞌ Jenꞌ.
25Muꞌ Matusalén aty yiriꞌ cien q̂uenꞌĉan quiꞌtac yävätidyeꞌ jiyiꞌ yómodyeꞌ tyiti, q̂uinꞌdyemꞌ naꞌi ạvaꞌ muꞌ Lamec. 26Men bäꞌyi tacaꞌ yävätidyeꞌ quiꞌ cien q̂uenꞌĉan quiꞌtac päräꞌ jiyi yómodyeꞌ, judyeyaꞌ daiꞌ ạvaꞌ muꞌ naꞌi in, sonꞌ in judyeyaꞌ p̂en in. 27Aty arajtac quiꞌ cien jäbän quiꞌtac arajtac jiyiꞌ yómodyeꞌ tyiti, chat q̂uinꞌdyemꞌ säñi muꞌ Matusalén.
28Lamec aty yiriꞌ cien q̂uenꞌĉan quiꞌtac päräꞌ jiyiꞌ yómodyeꞌ tyiti, q̂uinꞌdyemꞌ naꞌi ạvaꞌ muꞌ, 29Noé jịꞌtiꞌete,#5:29 Noé yiꞌ ca yiꞌ "jịꞌjutyitidyeꞌ" ĉaĉaij na yi muꞌ: "Muꞌ Ayoꞌ tsun ac̣hiꞌtyeꞌ jac jiquej, q̂uinꞌ carij buꞌyiꞌ dạcjaꞌ säcsedyeꞌ. Uts na ạvaꞌ tsun Noé, muꞌ raꞌ jịꞌjutyitidyes soꞌmisinꞌ", yi Lamec. 30Naꞌiyaꞌ muꞌ Noé, men tacaꞌ bäꞌyi muꞌ Lamec, ĉanamꞌ quiꞌ cien arajtac quiꞌtac ĉanamꞌ jiyiꞌ yómodyeꞌ, judyeyaꞌ daiꞌ ạvaꞌ muꞌ naꞌi in sonꞌ in judyeyaꞌ p̂en in. 31Aty yävätidyeꞌ quiꞌ cien yävätidyeꞌ quiꞌtac yävätidyeꞌ jiyiꞌ yómodyeꞌ tyiti muꞌ, chat q̂uinꞌdyemꞌ säñi muꞌ Lamec.
32Noé aty ĉanamꞌ quiꞌ cien yómodyeꞌ tyiti, q̂uinꞌdyemꞌ naꞌi ạvaꞌ muꞌ, tịj muꞌin Sem, Cam judyeyaꞌ Jafet.
Currently Selected:
Génesis 5: CAS
Highlight
Share
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
