Lucas 3:4-6

Joma mau makasii Dachi Akõre baita berreabarii Isaiasba naed̶e b̶ʉd̶a kĩra: «Ẽbẽra drua sirua wãꞌãe b̶uud̶e jĩwa berrea b̶uu: O jarésturu Dachi Mechiu biꞌia neemera. O ichi baita jipa wirua wáusturu. Ioro jokoa b̶ee joma korii b̶eei. Ea ʉtʉ b̶ee maud̶e ea jeed̶a b̶ee korii b̶eei. O jʉ̃rea b̶ee jipa wirua waui maud̶e o kachirua b̶ee joma biꞌia waukuai. Maka jomaurãba unud̶ai saka Dachi Akõreba dachi karibai b̶uu».