Nikumoona 47
47
Nikumoon XLVII.
1O pusseche̔chāhumak mamowe ka̔keyow keyawaw ayiseyinetik: O nikumoosta̔k Muneto ā meyo̔takwu̔k o̔che.
2Weya, ka Tipāye̔chekāt kistāye̔takoosew, kitta ke̔ koosikwāyimee̔t: weya ke̔che Ookemawew missewā uskee̔k.
3Ke ga sakooche̔tumakoonow ayiseyinewa: mena ka tu̔tooskanāmukisseyit ayiseyinewa seepa ke’ sitena̔k.
4Ke ga nowusoonumakoonow kā ayaku̔k: oo kistatāye̔takoosewin Jacoba, ka sakehat.
5Muneto ke̔ itoo̔tāo ā muma̔takoosit: mena ka Tipāye̔chekāt ā kitoo̔tawee̔t ke̔che pootachekun.
6O nikumook oo mume̔chimikoowina, nikumook kitta mume̔chimāk ke Munetoomenow: O nikumook oo mume̔chimikoowina, nikumook mume̔chimee̔k ke ke̔che Ookemamenow.
7Weya Muneto ke̔che Ookemawew missewā uskee̔k: nikumook oo mume̔chimikoowina nisseto̔tumoowin ussitche.
8Muneto tipāyimāo āka ka ayumehayit: Muneto uppew oo kunache uppewini̔k.
9Ka ookemawitchik ayiseyineeska̔k wechāwāwuk oot ayiseyineemeyewa Abraham oo Munetooma: weya Muneto, naspitch ka kistāye̔takoosit, natumowāo uskee̔k āyayit, oo natumakāwin o̔che.
Currently Selected:
Nikumoona 47: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
